San Lucas 17:3 - Wounaan Meu

³ Maimua ĩchab, —Pãrag jaaukhim, khaphʉ abat ajim anʉm, ich Jesuupai. Pãachjo mʉ iek ʉkha nʉm khʉʉnau khãijã pãach dʉi khaigba abaawai warag dʉi agjo aju khãyau sĩi am wawibat ajim anʉm. Maimua amachdeu mag pãach dʉi khaigba abarm khaug auwia pãachig “Mʉ perdonaabá” aawai, am perdonaawia oob tag bʉ̃ʉrjã magʉm iek igmiet ajim anʉm.

Woun Meu

³ Maimua hĩchab, ’Pãrag jaauk'im, k'ap'ʌ habat hajim hanʌm, hich Jesuupai. Pãachjö mʌ hiek hʌ̈k'a nʌm k'ʌʌnau k'ãijã pãach dʌ̈i k'aigba habaawai warag dʌ̈i hagjö haju k'ãyau sĩi ham wawibat hajim hanʌm. Maimua hamachdëu mag pãach dʌ̈i k'aigba habarm k'aug hauwia pãachig “Mʌ perdonaabá” haawai, ham perdonaawia hoob tag bʌ̃ʌrjã magʌm hiek higmiet hajim hanʌm.

San Lucas 17:3 Iomraidhean Croise

San Mateo 18:21

Magbaawai Pedroou Jesuug, —Señor, magan mʉchjo pʉ iek ʉkha nʉm khʉʉnau ãbmua khãijã mʉ dʉi khaigba aawai, ¿biek kharr mua perdonaajuma? a jeeujim. ¿Siete veces?

San Lucas 21:34

Khĩir khaphʉ nʉisit ajim anʉm, mʉ beewai sĩi doo gaaipai nʉm dʉi warag pãach nem ig nʉmta khĩirju nʉm gaaimua mʉ iek ʉkhaba, warag thãar theeg sĩi mʉ beejujã khaugba, okhoppha nʉm pãach oochepim ugua.

Efesios 5:15

Maguata muan pãragan agpierraata wenʉrrathʉ̃ a chirʉm, Ẽwandamau khõsimjo. Sĩi jãg nem jaau nʉmjã ũrba wenʉrraju khãai khĩirjugdam paraata aajeethʉ̃.

Hebreos 12:15

Magam ugua Ẽwandamau pãach dʉi ich garmua nem ajapha am ig sim chan oob ʉdʉʉr okhoopimiet; ni ãbamʉgjã oob pãach ee sĩi pakher khaigbamjo oberpimiet. Ʉdʉraa magta apimʉn, mag oowi deeum khʉʉnaujã i denjo aadeewai, bigaaum khʉʉn gaaipata warag ben ãkhãraamjo dʉrbabaadeewai, õor pom Ẽwandam dʉi ʉu narr khãijã khaigba aju.

Santiago 5:19

Khodamnaan, ãbmiecha paawai pãade mʉ iek ũrbat: Ãb khãijã pãar ee maach peerdʉajem iek ichdeu ʉkha sĩerr isegwi sĩi parhoob ichdeu am aig nem wau nʉrrʉmta deeu ãbmua khãijã wawí auwi ũwaai khʉd ajaug ee phaibapʉimʉn,

2 Juan 1:8

Pãachdeu Ẽwandam iek ʉkhatarr gaai ubʉ wenʉrrʉm paar ʉ̃gthar paawaijã irua deeju a sim thum chadcha aum khõsi nʉm khai, khĩir khaphʉnaa õor sĩi jãg seukha nʉrrjeem khʉʉn iek oob ʉkhamiet. Pãrau magba ʉdʉraata amag pãach khũgurpim chan irua mag nem deeju a simjã thumcha aubaju.