San Lucas 17:21 - Wounaan Meu

²¹ Mua nem wau chirʉm gaaimua pãrau khaphʉ aju aai nʉm, Ẽwandam ya pãach ee sim; magua irua ich jua oopi simgui ajim anaabá, chadcha ichta thum ich iek ʉkha nʉm khʉʉn Porkha sĩeichem khap amkhĩir. Maagwai õrau mʉʉgwaiwe chan, “Mʉgá, ar nʉrrʉ́,” wa “Achum ar sĩ” abajugui ajim anʉm.

Woun Meu

²¹ Mua nem wau chirʌm gaaimua pãrau k'ap'ʌ haju haai nʌm, Hẽwandam ya pãach hee sim; magua hirua hich jua hoopi simgui hajim hanaabá, chadcha hichta t'um hich hiek hʌ̈k'a nʌm k'ʌʌn Pörk'a sĩeichëm k'ap hamk'ĩir. Maagwai hõrau mʌʌgwaiwe chan, “Mʌgá, har nʌrrʌ́,” wa “Hachum har sĩ” habajugui hajim hanʌm.

San Lucas 17:21 Iomraidhean Croise

San Mateo 12:28

Muan chadcha Ẽwandam jua theegauta mepeenjã jãg jʉr werp chitʉmgui ajim. Mag mepeen mua jʉr werp chirʉm gaaimua pãrau khaphʉ aju aai nʉm, ya ich Ẽwandam chi jua thierrta mʉig pãar ee sĩeichem. Mamʉ magʉmjã pãrau khaugba nʉmgui ajim.

San Marcos 13:21

’Magbaadem ee õrau pãachig, “Oobat, chamʉʉta warrgarwe Ẽwandamau pʉiju aajerrauwai” aawai, oob ʉkhamiet. Wa magbam khai, “Ar simta ichiuwai” aawaijã, oob ʉkhamiet ajim anʉm.

San Lucas 17:23

Mʉg atag õrau pãachig, “Mʉgá, ar nʉrrʉ́, ya beejimwai,” wa magbam khai “Achum sim” aawai, oob ʉkhawia aar oon wetmiet ajim aajem. Magua pãachig nem jaauwaijã oob am iek ʉkhamiet.

San Lucas 21:8

Magbaawai jaaubaademua ichdeu amag magjim aajem: —Keena, khĩir khaphʉ wenʉrrat; oob chikhamnag sĩi ʉdʉraa pãach khũgur aupimiet ajim anʉm. Nau mʉg atag paawai õor khapankham khʉʉnau amach iekpaita mʉ iek gaai thʉwia, “Mʉʉta ag Cristoou” ajurau, “Ẽwandamau pʉiju aajerr. Ĩsta mʉ barbaichem thumaam khʉʉn Porkhaag” a iekhamajugui ajim anʉm. Mamʉ amau pãachig maagwaijã oob am iek ʉkhamiet ajim anʉm.

San Juan 1:26

Magbaawai Juanau, —Muan sĩi dodamaupaita õor por choo chitʉmgui ajim. Pari pãach ee woun ãb sim, ichta ich Ẽwandamaucha pʉiju a jaaujerrau. Ma agtha pãrau khaugba naabahab, mamʉ i barcheewai khĩir khaug naamkhĩirta ag nawe mua õor por choo chitʉmgui ajim.

San Juan 18:36

Magbaawai Jesuu irig, —Mʉ chan mʉg durr gaai Reikhaagjã beebajimgui ajim anʉm. Mʉg durr gaai Reikhaagta mʉ beetarr akhiin, mʉch kõit werbʉmkhĩir mʉ õor phe wai chirakhamgui ajim anʉm, judionaan chi pornaanag sĩi mʉch pʉr deem ugua. Pari mʉig eegar chan mʉ Reikhaju durr khabamgui ajim anʉm.

Romanos 14:17

Wajapcharan Ẽwandamag dich Porkhapi nʉm chan, sĩi nem khĩirpierr thach kho nʉm khaba, ni nem khĩirpierr do nʉmjã khabam. Ẽwandamag ʉdʉraa dich Porkhapi nʉmʉn, irua nem khõsimjo waunaa dich khapeen dʉijã khõinaa nʉm dʉi ich Ẽwandam Akhaar gaaimua onee wenʉrrʉmʉu.

Colosenses 1:27

Magta pãarjã i denkha nʉm khʉʉn aawai maar meeun judionaan khaba awiajã Ẽwandamau pãragjã khaphʉ apibarm, jãga mag Cristo maach thãar ee sĩejemta mʉg atag ʉ̃gthar paaukhawijã oo wai wenʉrraju.