San Lucas 17:18 - Wounaan Meu

¹⁸ Amach monaautarr paar Ẽwandamag “Ʉu ajim” aju chukhu arrjo, ãba pʉ appaita deeu khitaichebma ajim anʉm, deeum durramkha chirʉmta.

Woun Meu

¹⁸ Hamach monaautarr paar Hẽwandamag “Hʌ̈u hajim” haju chuk'u harrjö, hãba pʌ happaita deeu k'itaichëbma hajim hanʌm, deeum durramk'a chirʌmta.

San Lucas 17:18 Iomraidhean Croise

San Mateo 19:30

Pari mag ed ãaur khʉʉn ar mʉig eegar aawai amachta chikham khãaijã ʉ̃rʉʉcha nʉm aajerr khʉʉnta ʉ̃gthar Ẽwandam aar paaukhaimaawaijã jũrr serbiibacha aajerrjoo nʉisijugui ajim. Maimua jũrr ar mʉ gaaimua chikhamnau serbiibag pheejerr khʉʉnta jũrr warm khʉʉn khãaijã ʉ̃rcha nʉisijugui a iekhamajim ich Jesuu, marag ũrmkhĩir.

San Mateo 20:16

Mag nem ĩgkhaadam jaauwi ich Jesuupai, —Ich jãgta ajugui ajim ĩchab mʉg atagjã. Ẽudeecha phidag ee dubtarr khʉʉnagta nacha dubtarr khʉʉnag phagtarrjo, ẽudeecha mʉch iek ʉkhatarr khʉʉnagjã nacha ʉkhatarr khʉʉnagamjo agdaujo nem deemaju. Maiguin Ẽwandam athee pom nem wauba arr khʉʉnagjã warm khʉʉnagamjo phagmajugui ajim.

San Mateo 8:10

Chi capitanau ich jʉ̃g daar mag iekhabaawai jʉ̃gderraa aademua ich ẽudee wetmarr khʉʉnagta, —Keena, pãade oobat: Mʉg maach israelnaan ee mʉg woun denjo ʉkha nʉm chan mua agtha ooba chitʉmgui ajim anʉm ich Jesuu.

San Mateo 8:12

Pari mag ed pãar chi israelnaanta chadcha Ẽwandam thumaam khʉʉn Porkha sim aar naaju aai nʉmta, pãachdeu ʉkhaba nʉm gaaimua pãachta jũrr khĩmie durr barkhʉʉipʉiju ajim anaabá, amach khĩircha. Mam barkhʉʉibapäaiwaita icharaucha pãar bĩep jẽbʉ abarju. Maigta mamag khaphobaademʉn ich maig ich mag nʉisim iekhau a jaaumajim anaabá.

San Mateo 9:8

Magbarm oowia aig narr khʉʉn dauderraa nʉisijim anʉm. Mag nʉm iekhau warag Ẽwandamagta, “Ʉuhcha jãgbarm, Ẽwandam. Jãan pʉch jua theegauta mʉg wounag jãgpibarm” ajierram aajem.

San Lucas 17:17

Magbaawai Jesuu magʉg, —¿Pãar chi monaautarr khʉʉn diez naabajĩ? ¿Jam nʉma ajim anʉm tagam khʉʉn nueve?

Apocalipsis 14:7

Mag irua jaau jorrarr iek mʉg ajim: “Ẽwandam dau na nem khaigbam wauju okho abat. Mag khãai irig jeeunaa iita tho iekhabat. Ya ĩsta irua õor ich aar phe auju wa phe auba warag isegju khãijã amach khĩircha jaauju ed pabaichem. Mʉg edjãjã ompaawi mʉg jẽbjã ompaatarragta jeeubathʉ̃. Ichdeuta ĩchab phũasjã ompaawi jẽb eemua do khumdʉ ober sĩsidʉmjã ompaajim” a jaau jorrajim, ũrr jorromua. Ma nacharamua iek jaau dichtarr ajim.