San Lucas 17:16 - Wounaan Meu

¹⁶ Mag beewi Jesús bʉkhʉrr phõbkha jẽbjã gaai dagau dʉrnaa, “Ʉu ajim” ajim aajem irig, ich monaautarr paar. Chi mag Jesuug ʉu ajim aan beetarr, Samariapierr ajim aajem.

Woun Meu

¹⁶ Mag bëewi Jesús bʌ̈k'ʌrr p'õbk'a jẽbjã gaai dagau dʌrnaa, “Hʌ̈u hajim” hajim haajem hirig, hich monaautarr paar. Chi mag Jesuug hʌ̈u hajim haan bëetarr, Samariapierr hajim haajem.

San Lucas 17:16 Iomraidhean Croise

San Mateo 10:5

Makhʉʉn doce ich Jesuucha jʉr autarr khʉʉnta ichdeucha pʉijim. Pari mag maar pʉyaagpamua marag, judionaan khabam khʉʉn ee chan wetpiba, ni Samaria durram phobor eejã wetpiba jaaujim.

San Mateo 2:11

Mag barwia, chi chaai kherarr aar dubnaa ooimaawai, chadcha chi chaaidam ich María dʉi ooimajierram anaabá. Magbaawai ag khĩirphee jĩepor phõbkhanaa i ajaug tho iekhajierram aajem, ich reikhaju igwi. Magnaa amach nem wai beetarr eem phĩr maimua incienso mirra dʉi thũpha khitheem aunaa irig deejierram aajem.

San Marcos 5:33

Mamʉ mag meraa i gaai pʉrtarrta ich khaug athaawai jãphierr nʉm iekhau sĩi kha duui Jesús aig beewia i khĩirphee kanieu phõbkhabaichejim anaabá. Magwi chadcha meerba jaaujim anʉm, mag ichdeu i khajũa gaai pʉrtarr.

San Lucas 17:17

Magbaawai Jesuu magʉg, —¿Pãar chi monaautarr khʉʉn diez naabajĩ? ¿Jam nʉma ajim anʉm tagam khʉʉn nueve?

San Lucas 5:8

Mag Jesús ipierraa arr gaaimuapai ãwarr pom pʉr atham oobaawai Pedro dʉi jap ãbam ee narr khʉʉnaupa, “¿Mʉʉn khanim wounta ag na mʉg ooba aajemta ãwarr pom mʉg pʉr aupibarma?” a khĩirju nʉisijim anʉm. Ich mag bʉrre Simón Pedroou Jesús bʉkhʉrr phõbkha thʉnaaimawia irig, —Señor, oob mʉ dʉi ãba nʉrram. Mʉʉn atcha pekau pooma chirʉm pʉ mʉ dʉi nʉrraag ajim anʉm.

San Juan 4:9

Mamʉ judionaan Samariapien dʉi dau parii iyʉʉ aba aajerr aawai, mag ichig do jeeubaawai chi ʉʉirau irig magjim aajem: —Pãar judionaan chan maar Samariapien dʉi iekhajã mapha aajem khʉʉnta, ¿khanthee pua mʉrʉg do jeeu sĩwi? ajim anʉm.

San Juan 5:23

mag gaaimua ich jãg mʉ Aai tho iyʉʉ aajemjo mʉch chi Chaaijã agjo thumaam khʉʉnag tho iekhamkhĩir. Mag sĩewai mʉch chi Chaairagjã eenaa wajapha mʉ tho iekhaba nʉm khʉʉnau chan magan mʉ Aaijã thoba nʉmgui ajim, ichdeu mʉ pʉitarrta mʉ mʉg chitʉmjã igba naawai.

San Juan 8:48

Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

1 Corintios 14:25

Mag amachdeu i oojã ooba aajemta wajapha i oojem khʉʉn denjo ichigcha jaaumam ũrbaawai kanieu thʉkhoonaa, “Chadcha Ẽwandam am dʉi sĩewaita mʉg thʉnʉm” awia, dʉi amach paarmua Ẽwandamag jeeuju.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.

Apocalipsis 5:14

Magbaawai mag khanjo ich paar sĩsidʉm khʉʉnau ĩchab amach paarmua o ãba, “Jãan chadcha ich magau” aajeejim. Makhʉʉnau magbarm dʉi ĩchab mag jooin veinticuatro narr khʉʉnaujã deeu jĩepor phõbkhanaa am wajaug tho iekhajierram amag jeeumamua.