San Lucas 17:1 - Wounaan Meu

¹ Jesuu magjim aajem ich dʉi wenʉrraajerr khʉʉnag: —Mʉg jẽb gaai ichiita ich jãg õor pekau waupiejem nem paraa aju, mamʉ ¡eh, apkhit! ajim anʉm, chi magʉm nem paraa sim woun.

Woun Meu

¹ Jesuu magjim haajem hich dʌ̈i wënʌrraajerr k'ʌʌnag: —Mʌg jẽb gaai hichiita hich jãg hõor pekau waupiejem nem paraa haju, mamʌ ¡hëh, hapk'it! hajim hanʌm, chi magʌm nem paraa sim woun.

San Lucas 17:1 Iomraidhean Croise

San Mateo 16:23

Pari Pedroou ichig magbaawai, jũrr chi Jesuu irig, —Jopkhaa mʉ aigmua chaaug petá ajim. Meperauta pʉrʉg mag iekhapi sĩebahab. Puan mag sim aig sĩi warag khaibag ee mʉ burrpijuuta ẽkha simgui ajim. Pua chan Ẽwandamau nem waum ig simjã khaugba, sĩi parhoobam khʉʉnjota khĩirju simgui ajim irig.

San Mateo 18:7

Mʉg jẽb gaai ichiita ich jãg õor dich khapeen pekau waupiejem khʉʉn paraa aju. ¡Mamʉ eh, apkhiitʉ, chi mag dich khapeendam pekau ee burrpiejem khʉʉn!

San Lucas 16:31

Magbaawai Abranau irig magjim aajem: “Mamʉ amau mag Ẽwandam iek chi phãm wai nʉm gaai jaau sim ʉkhaba nʉm chan, magan ãb meewia deeu iiu phiidʉwia amag jawaan makhiinjã, amau ʉkhabajugui” ajim aajem, chi rik arrag.

Romanos 14:13

Mag Cristoouta thumaam khʉʉnag ichdeu khap jaaumaju aawai maachdeu chan pod dich khapeen jaauju khaba nʉm. Mag khãai warag bʉ̃ʉrjã dichdeu nem wau nʉm gaaimua dich khapeen pekau waupijojoom nem chan wauju khaba nʉm. Magba akhiin maach oowia agjo abaawai jũrr chi parpemta maach gaaimua pekau wauju.

Romanos 16:17

Hermanonaan, mʉch khĩir okhooju nawe pãrag jaaum ig chirʉm, mʉ iek ũrbat: Jãg Cristo iek jaau nʉm anʉmjã nacha pãachdeu ũrtarrjojã khaba sĩi warag ag chaaurta jaau wenʉrrʉm gaaimua pãachjã amachjo okhoopijuuta ẽkha nʉm khʉʉn dʉi khĩir khaphʉ abat; jãgʉm khʉʉn dʉi chan oob khapeerkhamiet.

1 Corintios 10:32

Ni ãbamʉgjã oob ejemplo khaigba oopimiet. Judionaan najã nem khaigba wauba, judionaan khabam khʉʉn najã nem khaigba wauba, ni ya Ẽwandam iek ʉkha nʉm khʉʉn najã oob nem khaigba waumiet.

1 Corintios 11:19

Chadcha mag pãar pãach agdaujom khʉʉn appai chum phʉʉr ohood aadephʉm, khaíu meraa sĩ. Pari mag pãach khĩkhĩratdo biirdʉbaadephʉm gaaimua sĩi õrau pãachta wajapcha Cristo igar nʉm amkhĩirta pãar mag nʉm khabahab. Pari wajapcharan ar pãarjo magba nʉm khʉʉnta chi chadcha agpierraa nʉm khʉʉnau.

1 Corintios 8:13

Magam uguata, mua oowai mua nemek kho chirʉm gaaimua khãijã mʉ hermano imeraa pekau ee burrpiju sim khai, warag mʉchta bʉ̃ʉrjã nemek khoba ich mag chitaju. Magba akhiin mua nemek kho chirʉm gaaimua i pekau ee burrju.

1 Timoteo 4:1

Mamʉ Ẽwandam Akharau khapeenag jaaupibaawai jaautarr gaaimua pua khaphʉ sim, mʉg atag paawai ãaur khʉʉn i iek ogdʉba ʉkha wenʉrraju aajerr khʉʉnta mʉg iek ajapham isegwia jũrr parhooba dosãtau nem jaaupi sim jaau nʉmʉgta ee ajurau.

Apocalipsis 2:14

Mamʉ magʉm ãba, i iek pʉ khaigba simjã irua oo chirʉm aajem. Maguata pua Balaam igar nʉm khʉʉnagjã iekhaba sĩi oo wai sim anaabá. Ich jãg Balamau ajim anaabá, deeum woun Balac aajerrag israelnaanag nem khaigba waupi jaaujerr. Ich jãgua ajim anaabá, ar amach jua wautarrta ẽwandamkha wai nʉmʉg jewaag ag khĩirphee nemchaain thorrphe wai narr nemek modjã khopi jaaunaa ĩchab parhooba dich õor khabam dʉijã khapes aju aai nʉm a jaautarr. Pua mag khaphʉ simta mag Balaam igar nʉm khʉʉnag bʉ̃ʉrjã iekhaba sim aajem.

Apocalipsis 2:20

Mamʉ par pʉ mag sim ãba, pʉ jaauju paraa sim aajem: Pua ʉdʉraata Jezabelag i chaain khũgurpi sim aajem. ¿Jãgwi? Ichdeupai iita Ẽwandam i jaaumie awi ʉdʉraa dich õor khabam dʉijã khapes aju aai nʉm a jaaupinaa ĩchab Ẽwandam chaar khabamʉg jewaag nemek mod wai narrjã khopi jaau simjã bʉ̃ʉrjã irig iekhaba ʉdʉraa mag jaaupiewaima.