San Lucas 16:30 - Wounaan Meu

³⁰ Magbaawai chi khĩmie durr simua magjim anʉm: “Ʉ̃hʉ̃, mag khabam jooi Abrán. Sĩi phã sim gaaipai chan amau ʉkhabam. Mamʉ ãb meetarrta deeu am aar oberimawia amag jaauwimakhiin chadau, warre amau amach khaibag isegjurau” ajim anʉm.

Woun Meu

³⁰ Magbaawai chi k'ĩmie durr simua magjim hanʌm: “Hʌ̃hʌ̃, mag k'abam jöoi Abrán. Sĩi p'ã sim gaaipai chan hamau hʌ̈k'abam. Mamʌ hãb meetarrta deeu ham haar höbërimawia hamag jaauwimak'iin chadau, warre hamau hamach k'aibag hisegjurau” hajim hanʌm.

San Lucas 16:30 Iomraidhean Croise

San Lucas 13:3

Mag gaaimua khabajim, mamʉ mua pãrag jaaukhimgui ajim anʉm: Pãrauta chadcha pãach khaibag thumaa ãsie ewag khĩirjuwia Ẽwandamag chugpaapi jeeubam chan pãachjã dʉi khechjurau ajim anaabá, amachigcha.

San Lucas 13:5

Mag amach appaita Ẽwandam dakhĩir iekkhõr pomaacha narr gaaimuajã khabajimgui ajim anʉm, deeu ichdeupai. Ẽwandam dakhĩran thum ich agjo thʉnʉm, nem khaibag. Pãraujã ĩchab pãach khaibag thumaa khĩirjuwia Ẽwandamag chugpaapi jeeubam chan pãach thum ni ãbjã peerdʉbamgui ajim anaabá.

San Lucas 16:24

Magbaawai mammua thet, “Jooi Abrán, mʉ ap chitʉm mʉ dau aug khaugbáa” ajim anʉm. “Lázaro jĩgpirdam gaaipai khãijã dodamau omnaa mʉ aar pʉibapʉʉi. Ya mʉʉn o jʉʉumaam. Õt khierr pechag mʉg thʉnʉmjã mua ãwatbajujota thʉnʉʉmgui” ajim anʉm ähäakhamua.

San Lucas 16:31

Magbaawai Abranau irig magjim aajem: “Mamʉ amau mag Ẽwandam iek chi phãm wai nʉm gaai jaau sim ʉkhaba nʉm chan, magan ãb meewia deeu iiu phiidʉwia amag jawaan makhiinjã, amau ʉkhabajugui” ajim aajem, chi rik arrag.

San Lucas 19:9

Magbaawai Jesuu irig magjim aajem: —Zaqueo, pʉjã ĩchab jooi Abrán khararr ag chaain ewagam khʉʉn deneu, mamʉ ĩsta pua irua ʉkhaajerrjo ʉkha chirsimgui ajim anʉm. Mag gaaimua ĩsin chadau pʉchjã peerdʉwia, mʉg degam khʉʉnpa peerdʉju ed pabaadem.

San Lucas 3:8

Sĩi pãach por choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã. Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.