San Lucas 16:3 - Wounaan Meu

³ Magbaawai chi rik nem thʉa chirarr wounau khĩirju sĩi awia, ich odegpai, “¿Nau mʉ jãga ajuutaa mʉgbaadema?” ajim anʉm, “mʉg mʉ patronaujã mʉ jʉrbaadem. Sirphʉg ee thuthui dʉi phidkhaju serbiiba chirʉm. Parhooba sĩi atcha kaaijã ee nem jeeu chitaagjã khaba chirʉm” ajim anʉm ichdeupai ichig.

Woun Meu

³ Magbaawai chi rik nem t'ʌa chirarr wounau k'ĩirju sĩi hawia, hich hödegpai, “¿Nau mʌ jãga hajuutaa mʌgbaadëma?” hajim hanʌm, “mʌg mʌ patronaujã mʌ jʌrbaadëm. Sirp'ʌg hee t'ut'ui dʌ̈i p'idk'aju serbiiba chirʌm. Parhooba sĩi hatcha kaaijã hee nem jëeu chitaagjã k'aba chirʌm” hajim hanʌm hichdëupai hichig.

San Lucas 16:3 Iomraidhean Croise

San Mateo 20:8

’Maimua ya edau kheubaadee chi uva papau ich chog mag õor phidag ee wai jẽer sĩerragta jũrr, “Jãimua phidkha narr khʉʉn thʉ̃rkha aunaa amag phagkhabá ajim anʉm. Ẽudeecha dubtarr khʉʉnagta nacha phagnaa maimua nacha dubtarr khʉʉnagta jũrr ẽudeecha phagbá” ajim anʉm.

San Marcos 10:46

Mag wetumua Jericó phobor ee barimajierram aajem. Maig khũchpai naawia deeu am ereubaadem dʉi õor pom wetjim aajem. Maimua ya am phobor eemua oberwi wetumta khʉd bigaau woun ãb dau khĩsu khitʉm Bartimeo anʉmta õor ereu dich nʉm khʉʉnag nemdam jeeuwai oo kherʉm ooimajierram aajem. Mag woundam jooi Timeo anʉm iewaa ajim aajem.

San Lucas 12:17

Magbaawai khĩirju oo sĩi awia ich wir aigpai, “¿Mua jãgata abarkhiina?” ajim anʉm, “ya mʉg mʉ nem ãkhaajem dijã phẽu thʉnʉm.”

San Lucas 16:2

thʉ̃rpʉiwia irig magjim anʉm: “¿Khan ajaugta mua ũurwai mag pua bʉ̃ʉrjã mʉ nem aair aba chirʉm anʉ́ma? Mʉ iekhau nauwe jopkhaa pʉchdeu nem waaujem thum phãkhanaa mʉrʉg oopibá” ajim anʉm, “mua khap aag. Mag oopiwia warre pʉdeu sĩiubaad, tag mua pʉ igbam” ajim anʉm ich khĩircha.

San Lucas 16:20

Mamʉ ĩchab woundam aphʉʉ khitʉm Lázaro a thʉ̃r sim sĩejim aajem, sĩi phĩe kha dodoso khitʉm. Mag khitʉmʉn sĩi chi rik puertdi bigaau õor bʉ eeta oo kheraajeejim anʉm.

San Lucas 16:22

Mag khitʉʉ awia chi aphʉʉ khitarrdam meejim aajem. Mag meebaadeewai Ẽwandam chognaan beewia sĩi i akhaardam ʉ̃gthar Abrán sim aar arrjierram aajem. Mag khur chi rikjã ĩchab meebaadeewai bep sĩuwia khĩmie durrta oberjim aajem.

San Lucas 16:4

Maimua ich odegpai, “Ãa, ya mua khĩirju atham” ajim anʉm, “jãga aju mʉch mʉigmua jʉrbapäaiwai õrau amach deg mʉch obeerpimkhĩir.”

San Lucas 18:4

Mag khoopaa ũan dau aphʉʉ ich aig udkhʉrrkhakhakhamjã bʉ̃ʉrjã i iek asekasmapha sĩi awia khãai ãb magjim aajem: “Mua chadcha Ẽwandam igbanaa mʉch khapeenjã ogkhaba chitab mamʉ,

San Juan 9:8

Mag daujã wajaug sĩsim oobaawai i dʉi di dakha naajerr khʉʉnau maimua ag nawe sĩi dich nʉm khʉʉnag i nem inagdam jeeu sim oojerr khʉʉn dʉimua amach wir aigpai, “¿Ma, jã ar dau khĩsu khitarr sĩi õor dich nʉm khʉʉnag dau aphʉʉ nemdam jeeujerr khabamá?” aajeejim anʉm.

Hechos 3:2

Mag Aai i jeeujem deg dub nʉm puertdi aigcha ed eepierr woun ãb aphʉʉ khitʉm jup kheeujeejim aajem. Mag woun bi eewe bʉ ãkhãraa khitʉmta thaabatarr aawai podjã ich appai dʉrdʉr aba, sĩi õrauta jiir aubeewia mag puertdi “Chi Ooimʉg” anʉm aig juppi sĩiujeejim aajem, õor ag ee dub nʉm khʉʉnag phatkhondam jeeumkhĩir.

Hechos 9:6

Mag ũrbaawai Saulo jãphierr ajaugau kha duui thʉnʉmua jũrr irig, —Señor, ¿khani pua mʉrʉg waupim khõsi chirʉ́wi? ajim anʉm.] Magbaa maach Porou irig, —Phiidʉbá, maimua warag phoborog petá ajim aajem. Nau jamta pʉchdeu nem wauju thum pʉrʉg khap jaaujugui ajim aajem.

2 Tesalonicenses 3:11

Pari magtarrta marau maumua ũurwai ãaur khʉʉn mag sĩi phidkhajã phidkhaba, parta naajem anʉm.