San Lucas 16:26 - Wounaan Meu

²⁶ Pua mag chirab mamʉ, pʉ aar pod mua Lázaro pʉibamgui ajim anʉm. Magnaa maach jãrr mʉg do khõrg sĩi jẽb ithurm jaaba wejomjo sim ee ¿jãga i maju? Jammuajã pod beeju khaba, ni maumuajã pod maju khabamgui” ajim anʉm jooi Abranau.

Woun Meu

²⁶ Pua mag chirab mamʌ, pʌ haar pöd mua Lázaro pʌ̈ibamgui hajim hanʌm. Magnaa maach jãrr mʌg dö k'õrg sĩi jẽb hit'urm jaaba wëjömjö sim hee ¿jãga hi maju? Jammuajã pöd bëeju k'aba, ni maumuajã pöd maju k'abamgui” hajim hanʌm jöoi Abranau.

San Lucas 16:26 Iomraidhean Croise

San Mateo 25:46

Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.

San Lucas 12:59

Cha mʉ iekha chirʉm iekhau ya pʉʉta amau mag phãar athamʉn, phatkhon gaaimua arr khai, ãbmiecharam centaaudam phagpʉibam aigjã amau pʉ obeerpʉibajugui ajim anʉm. Mua mag chirʉmʉn, pãach khaibag Ẽwandamag chugpaapiju aai nʉwe chugpaapiwi i dʉi khõinaa ajuuta ẽkhabat a chirʉmʉugui ajim anʉm.

San Lucas 16:25

Mamʉ magbaawai jooi Abranau irig magjim anʉm warag: “Khĩir eyaa ajuma” ajim anʉm, “pʉch monakha aawai nem khĩir thum paraanaa bʉ̃ʉrjã augcheba chitarr. Maagwai Lázaro bʉ̃ʉrjã magʉm chukhu i dau aphʉʉ khamor masi kherʉmjã pua irig ooba aajeejim. Mamʉ ĩs mʉig i khõinaa bibigag chukhu chirʉm. Jãigta khĩirjujuma ajim anʉm, jãgwia jũrr ĩs pʉ idawaa chirʉ́, õt khierr pechag ee.

San Lucas 16:27

Magbaawai chi rik arrau warag chaigpa khitʉmua jooi Abranag, “Magan jũrr mʉ aai di aarta i chogbapʉi” ajim anʉm,

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

Apocalipsis 20:10

Magbaawai ĩchab chi mepeer mag õor khũgur sĩerrjã jũrr warm khʉʉn numí mag khum chi jojothorjo sĩerr dʉi ãbakhai chi seukha nem jaaumie dʉi narr aar barpʉijim, thʉrrdo ee õtdau khĩirta azufre dʉi waaureu uu wejom ee, mʉg atag pawiajã ich mag õtkhierr machgau dau aphʉʉ idawaa wenʉrramkhĩir.

Apocalipsis 22:11

Ar nem khaigba waaujem khʉʉnag jaau nʉmjã ʉkhabamʉn, ideu amach khaibag ee naapibá ajim. Mamʉ ar chi wajapha ʉkha nʉm khʉʉnagan, warag nem wajaphamta waupinaa, maimua chi Ẽwandam atheepai wenʉrrʉm khʉʉnagjã warag i gaaita ubʉ wenʉrrapi jaaubá a jaaumajim mʉrʉg, chi Ẽwandam chogau.