San Lucas 16:23 - Wounaan Meu

²³ Maimua ya khĩmie durrpanaa maach gaai machag ãwatbajujo thʉnʉmua ʉ̃gthaag oowai dau warpha Lazarota Abrán bigaau khõinaa päar sim oo athajim anʉm, chi rik arrau.

Woun Meu

²³ Maimua ya k'ĩmie durrpanaa maach gaai machag hãwatbajujö t'ʌnʌmua hʌ̃gt'aag hoowai dau warp'a Lazarota Abrán bigaau k'õinaa päar sim hoo hat'ajim hanʌm, chi rik harrau.

San Lucas 16:23 Iomraidhean Croise

San Mateo 11:23

Maagwai Capernaumpien igwiajã, ¿khan abarju? ajim anʉm. Magnaa ichdeupai, ¡Eh! Amaun amach tho nʉmgui ajim anʉm, amachta chi wäjäaun awia. Amaun ʉ̃gthar paaukhabaimaajã amachta chi pornaan khajupii nʉm. Mamʉ jãkhʉʉn chan Ẽwandamau ich aar obeerpiba, khĩmie durrta warag barkhʉʉipʉijugui iekhamajim aajem. Sodoma phobor eeta jãg pãar ee õrau ooba aajem nem waumatarr wautarr amuan, jãg phobor agtha sĩerrakham, Ẽwandam iek ʉkhatarr gaaimua.

San Mateo 18:9

Wa pãach daúapai khãijã pekau ee burrpiju sim khai, ag dau jẽunaa warag barbapʉit ajim. Dau numwe wajapha simta khĩmie durr maju khãai, ʉucha simgui ajim, dau ãbpaim dʉipai ʉ̃gthar oberju. Wajapcharan magʉm pekau waumaaugau, dau chukhumjo oobamjonaa magʉm nem khaigbam wawaagjã jua chukhumjo abat ajim, bʉ̃ʉrjã wauba. Magju khãai Ẽwandam dau na pãach morta sʉrkhabat a jaaumajim marag.

San Mateo 23:33

’¡Khaibag, nemkhõr chi benen paraamjonaan! Khanii pãar jãg thʉnʉmta khĩmie durr wetba peerdʉbajupa. Pãar chan peerdʉbam.

San Mateo 5:22

Pari mua mag chirʉmgui ajim anʉm: Õor thõoba awiajã sĩi dich khapeendam dʉi meeukha nʉmpaijã ich agjo pekaukha ober sim. Sĩi dich khapeer meeukhamkhĩir i khĩir iekha nʉmjã pekauu; chi mag iekha sim khʉʉn, thethemnaanau khaibag waupi jaauju. Maimua ar sĩi chikham thõp iekha simjã ya sĩi khĩmie durr barpʉijuuta sim; õor thõoba ab mamʉ ich agjo sĩebahab ajim anʉm, pekauta wau sĩewai.

San Mateo 5:29

’Magam uguata, pʉ juachaar garm daúa khãijã pʉ pekau waupi sim khai, jẽunaa warre warp barbapʉi. Mag dau ãbpaim gaaimua pʉch mor thum khĩmie durr maju khãai, dau appaita okhoobarmʉn, ʉu simgui ajim anʉm.

San Mateo 8:29

Mag i dakha beewi i thʉ̃rcha thʉ̃rthʉ̃rnaa irig, —Jesús, Ẽwandam Iewaa, ¿khantheeta pʉ maar dʉi mʉgbaichema? Mʉʉgwaiwe chan oob maar chig a chiram ajierram anʉm, mag chi dosãt ben wai narr khʉʉnau.

San Lucas 16:24

Magbaawai mammua thet, “Jooi Abrán, mʉ ap chitʉm mʉ dau aug khaugbáa” ajim anʉm. “Lázaro jĩgpirdam gaaipai khãijã dodamau omnaa mʉ aar pʉibapʉʉi. Ya mʉʉn o jʉʉumaam. Õt khierr pechag mʉg thʉnʉmjã mua ãwatbajujota thʉnʉʉmgui” ajim anʉm ähäakhamua.

San Lucas 16:28

“mʉ khod ãbam khʉʉn cinco phe wai chirʉm aar, mʉ mʉg chirʉm jaaubaimaawai amach khaibag isegwia khĩirjug ajapham aumkhĩir, magbaawai am meem edjã mʉjo mʉgʉm aar gaai machag ãwataan beem ugua” ajim anʉm, chi rik arrau.

San Lucas 8:28

Mag wounau Jesús oo athaawai degolp wiiu a i bʉkhʉrr phõbkhabaimawia chaigpamamua thet irig magjim anʉm: —Jesús, Cha Ʉ̃gthaa Phuu Nʉm Iewaa, ¿khantheeta pua mʉ mʉgbaichema? Oob mʉ chig a chiram ajim anʉm, chi mepeer garmua Jesuu ichig woun mor eemua oberpi jaaubaawai. Mag chi mepeer ajap thierrpa sĩerr aawai ʉ̃iba baarjeejim anaabá. Mag barbaadeewai parii cadenau jʉ̃naa grillos anʉm eejã bʉ khõokha sĩsiukhamjã i atheem khaba aajeejim anʉm. Sĩi warag caden thʉrreupʉiwia õor chukag aar warp warrjeejim anaabá, chi meperau.

1 Corintios 15:55

Mag igwia ĩchab ich Ẽwandamau ich iek deeum ich iek jaaujemʉg phãpitarr gaai jaauwai, “Magbaawain chadau jãg õrau amach dajẽgju ogkhaajerrjã tag khĩirjuba nʉisiju” a sim, “chi maach dajẽgpiejerrjã ya tag jua theeg chukhu sĩsiewai.”

2 Pedro 2:4

Am khãai ich chognaan ʉ̃gthar ich dʉi ãba naajerr khʉʉnjã irua perdonaabajim aajem, pekau ee burrwai. Perdonaaju khãai warag ich aarmua khĩmie durr barkhʉʉipʉiwi ich mam khĩchag eeta cadenau jʉ̃kha wai sim anaabá, ichdeu mʉg durr i agkham ed “Mam ich mag nʉisiju” amachigcha jawaag.

Apocalipsis 20:10

Magbaawai ĩchab chi mepeer mag õor khũgur sĩerrjã jũrr warm khʉʉn numí mag khum chi jojothorjo sĩerr dʉi ãbakhai chi seukha nem jaaumie dʉi narr aar barpʉijim, thʉrrdo ee õtdau khĩirta azufre dʉi waaureu uu wejom ee, mʉg atag pawiajã ich mag õtkhierr machgau dau aphʉʉ idawaa wenʉrramkhĩir.