San Lucas 16:22 - Wounaan Meu

²² Mag khitʉʉ awia chi aphʉʉ khitarrdam meejim aajem. Mag meebaadeewai Ẽwandam chognaan beewia sĩi i akhaardam ʉ̃gthar Abrán sim aar arrjierram aajem. Mag khur chi rikjã ĩchab meebaadeewai bep sĩuwia khĩmie durrta oberjim aajem.

Woun Meu

²² Mag k'itʌʌ hawia chi hap'ʌʌ k'itarrdam meejim haajem. Mag meebaadeewai Hẽwandam chognaan bëewia sĩi hi hak'aardam hʌ̃gt'ar Abrán sim haar harrjierram haajem. Mag k'ur chi rikjã hĩchab meebaadeewai bëp sĩuwia k'ĩmie durrta höbërjim haajem.

San Lucas 16:22 Iomraidhean Croise

San Mateo 18:10

Mag jajawagmamua ĩchab, —Mʉg daumeraa khitheem khʉʉn oob ãb khãijã isegmiet ajim. Am thʉa mʉ Aai aar thʉnʉm khʉʉnaun amag dau par khaba thʉnʉmgui ajim. [

San Mateo 24:31

Mag urumua mʉch chognaanag nem jẽbag churo iekjo trompeta sirpijugui ajim, mag sirbarmua mʉchdeu jʉr auwia mʉch iek ʉkhatarr khʉʉn thumaa durrpierram khʉʉn ãbam aig biirdʉ awaag.

San Mateo 8:11

Chadcha mʉg atag õor pom durrpierram khʉʉnta maach jooin Abrán khararr dʉi, Isá khararr dʉi maimua Jacob khararrpa ʉ̃gthar Ẽwandam dʉi ãbam mes gaai ohood aphobaadeju, i dʉi ãba thach khoog. Maig thʉnaaju: ed obeerjem garm khʉʉn dʉi edau burrjem garm khʉʉnpa maach meeun dʉi ãba.

San Marcos 8:36

Magnaa amag, Pãrau oowai ¿khan wajaug sĩ ajim anʉm, woun ãbmua mʉg durr thum ichdeupai jʉ̃a wai sĩsim, pari mag sim meebaadee khĩmie durr petam? ¿Irua ich durr thum ich dʉi arrju aai sĩ? Pod arrbam.

San Lucas 12:20

’Maimua chadcha mag ichdeu khĩirju sĩerrjo di dapag eukhanaa ag ee thum ãba paa sĩsiewai jũrr Ẽwandamau irig magjim anʉm: “Khĩirjug chukdam, nau ĩsim edaar pʉ meejugui” ajim anʉm. “Mag pʉ meebaadeewai, pʉ nem jãg thʉnʉm paarpaag pʉ phithurg wautarr ¿jãga aagauma?” ajim anʉm. “Par pʉ phithur awia pua tag oobamgui” ajim anʉm Ẽwandamau.

San Lucas 16:21

Mag kherʉmʉn jãsogau chi rik thach kho sim mes eegar pan perasdam khʉimam khom khõchag kherʉm ee, saakienauta i phĩedau sẽcheejeejim aajem.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 13:23

Maagwai mʉ i bigaau i dʉi ãba thach kho oo chirajim, mʉʉta ʉ̃rcha ichdeu jãsene aajerr aawai.

San Juan 21:20

Maimua ereubaadewi Pedroou deeu ewag oo nʉʉ aawai ich Jesuu ʉ̃rcha daupii aajerrta am ẽudee urajim. Ich ag wounau ajim i thõoju noram ãbmiecha thach kho naawaijã, ichta igarcha oo sĩerr aawai, irig “¿Khaíuta mag pʉ oomapha aajem khʉʉnag pʉ pʉr deeju agá?” a jeeutarr. Wajapcharan magan mʉchma, mʉchta am ẽudee maa ajim.

Hebreos 1:14

Mamʉ angelnaan thum sĩi Ẽwandamau nem jajaaukham ipierraa aagta thʉnaawai amag chan irua mag iekhabajim. Jãkhʉʉnan, sĩi ich Ẽwandamau ich dʉi ich mag wenʉrraag maach ich aar phe auju khʉʉn juag oomkhĩir pʉitarr khʉʉnau.

Hebreos 2:14

Mag mʉig eegar chi chaainkha thʉnʉm khʉʉnjã wounaanta mag i chaainkha thʉnaawai ich Jesujã mʉig eegarm khʉʉnjo wounkhata sĩeichejim, wounjo meeg; mag ich meebarmua mʉig eegar ichta chi durr khʉ awi õor dajẽk wai sĩerrta iek theeg chukhu apäaig; ajapcharan mepeerta ich garmua podpäaigma.

Santiago 1:11

Edau pes wʉʉbaadee, khiurbaadee, sĩi khʉʉijem. Mag khʉibaadee ooimʉ thʉnarrjã warre chi ooimʉg okhoojem. Riknaanjã ich agjota thʉnaabahab. Phatkhon warag paarpaju ẽkha nʉm ee meebaadee magʉm nem thumaa sĩi werpʉajem.

1 Pedro 2:24

Maachta maach pekau gaaimua Ẽwandamau khechpʉiju aai naajim; mamʉ mag narrta Cristoouta jũrr maach kõit ʉdʉraa pakuls gaai ich meerphe thõopijim, magbarmua maach ich athee peerdʉ auwi ya tag pekau waujujã khaugba sĩi ich dʉipaita nem agcharam appai wau wenʉrramkhĩir. Magta Cristo dau aphʉʉ õor jua machgau bag kha ʉ̃ʉipa khitajim, maach pekau ee narrta ʉu peerdʉ awaag.

Apocalipsis 14:13

Maimua mua ũurwai ʉ̃gtharmuata woun iekjo mʉrʉg, “Cha mua pʉchig jawaagpam phãbá” a sĩejim. Mag irua phãpi sĩerr iek mʉg ajim: —Ĩsmua atagta chadcha ʉuhcha ajugui ajim, ar maach Por Jesús iek thãraucha ʉkha durrumua mee nʉm khʉʉn. Magbaawai Ẽwandam Akharaujã, —Jãan chadcha ich magau a sĩejim. Mʉg jẽb gaai aawai chadcha phithurg aaujerrjã par khaba aju aawai khĩir meeu nʉisijugui ajim, Ẽwandam athee amachdeu nem wajapha waaujerr jũrr.