San Lucas 16:2 - Wounaan Meu

² thʉ̃rpʉiwia irig magjim anʉm: “¿Khan ajaugta mua ũurwai mag pua bʉ̃ʉrjã mʉ nem aair aba chirʉm anʉ́ma? Mʉ iekhau nauwe jopkhaa pʉchdeu nem waaujem thum phãkhanaa mʉrʉg oopibá” ajim anʉm, “mua khap aag. Mag oopiwia warre pʉdeu sĩiubaad, tag mua pʉ igbam” ajim anʉm ich khĩircha.

Woun Meu

² t'ʌ̃rpʌ̈iwia hirig magjim hanʌm: “¿K'an hajaugta mua hũurwai mag pua bʌ̃ʌrjã mʌ nem haair haba chirʌm hanʌ́ma? Mʌ hiek'au nauwe jöpk'aa pʌchdëu nem waaujem t'um p'ãk'anaa mʌrʌg hoopibá” hajim hanʌm, “mua k'ap haag. Mag hoopiwia warre pʌdëu sĩiubaad, tag mua pʌ higbam” hajim hanʌm hich k'ĩircha.

San Lucas 16:2 Iomraidhean Croise

San Mateo 12:36

Pari mʉ cha iekha chirʉm iekhau, Ẽwandamau õor i agkham edan, mʉig eegar aawai pãach iek khaigbam iekhaajerr thumaa pãach idamaucha irig jaaujugui ajim, khan jãgwia mag iekhaajeejĩ.

San Mateo 20:8

’Maimua ya edau kheubaadee chi uva papau ich chog mag õor phidag ee wai jẽer sĩerragta jũrr, “Jãimua phidkha narr khʉʉn thʉ̃rkha aunaa amag phagkhabá ajim anʉm. Ẽudeecha dubtarr khʉʉnagta nacha phagnaa maimua nacha dubtarr khʉʉnagta jũrr ẽudeecha phagbá” ajim anʉm.

San Lucas 12:20

’Maimua chadcha mag ichdeu khĩirju sĩerrjo di dapag eukhanaa ag ee thum ãba paa sĩsiewai jũrr Ẽwandamau irig magjim anʉm: “Khĩirjug chukdam, nau ĩsim edaar pʉ meejugui” ajim anʉm. “Mag pʉ meebaadeewai, pʉ nem jãg thʉnʉm paarpaag pʉ phithurg wautarr ¿jãga aagauma?” ajim anʉm. “Par pʉ phithur awia pua tag oobamgui” ajim anʉm Ẽwandamau.

San Lucas 12:42

—Pãragpai khabamgui ajim anʉm; mua mag chirʉmʉn pãach thum chi mʉ iek ʉkha nʉm khʉʉnagau. Magnaa, Pãade ũrbat ajim anʉm: khanim nemjo patrón ãb simua ich chaaug maagpaawai ich chog ãbamʉg warm khʉʉn porkhapinaa ich magʉgpai ich nem thum jaau pʉabajem.

San Lucas 16:1

Maimua Jesuu ĩchab mʉg nem ĩgkhaadam ĩgkhajim aajem, ich dʉi ogdʉba wenʉrraajerr khʉʉnag: —Ãb rik sĩejim aajem. Mamʉ ichdeu ich nem khaugba, deeumʉgta ich nem thum jaau wai sĩejim aajem, magʉgta ich denjo amkhĩir. Mamʉ khãai ãb chi morkhʉʉu ũurwai i nem aair aba parhooba sĩi ichdeu ampierrta wau sim a ũrbaawai,

San Lucas 16:3

Magbaawai chi rik nem thʉa chirarr wounau khĩirju sĩi awia, ich odegpai, “¿Nau mʉ jãga ajuutaa mʉgbaadema?” ajim anʉm, “mʉg mʉ patronaujã mʉ jʉrbaadem. Sirphʉg ee thuthui dʉi phidkhaju serbiiba chirʉm. Parhooba sĩi atcha kaaijã ee nem jeeu chitaagjã khaba chirʉm” ajim anʉm ichdeupai ichig.

Romanos 14:12

Ichdeucha magtarr aawai jãan chadcharau keena. Mag edan maach thumaam khʉʉnauta dichdeu nem waaujerr thum ichigchata jaaumaju, dich idamaucha.

1 Corintios 1:11

Khodamnaan, mua pãrag mag chirʉmʉn, mau maach khodam Cloe aiguim khʉʉnau mʉrʉg jaaucheewai mag pãar khõinaajã khaba jũrr chikham ipeer ahau aajem anaawaita mag chirʉm.

1 Corintios 4:2

Mamʉ ich mag phidag waumkhĩir irua jʉr au sim wounaun chadau ich Ẽwandamau oowaijã chadcha ichdeu phidag jaaubarmjã thumaa wajapha waumkhĩirta mag phidag deejemjã khaphʉ aju aai sim.

1 Corintios 4:5

Magua mua pãrag, “Oob chikham jaau chithee amiet” a chirʉm. Magju khãai ideu maach Por Jesucristo beepi athat. Ich pierrwaita irua ichdeu khap õrau nem meraa wautarrjã khĩchag ee narrta araragag phe athamjo abaawai thumaam khʉʉnau khakhapdo aju. Maigta ĩchab õrau amach thãar eepai khĩirju sĩsidʉmjã thumaam khʉʉnag khaphʉ apiju. Ya mag jaau dichwian chadau õrau amachdeu nem wajapha nem waumaajerr igwia ichdeucha am wajapha ig iekhaju.

2 Corintios 5:10

Ichiita maach mʉg thʉnʉm khʉʉnan thumaa Cristo ich porkhau pom sim gaai oo sim khĩirphee wetab khaba wetju. Maigta mʉg jẽb gaai naajeewai dichdeu i athee nem waaujerr paarjã jũrr ich garmuajã agpierr deemaju.

1 Timoteo 4:14

Pʉchig mag phidkhamkhĩir khabajieb, ar nacha Ẽwandamau khapeenag jaaupibaawai makhʉʉnau pʉ igwia jũrr chi pornaanag jaautarr. Magbaawai ajim, ar amau pʉ ʉ̃r jua ausĩubarmua Ẽwandamau ich jua theeg pʉrʉg deetarr. Mag phidkhamkhĩirta mag jua theeg pʉchig deetarr aawai oob sĩi ich jãg par wai chitam.

1 Timoteo 5:24

Pua khaphʉ sim ĩchab, khar maach khapeen amach nem khaigba wau nʉm gaaimua, amachig jeeubamta warre merag chukhu amachdeucha jaau nʉmjo, dawaa deeum khʉʉnau oojem. Mamʉ khar chan am mag amach pekau ee wenʉrrʉmjã bigaaum khʉʉnau chan khaugba, mʉg jẽb gayan ich mag sĩsiejem. Mamʉ ichiita mʉg atag Ẽwandamau thumaam khʉʉnag khap apiju.

1 Pedro 4:10

Cristoou ichdeu khõsimjo nem wajapha waumkhĩir pãachig ich juapá deemarrpierr ich agua agjo pãach khapeen dʉi pãachdeu khaphʉgpierr abat, magamkhĩirta pãrag ich jua theeg deetarr aawai.

1 Pedro 4:5

Amau pãar eugar mag naab mamʉ, ichiita jãg nʉʉ awi Ẽwandamau jũrr amag magʉm iek eudʉb khaba eudʉju. Mag edan nachgarwe otarr khʉʉn awiajã deeu ichdeu thumaa phiriutkha auwi agtha iiu durrum khʉʉn dʉi ãba amagjã amach khĩircha jaauju, jãga aju am dʉi amach khaigba wenʉrrarr paar.

Apocalipsis 20:12

Õor nawe khechmarr khʉʉnjã Ẽwandam khĩirphee bʉjãaupai dʉnʉnʉid thʉnʉm mua oojim, mʉg jẽb gaai aawai chi thierrnaan arr khʉʉnpa. Mag ich khĩirphee õor phʉʉrbaadem dʉi, aig libro thʉnarr gaai eeureutkha oopijim. Mag eeureutkha oopiwiata mag libro thʉnarr gaai phã sĩsid arrjo thumaa mʉg jẽb gaai aawai amachdeu nem waumatarrpierr am dau aphʉʉ aju jaaumajim. Pari magaagan, khech nʉm khʉʉn akhaar naajem aarmuajã thumaa Ẽwandam dakhĩir oberchejierram, phũas ee khãijã okhoowi khechtarr khʉʉnpa. Mag thum ãbam aig nʉisiewaita, chadcha am dʉi Ẽwandamau amachdeu nem waumaajerrpierr ajim. Mamʉ deeum libro sĩejim ĩchab; mag gaaita thʉnʉm, õor ich mag iiu wenʉrraju khʉʉn thʉ̃r.