San Lucas 16:1 - Wounaan Meu

¹ Maimua Jesuu ĩchab mʉg nem ĩgkhaadam ĩgkhajim aajem, ich dʉi ogdʉba wenʉrraajerr khʉʉnag: —Ãb rik sĩejim aajem. Mamʉ ichdeu ich nem khaugba, deeumʉgta ich nem thum jaau wai sĩejim aajem, magʉgta ich denjo amkhĩir. Mamʉ khãai ãb chi morkhʉʉu ũurwai i nem aair aba parhooba sĩi ichdeu ampierrta wau sim a ũrbaawai,

Woun Meu

¹ Maimua Jesuu hĩchab mʌg nem hĩgk'aadam hĩgk'ajim haajem, hich dʌ̈i hogdʌba wënʌrraajerr k'ʌʌnag: —Hãb rik sĩejim haajem. Mamʌ hichdëu hich nem k'augba, deeumʌgta hich nem t'um jaau wai sĩejim haajem, magʌgta hich dënjö hamk'ĩir. Mamʌ k'ãai hãb chi mork'ʌʌu hũurwai hi nem haair haba parhooba sĩi hichdëu hampierrta wau sim ha hũrbaawai,

San Lucas 16:1 Iomraidhean Croise

San Mateo 20:8

’Maimua ya edau kheubaadee chi uva papau ich chog mag õor phidag ee wai jẽer sĩerragta jũrr, “Jãimua phidkha narr khʉʉn thʉ̃rkha aunaa amag phagkhabá ajim anʉm. Ẽudeecha dubtarr khʉʉnagta nacha phagnaa maimua nacha dubtarr khʉʉnagta jũrr ẽudeecha phagbá” ajim anʉm.

San Lucas 12:42

—Pãragpai khabamgui ajim anʉm; mua mag chirʉmʉn pãach thum chi mʉ iek ʉkha nʉm khʉʉnagau. Magnaa, Pãade ũrbat ajim anʉm: khanim nemjo patrón ãb simua ich chaaug maagpaawai ich chog ãbamʉg warm khʉʉn porkhapinaa ich magʉgpai ich nem thum jaau pʉabajem.

San Lucas 15:13

Mag deetarr khur khãai khapancha khaba nʉm ee, ichig nem deetarr thum perkhʉʉipʉiwia ag phatkhon dʉi warre warp petajim aajem, deeum durr. Mamʉ mam pawia nem oobam gaai ichdeu gastaam aig phatkhon ãr gastaa sĩeimajim aajem.

San Lucas 15:30

Mag khãyau sĩi jãg pʉch phatkhon arrwia parhoob kachaloonaa ʉʉin dʉipa ãr gastaapʉithurtarr barbaicheewain chadau, pua phak chi sebaampa thõo chirabma” ajim anʉm, “i khomkhĩir.”

San Lucas 16:19

Maimua ĩchab mʉg nem ĩgkhaadam jaaujim aajem Jesuu: —Woun ãb sĩejim aajem, rik. Maan sĩi khajũa parhẽpagkham apphata jũajeejim aajem. Maimua mag nʉm dʉi ed eepierr sĩi nemkhoo jaramjota thachjã wau khoojeejim aajem.

San Lucas 16:2

thʉ̃rpʉiwia irig magjim anʉm: “¿Khan ajaugta mua ũurwai mag pua bʉ̃ʉrjã mʉ nem aair aba chirʉm anʉ́ma? Mʉ iekhau nauwe jopkhaa pʉchdeu nem waaujem thum phãkhanaa mʉrʉg oopibá” ajim anʉm, “mua khap aag. Mag oopiwia warre pʉdeu sĩiubaad, tag mua pʉ igbam” ajim anʉm ich khĩircha.

San Lucas 19:20

Thumaam khʉʉnag mag jeeukha oomam aawai deeum thʉ̃rpʉijim aajem. Magua paawai beewia magchejim anʉm: “Rey, pua mʉrʉg phatkhon deetarr mua sĩi putdam ee pʉreunaa ãkha kherjim, akhoom ugua. Magtarr aawai cha sim” ajim anʉm “pʉ phatkhondam, ich agpierrpai.

San Lucas 8:3

Ãbakhai Juana ajim aajem, woun Chuza anʉm ʉʉi. Ich mag woun Chuza anʉmuata rey Erodes nem thum ich denjo khaphʉ aajeejim anaabá. Maimua ãb agjo nʉrraajeejim aajem, Susana anʉm. Maimua mag tag ʉʉin khapan agjo thʉnaajim aajem, amach di aarmua nemdam aibee nʉm iiu, i jãhog wai wenʉrraajerr khʉʉn.

Tito 1:7

Chi ʉkha durrum khʉʉn porkha sim wounan ãba Ẽwandam atheeta phidkha sĩewai thumaam khʉʉn daar agchata nʉrraju aai sim, ichta ʉ̃rpai chirʉm awia bithurgam khʉʉn iek ũrmaphajã khaba, khĩir khʉʉukhakharrso khaba, nag pig khaba, dich khapeen dʉijã khujʉʉrnem khaba, ni sĩi nemdam bʉ̃rʉʉm wau nʉm paarjã ãba phatkhonta ahau ajujã khĩirjuba.

Santiago 4:3

Maimua mag ichig jeeuwaijã irua deeba aajem. ¿Jãgwi? Ya mag pãachdeu nem ig nʉm paarpabaadeewai agua sĩi pãach o khõchagpierr nem wawaagta ig nʉmjã ichdeu khaphʉ sĩewaima.

1 Pedro 4:10

Cristoou ichdeu khõsimjo nem wajapha waumkhĩir pãachig ich juapá deemarrpierr ich agua agjo pãach khapeen dʉi pãachdeu khaphʉgpierr abat, magamkhĩirta pãrag ich jua theeg deetarr aawai.