San Lucas 15:6 - Wounaan Meu

⁶ Maimua di aig pachewiajã, ¿khaíuta ich khapkhʉʉn dʉi ich di dakha naajem khʉʉnpa thʉ̃rkhanaa, “Keen, mʉ onee chirʉm, mʉch oveja okhootarrdam oo athaawai” abaju khai?

Woun Meu

⁶ Maimua di haig pachëwiajã, ¿k'aíuta hich k'apk'ʌʌn dʌ̈i hich di dak'a naajem k'ʌʌnpa t'ʌ̃rk'anaa, “Keen, mʌ honee chirʌm, mʌch oveja hok'ootarrdam hoo hat'aawai” habaju k'ai?

San Lucas 15:6 Iomraidhean Croise

San Lucas 1:58

Mag Ẽwandamau ʉu i eeg oowia jõorpitarr chaai atham a ũrbaawai am dʉi di dakha naajerr khʉʉnau chi Elizabed khodnaan dʉimua am aig beewia irig, “Ʉuta Ẽwandamau pʉ chaai oopibarm; pʉ chaai gaaimua maarjã onee nʉmgui” aajeejim anʉm, jũrr bee thʉnʉm khʉʉnau.

San Lucas 15:10

Magnaa ich Jesuupai, Ich jãgta ʉ̃gtharjã ĩchab Ẽwandam chognaan onee aphobaadeejemgui ajim anʉm, ar woun ãb khãijã ich khaibag isegwia khĩirjug ajapham jʉrwia Ẽwandam ich thãar ee atham ed.

San Lucas 15:24

Pãrau oo nʉmgui ajim anʉm, mʉ chaai chi meem arrta deeu iiubarmjo abarm; beebajupii narrta deeu barbaichem” ajim anʉm. Mag, chadcha phiesta waujim aajem.

San Lucas 15:5

Maimua mag baau athaawai, ¿khaíuta sĩi onegau dich nemchaaidam ud aibeebaju khai? ajim anʉm.

San Lucas 15:7

Keena, ich jãgta aajemgui ajim anʉm ĩchab ʉ̃gtharjã: Ar õor khapan amach ajaug thowia Ẽwandam dʉicha wenʉrrʉm aajem khʉʉn gaaimua onee aju khãyau, pekau pomkham khʉʉn eem ãb khãijã ich khaibag isegwia Ẽwandam ich thãar ee atham ed ʉ̃gtharmpeenjã onee aphobaadeejemgui ajim anʉm ĩchab.

San Juan 15:14

Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

Hechos 11:23

Mag mawia chadcha Ẽwandamau mamaam khʉʉnjã ʉu peerdʉ atham oobaimaawai Bernabé onee aadejim aajem. Maimua warag thumaam khʉʉnag, “Ich jãg thãraucha warag maach Por Jesús iek ʉkha wenʉrrʉmua i gaaita ubʉ nʉisit” ajim aajem, am wawimamua.

Hechos 15:3

Mag chadcha Antioquía phobor ee chi ʉkha durrarr khʉʉnau amach pʉibapäaiwai ereubaadewi, Fenicia durr dichwia, Samaria durrjã dichjierram aajem. Mag wenʉrrʉmua amach wetumpierr õrag jaaujeejim aajem, jãga judionaan khabam khʉʉnaujã amach jooin warrgarm khʉʉn i isegwia khĩirjug iiurta aujierrá, Ẽwandam iek chaarcha ʉkhaag. Mag amau nem ĩgkhamam ũrwia thum chi ʉkha durrum khʉʉn onee durrajim aajem ĩchab.

Filipenses 1:4

Mag Ẽwandamag jeeuwai pãar gaaimuata warag mʉ thãar onee aadeejem,

Filipenses 2:17

Mua pãrag Ẽwandam iek jaautarr gaaimua, ʉu pãrau ãba irua nem khõsimta wau wenʉrrʉm. Maagwai ich ag iek gaaimuapai amau mʉ thõoju akhiinjã, bʉ̃ʉrjã machagjã igba ʉdʉraa mua mʉch thõopiju. Magbarmua muajã pãrau nem wau nʉmjo, ichdeu khõsim nemta mʉchdeujã wau chirʉm khaphʉ chiraawai, mag mʉ thõokhiinjã mʉrʉgan ʉu kherʉm.

Filipenses 4:1

Khodamnaan, mua pãar jãsenenaa pãar khõsi chitaawai pãar oon mam khõchaaga chiraajem. Ajapcharan pãar gaaimuata mʉʉn onee chiraajem. Mua khaphʉ chirʉm, pãrau chadcha maach peerdʉajem iek ʉkhatarr aawai par mʉ phidkhabajim. Jãg pãarta mua khajapham nemjo Cristo athee gan autarr gaaimua mʉ onee chirʉm. Maagwai ich mʉg ẽsap gaai thum mʉchdeu pãrag jaau chirʉmjo ich jãg ubʉ nʉisit, ʉdʉraa maach Por Jesucristoogta pãach juag oopi nʉmua.

1 Tesalonicenses 2:19

Pãade khĩirjubat: ¿Chijã khʉʉnta marau iigjem abarí? ¿Chijã khʉʉn gaaimuata maar oneenaa mʉg atagjã Ẽwandamau nem wajapham deebarm auju khĩirju nʉm khai? Pãar gaaimuama; pãarta marau iigjem. Maach Por Jesucristo beem edjã pãar gaaimuata maar onee aju.

1 Pedro 2:10

Warran chadcha pãran sĩi parhoobam khʉʉnkha thʉnaajim. Pari mag thʉnarr ĩsin ya pãran Ẽwandam õrau. Mag agtha i õor khaba thʉnaawai chan pãrau bʉ̃ʉrjã irua pãach dau aug khaaugjem khaugba naajim; mamʉ ĩsin chadcha pãrau khaphʉ nʉm, Jooirau pãach dau aug khaaugjem.

1 Pedro 2:25

Warr Cristo khaugba aajeewain sĩi oveja chaaindam pap chukhu okhoo wenʉrrʉmjota naajim; mamʉ ĩs ya i khaugwi i dʉita naawai, pastorrau ich nemchaain oopaar thʉa wai nʉrraajemjo, ichdeuta maach thʉanaa oopaar wai sim.