San Lucas 15:24 - Wounaan Meu

²⁴ Pãrau oo nʉmgui ajim anʉm, mʉ chaai chi meem arrta deeu iiubarmjo abarm; beebajupii narrta deeu barbaichem” ajim anʉm. Mag, chadcha phiesta waujim aajem.

Woun Meu

²⁴ Pãrau hoo nʌmgui hajim hanʌm, mʌ chaai chi meem harrta deeu hiiubarmjö habarm; bëebajupii narrta deeu barbaichëm” hajim hanʌm. Mag, chadcha p'iesta waujim haajem.

San Lucas 15:24 Iomraidhean Croise

Efesios 2:5

mag maach khaibag gaaimua aubaju ayaa narrta ich jãg ichdeu deeu Cristo phiriu autarrjo maachjã ich aar auwi ich mag Cristo dʉi ãba wenʉrraju khʉʉn khapijim. Mag Ẽwandam õor dʉi ajaug khitʉm gaaimuata maachin ʉu peerdʉwi nʉm.

Colosenses 2:13

Warran sĩi pãachdeu nem khaigba wau narr gaaimua pãran chadcha sĩi okhoota naajim Ẽwandam na. Mag nʉm dʉi ĩchab ni judionaanau aajemjo pãach ajaug paaju awi pãach khakhua gaai dauchachjujã bʉ̃ʉrjã khĩirjuba aajeejim. Mamʉ mag okhoo narrta ĩs Cristo gaaimua Ẽwandamau pãar khaibag thumaa chugpaapʉiwi ich Cristojo ich mag iiu wenʉrrapiju aai apijim.

San Lucas 19:10

Mʉch chi Emkhooi Iewaan chadcha õor amach khaibag gaaimua okhoo khitheem khʉʉn jʉrwia, peerdʉ awaanta beejimgui ajim anʉm.

Efesios 2:1

Warran pãran pãachdeu nem khaigba waaujerr gaaimua pod Ẽwandam aar oberju khaba naajim, sĩi pãach pekau eepaita narr aawai.

San Lucas 15:4

—Khanim nemjo mʉg nʉm aig ãbmua cien ovejas wai sim, maimua ãb okhoobaadeewai, ¿khaíuta tagam khʉʉn do wajaug ee phepʉawia mag okhoo khitʉmdam jʉraan mabaju khai? ajim anʉm. Keen, par maadeu dich nemchaai aawai baaubam aigjã ookha khitʉʉ abarju.

San Lucas 15:32

Mamʉ pua oo chirʉmgui” ajim anʉm, “pʉ eeum chi meem arrta phiidʉwi pierrumjo abarm; maach aigmua mawia tag beebajupii narrta, ĩsta deeu pierrumgui” ajim anʉm. “Magua ĩs chadcha maadeu mʉgju aai naabahab ajim anʉm, i beetarr gaaimua onee aag.”

Romanos 6:11

Mag pãar ya Cristo ich garmua mag pekau podpʉitarr dʉita naawai tag pekau waumaaugau ya chi khechamjota abat. Magarrau Cristo dʉi nʉm gaaimua Ẽwandam athee nem wajapha wawaagan chadau jũrr khĩir ubagta abat.

Romanos 8:2

Pari magaagan chi Ẽwandam Akharau maach ich Cristo denkhapi athamua mag maach okhoopiju arr jua eemua peerdʉ athaawaita mag pekaúgta maach ʉ̃rpai apiba aajem.

Romanos 12:15

Cristo gaaimua dich khodkha thʉnʉm khʉʉn onee aawai dʉi onee abat; wa jũrr ãb khãijã gaai machgau okhĩirjuu khãijã oowai dʉi gaai masi abat.

San Juan 11:25

Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

Efesios 5:14

Pari magaagan am iekhõoin, “Jãg pʉch pekau eepai khãi simjo sim daukhanpabá; chi khechamjo thʉnʉm khʉʉn eemua phiidʉbaad; Cristoouta ich denkha aunaa ich dʉita pʉ wai nʉrraju.”

1 Corintios 12:26

Mag naawai iwiir ãb khãijã mas aawai tagam khʉʉnaujã dʉi thumaa sentii nʉm. Wa ãb khãijã nem wajapha waubarm gaaimua onee aawai tagam khʉʉnjã thumaa onee thʉnʉm.

1 Timoteo 5:6

Mamʉ ar khoopaa ʉʉi mag Ẽwandamag jeeubanaa sĩi warag Ẽwandam iek khaugbamjo parhooba ichdeu nem khõchagpierr nem wau simʉg chan, parhoob nem deeju khaba nʉm. Mag simʉn Ẽwandamau oowai meeba simta chi thõmjo sim, ich pekau gaaimua.

Romanos 11:15

Ẽwandamau mag judionaanag ooba sĩutarr gaaimua pãar judionaan khabam khʉʉnagta jũrr ich dʉi khõinaa wenʉrramkhĩir ich iek ʉkhapi simʉn, chadcha wajaug sim. Pari mʉg atag ichdeu judionaanagpa ʉkhapibarm edta wajapcha aju. Magbarm aigta mag i igba narr gaaimua khech nʉmjo narrjã deeu phiidʉtkhabarmjo nʉisiju.

Romanos 6:13

Nem khaigbam wawaag chan ni bʉchkhun awiajã oob pekaúgta pãach gaai ʉdʉʉr apimiet. Mag khãai Ẽwandamagan chadau pãachta sĩi khajapham nem jua choogjemjo ideu pãach dʉi ichdeu ampierr apibat. Ya pãar mag nem khaigbam wau wenʉrramaaugau, Cristo dʉi ãba meewia deeu iiu phiidʉwi naawai, Ẽwandamagta pãachdeupai warre pãach thum thʉsĩebapʉit.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Marcos 8:22

Mag wetmamua Betsaida phobor ee barimajim aajem. Mag barbaimaawai õrau woun ãb dau khĩsu khitʉm i aig waibeewi irig chaigpachejierram aajem, i gaai pʉrbaawai i dau monaaumkhĩir.

Apocalipsis 3:1

Sardis phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar Ẽwandam Akhaar ich gaai wai sĩenaa phĩdagjã siete wai sĩejemuata pʉrʉg ich imeerba mʉg iek jaaupʉipijim. Magtarr aawai chamʉ́ pʉ atheem iek pʉrʉg jaaupitarrau: I iek pʉʉn chadcha thʉ̃rphoo sim aajem, Ẽwandam i jewaag. Mamʉ mag simʉn pʉʉn pʉch pekau eepai sĩi chi thõmjo simta jãg sim anaabá.

Judas 1:12

Jãgʉm khʉʉnan Cristo maach kõit meetarr khĩir eyaa aag biirdʉnaa pãar dʉi ãba thach khoowaijã, atcha thach pom waibeenaa dodojo pomjã waibee nʉm gaaimua sĩi pãar khĩir naaupiejem, mag waibeenaa khoowaijã warm khʉʉn dakhĩir jũrr amachta atchapai aawai. Jãgʉm khʉʉnau chan bigaaum khʉʉndamjã khĩirjuba sĩi amachpaita khĩirju sĩsidʉm. Jãg chadam iekjo nem jaau wenʉrrʉm khʉʉnan par noseg chebamta sĩi edjã noseg chejujo thʉnarr phũu aaisirbapäaiwai cheba sĩi õor khũguurjemjota sĩsidʉm. Jãgʉm khʉʉnan ĩchab nemjĩir bʉ̃ʉrjã cheba aajemjota sĩsidʉm, amau nem jaau nʉm ũrwia õrau bʉ̃ʉrjã khĩirjug wajaphamjã auba naawai. Amach mag sĩsidʉm gaaimua ya biek numí khechwia nʉmjota nʉm, amach khaibag ee ich mag thaabatarr gaaimua maimua Cristo iekjã isegwi i ichaaurta nem jaau nʉm gaaimua. Maigta ya pa chi khaarpa jẽunaa orbapʉimjo aju Ẽwandamau am dʉi.

San Lucas 10:19

Mua pãar jua theeg apijim, pãach garmuata mepeen dajẽk amkhĩir. Maagwai mʉchdeu pãrag nem waupi jaau chirʉm wau wenʉrrʉmta dosãtau pãar nemkhõrig ʉmnaa dojũrigjã ʉmwiajã pãar bʉ̃ʉrjã chig abaju, mʉ jua theegta pãar gaai sĩewai.

San Mateo 8:22

Magbaa jũrr Jesuu irig, —Magju khãai warre mʉ dʉita marrau ajim anʉm. Ideu ar jãg amach Ẽwandam iek ʉkhamaaugau chi thõmjo nʉm khʉʉnagta amach binaan beppibá ajim anʉm irig.

San Lucas 9:60

Magbaawai Jesuu irig, —Magju khãai warre mʉ dʉita marrau ajim anʉm. Ideu ar amach Ẽwandam iek ʉkhamaaugau chi thõmjo nʉm khʉʉnag amach binaan beppibá. Mamʉ pʉ mag khãyau warag õrag jaaubamí ajim anʉm: “Ya Ẽwandam thumaam khʉʉn Porkhacheeg beeimʉʉ sim. Pãar peerdʉm khõsi nʉm khai, ichta ʉdʉraa pãach Porkhapibat” a jaaupet ajim anʉm.

San Lucas 15:23

Magwia phakdam chi õtpaam authurwia thõobapʉit” ajim anʉm, “maach thum ãba onee kho nʉmua phiesta wawaag.

San Lucas 15:25

’Mamʉ maagwai ich jooi iewaa chi naam, phidag ee sĩejim aajem. Maimua beewia di dakha panaa ũr uraa aawai sĩi karris phophookham dʉi tamburrpa bubujukham gaai jemkha khodthʉnʉm khaug athajim anʉm.