San Lucas 15:2 - Wounaan Meu

² Magbaawai chi ajapha Ẽwandamau Moiseeg iek phãpitarr ʉʉrkhaajem khʉʉn, maimua ag iek jawaag athee chi machnaan dʉimua Jesús igwia, —I den mʉg wounau chan pekau pom sĩsidʉm khʉʉn awiajã isegba ich jãg warag am dʉi thach kho nʉrraajem anaajim aajem.

Woun Meu

² Magbaawai chi hajap'a Hẽwandamau Moiseeg hiek p'ãpitarr hʌʌrk'aajem k'ʌʌn, maimua hag hiek jawaag hat'ee chi machnaan dʌ̈imua Jesús higwia, —Hi dën mʌg wounau chan pekau pöm sĩsidʌm k'ʌʌn hawiajã hisegba hich jãg warag ham dʌ̈i t'ach k'ö nʌrraajem hanaajim haajem.

San Lucas 15:2 Iomraidhean Croise

San Mateo 11:19

Mamʉ ĩs mʉch chi Emkhooi Iewaa chaar beewi, pãach dʉi parhooba thachdamjã khonaa vinodampa do khitaawai, jũrr magjã khõchkhaba warag pãrau mʉ eugar, thach bipom khonaa vino pigjã chitʉm aajem. Magnaa gobierno debpaar jeeu nʉmua õor khũguurjem khʉʉn dʉijã khapeerkhanaa pekau pom sĩsidʉm khʉʉn dʉipa khapeerkha chitʉm a iekhaajerramgui ajim anʉm, mʉjã iseg nʉm iekhau. Pari ar chi Ẽwandamau khĩirjug deetarraucha khĩirju nʉm khʉʉnau chan magba, amau chadcha khaphʉ nʉm, chijã khʉʉnta ich Ẽwandamaucha pʉitarr khʉʉn agá a iekhamajim aajem.

San Mateo 9:11

Mag oobaawai, Moiseeu phã pʉatarr wajapcha ʉʉrkhaajem khʉʉnjã aig narr aawai, jũrr mag maach chi Jesús dʉicha wenʉrraajerr khʉʉnagta, —¿Jãga jãg pãar maestro sĩi debpaar jeeumien dʉi pekau pom sĩsidʉm khʉʉnpata ãba thach kho sĩ? a jeeujierram.

San Lucas 15:3

Magbaawai ichdeu am mag iekha nʉm ũrwia, mʉg nem ĩgkhaadam jaaumamua amag magjim aajem:

San Lucas 19:7

Mamʉ chi dʉi wenʉrrarr khʉʉnau oowai, Jesús Zaqueo degta jẽerimaag waaidʉbaadem oobaawai, thumaam khʉʉnau, —Keena, pãade oobat. Jesuun, pekau pooma sim degta waaidʉbaademwai anaajim anʉm.

San Lucas 5:30

Mamʉ magbaawai chi ajapcha Moiseeu Ẽwandam iek phã pʉatarr ʉʉrkhaajem khʉʉnau Ẽwandam iek athee chi machnaan dʉimua Jesús khapeenagta, —¿Khan jãgwiata pãar jãg gobierno debpaar jeeujem khʉʉn dʉi pekau pom sĩsidʉm khʉʉnpa ãba thach kho nʉma? a jeeujierram anʉm.

San Lucas 7:34

Mamʉ ĩs mʉch chi Emkhooi Iewaa chaar beewia pãach dʉi parhooba thachdam khonaa vinodamjã do khitaawai jũrr magjã khõchkhaba, warag pãrau mʉ eugar thach bipom khonaa vino pigjã chitʉm aajem. Magnaa gobierno debpaar jeeu nʉmua õor khũguurjem khʉʉn dʉijã khapeerkhanaa pekau pom sĩsidʉm khʉʉn dʉipa khapeerkha chitʉm a iekhaajerramgui ajim anʉm, mʉjã iseg nʉm iekhau.

San Lucas 7:39

Chi Jesús thʉ̃rpʉitarr wounau mag oobaawai ich odegpai, “Mʉg woun chadcha Ẽwandam i jaaumie chaar akhiin, irua warre khaug aukhamgui ajim anʉm, khanim ʉʉirauta jãg ich bʉ gaai pʉrbaiche. Majã pekau pooma simua ich gaai pʉr simta bʉ̃ʉrjã khaugba simgui” ajim anʉm ich odegpai.

Hechos 11:3

—¿Woun khan jãgwiata jãg maachjo judionaanjã khab sĩsidʉmta oon mawia warag am dʉi thachpa khobaadejĩma? ajierram anʉm. Pua jãkhʉʉn dʉi jãgju khaba sĩejim perá ajierram anʉm, maach jooinau jãgpiba jaaujeewai.

Gálatas 2:12

Khani mua oowai warran, hermanonaan judionaan khabam khʉʉn dʉijã ʉu ãba thach khoojeejim; pari mamagkharrta õor Santiago igar narr khʉʉn Jerusalenmua bardʉtkhabaimaawai, am kha ogdʉwi tag am dʉijã thach khoba aadejim, mag amachdeuta amach jooin i ajapcha ʉʉrkhaajem anarr khʉʉnau ich jaauju khĩirjuwi.

1 Timoteo 1:15

Dich in iekhõoin thumaam khʉʉnau khaphʉ aju aai nʉm: “Jesucristo mʉg jẽb gaai beewain pekau paraam khʉʉn peerdʉ awaanta beejim.” Ma chan seukhaawaijã khabam. Warran mʉʉn mʉchta ʉ̃rcha pekau pom chitajim, tagam khʉʉn khãaijã.