San Lucas 15:1 - Wounaan Meu

¹ Biek ãb Jesuu jãga Ẽwandamau õor peerdʉajẽ a jaau sim aig, gobiernoog debpaar paar nʉm jeeujem khʉʉn khapan bee thʉnaajim aajem, chi pekau dapnaanpa, i iek ũraan.

Woun Meu

¹ Biek hãb Jesuu jãga Hẽwandamau hõor peerdʌajẽ ha jaau sim haig, gobiernoog dëbpaar paar nʌm jëeujem k'ʌʌn k'apan bëe t'ʌnaajim haajem, chi pekau dapnaanpa, hi hiek hũraan.

San Lucas 15:1 Iomraidhean Croise

San Mateo 5:46

Pãrau sĩi pãach daupiim khʉʉnpaita agjo daupii amʉn, ¿maig khan wajaug sĩ? ¿Sĩi Romaam gobierno athee debpaar jeeujem khʉʉn chi khaigbam khʉʉnaujã ich agjo aba aajẽ? ajim anʉm.

San Lucas 13:30

Mag Ẽwandamau õor i agkhabaadem ed ar mʉg jẽb gaai aawai amachta warm khʉʉn khãaijã ajapcha nʉm aajem khʉʉnta khapan khabacha oberju. Mag khãyau ar chikhamnau serbiibag pheejem khʉʉnta khapanaacha Ẽwandam sim aar oberjugui ajim anʉm, ich Jesuu.

San Lucas 7:29

’Pãrau khaphʉ nʉmgui ajim anʉm, chi Juanau jaau nʉrrʉm ũr narr khʉʉn ee thumaam khʉʉnau debpaar jeeujem khʉʉnaupa amach khaibag ãsie ewag khĩirjuwia irig por choopi nʉmua Ẽwandamagta, “Ẽwandam, chadcha puata maar thãar khap chirʉm. Ʉu pua Juanag jaaupiwia marag pʉch iek khaugpibarm” aajeejim.

Romanos 5:20

Warrcha Ẽwandamau ley deewain, õrag amach pekau wau nʉm khap amkhĩirta deejim. Pari magbaawai mag amach pekau wau nʉmjã khaphʉ nʉmta warag athuuchata khaibag aphobaadem ãba, ich Ẽwandamaujã ich jãg õor dau aug khaug paraa khitaawai, ĩchab amag wajapcha khaphʉ apijim, ichdeu am peerdʉ auju aai sim.

1 Timoteo 1:15

Dich in iekhõoin thumaam khʉʉnau khaphʉ aju aai nʉm: “Jesucristo mʉg jẽb gaai beewain pekau paraam khʉʉn peerdʉ awaanta beejim.” Ma chan seukhaawaijã khabam. Warran mʉʉn mʉchta ʉ̃rcha pekau pom chitajim, tagam khʉʉn khãaijã.