San Lucas 14:18 - Wounaan Meu

¹⁸ Maimua mawia, chi chogau jajawagmampierr beemaaugau, jũrr pogkha jaaumaajeejim aajem, chi beeju arr khʉʉnau. Nacha jaauwimatarr aiguimua magjim anʉm: “Chaig ewaa jẽb per autarr oon maju chiraawai mʉ pod mabam; ideu ẽudeem athee khertarrau” ajim anʉm.

Woun Meu

¹⁸ Maimua mawia, chi chogau jajawagmampierr bëemaaugau, jũrr pogk'a jaaumaajeejim haajem, chi bëeju harr k'ʌʌnau. Nacha jaauwimatarr haiguimua magjim hanʌm: “Chaig hewaa jẽb për hautarr hoon maju chiraawai mʌ pöd mabam; hidëu hẽudeem hat'ee k'ërtarrau” hajim hanʌm.

San Lucas 14:18 Iomraidhean Croise

San Lucas 14:17

Maimua chadcha phiejãb wauwia, ya thach khoju ed aadeewai, chi patrón jooirau ich chog pʉijim aajem, ich dʉi iekhatarr khʉʉn aar jaaubaimaawai thach khoon beemamkhĩir.

San Lucas 14:19

Maimua ãbakhai aar jaaubaimaawai maguajã agjo, “Mʉ pod mabam, phak emkhooin diez eeu perkha autarr phidag ee wai jẽraan phe arrju aawai. Jãgba akhiin chadau mʉ makhamgui” ajim anʉm.

San Lucas 18:24

Jesuu oowai mag ichdeu nem jaaubarm gaaimua atcha okhĩirjug pom aadem oowi, —Phatkhon paraam khʉʉnta Ẽwandam chi Porkha sim aar oberaagan chadcha thethe simgui ajim anʉm, amach phatkhonagta ʉ̃rcha ee naawai.

San Lucas 8:14

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

San Juan 1:11

Ich durr gaai beetarrta, mag amach ee pierrumjã õrau i igbajierram.

San Juan 5:40

bʉ̃ʉrjã mʉ igba nʉmgui ajim, ich mag iiu wenʉrram khõsi nʉm anʉmta.

Filipenses 3:4

Mamʉ ãaur khʉʉnau chan magba nʉmta sĩi aman chadau õor ajapham khʉʉnau a jaau nʉrrjee aajem. Amagan sĩi dich mor dauchachnaa nem ajapham wau nʉmuata Ẽwandamau maach ich aar aaujem aajem. Mamʉ chadcha magʉm gaaimuata maach ʉ̃gthar obeerjeekhiin, magan mʉʉta am khãaijã entercha oberju.

2 Timoteo 4:10

Mʉʉn mʉch appaita chirʉm, Demaaujã Tesalonicaag mam khõchgau mʉ barpʉabajeewai. Sĩi mʉg jẽb gayam nemegta ʉ̃rcha ee am khõchgau mʉrʉgjã ooba petajim. Crescentejã Galaciaag petaawai Titoou jũrr Dalmaciaag petajim.

2 Timoteo 4:4

Mag nʉm gaaimua chadcharam iekhagta warag oojã ooba, sĩi parhoobam iek jaau nʉmʉgta ee aju.

Hebreos 12:16

Pãach ee iwiir ãbmuajã oob dich õor khabam dʉi chan khapes amiet; oob Ẽwandamau waupim khõsimʉgta sĩi oobamjo am khõchgau warr jooingar Esaú arrjo amiet. Esaú ichta chi naam arr aawai ichdeuta ich aai nem thum jʉ̃akham; mamʉ mag jʉ̃aju arrta sĩi jãsogau thach thep ãbpaim dʉi jũrr ich eeumʉgta ichdeu nem jʉ̃aju arr thum thʉsĩepʉijim anʉm.