San Lucas 14:11 - Wounaan Meu

¹¹ Mag, pãrag mag chirʉmʉn, ar amach thowia chikham dʉi athuucha aajem khʉʉnta jũrr mʉg atag paawai am Ẽwandamag chaigpa oo sĩsidʉ aju. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta jũrr mʉg atag paawai Ẽwandamau warm khʉʉn khãyaujã ʉ̃rpai apiju ajim aajem.

Woun Meu

¹¹ Mag, pãrag mag chirʌmʌn, har hamach t'öwia chik'am dʌ̈i hat'uucha haajem k'ʌʌnta jũrr mʌg hatag paawai ham Hẽwandamag chaigpa hoo sĩsidʌ haju. Maimua har mag hamach dʌ̈i hat'uu nʌm k'ʌʌn hichaaurjã magʌm haba sĩi warag serbiibamjö haajerr k'ʌʌnta jũrr mʌg hatag paawai Hẽwandamau warm k'ʌʌn k'ãyaujã hʌ̃rpai hapiju hajim haajem.

San Lucas 14:11 Iomraidhean Croise

San Mateo 23:12

Mua mag chirʉmʉn, ar amach thowia chikham dʉi athuu aajem khʉʉn mʉg atag paawai jũrr Ẽwandamag chaigpa oo sĩsid aju aawaita mag chirʉm; maimua ar mag amach dʉi athuu nʉmjã bʉ̃ʉrjã am ichaaur aba sĩi warag serbiibamjo aajerr khʉʉnta jũrr Ẽwandamau warm khʉʉn khãaijã ʉ̃rpai apiju aawaita mag chirʉmgui ajim ich Jesuu.

San Lucas 1:51

Pʉ jua theegjom khʉʉn chan mʉg jẽb gaai ooba aajem. Wir aig amach thoo aajerr khʉʉnjã ya pʉ jua eegar paaukhabaadem.

San Lucas 1:52

Mʉg jẽb gaai chi thethem thethem aajem khʉʉnjã iek theeg chukhu isegkhʉʉiwia jũrr aphʉʉ maadeu igbajojoo khitheem khʉʉnta pua por phiriupʉimaajem.

San Lucas 14:12

Maimua ich thach khomkhĩir thʉ̃rtarrag magjim anʉm ich Jesuu: —Deeu pʉch phiejãb dʉrrcha wauwia thach khomkhĩir õor thʉ̃ʉrwai oob sĩi pʉch khapkhʉʉn appai thʉ̃rkhʉyam ajim anʉm, ni pʉch khodnaan, ni sĩi thʉ̃r khodpaim khʉʉn appaijã thʉ̃rba, ni sĩi phatkhon paraam khʉʉn pʉch dʉi ãba di dakha naajem khʉʉn appaijã oob thʉ̃rkhʉyam. Pua magʉm khʉʉnta khĩirjuwia thʉ̃rkhʉʉimʉn, magan amaujã agjo wauwia pʉ thʉ̃r athaawai deeu pʉrʉg phagbarmjota aju.

San Lucas 18:14

Mag numí Ẽwandamag jeeu narr khʉʉn jaau dichwia, chi aig ich iek ũr narr khʉʉnag magjim aajem: —Ichdeupai Ẽwandamag ichta chi ajapham a chirarr khãyau, ich dau aug khaugpi jeeutarr wounta jũrr Ẽwandam dau na ag najã ich mag bʉ̃ʉrjã khaibag chukhu aajerrjoo sĩebahab ajim anʉm. Mamʉ ar amach thowia chikham dʉi athuucha aajem khʉʉn, jũrr mʉg atag paawai am Ẽwandamag chaigpa oo sĩsidʉ abarjugui ajim anʉm. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta, jũrr mʉg atag paawai, Ẽwandamau warm khʉʉn khãyaujã ʉ̃rpai apiju a jaaumajim aajem.

Santiago 1:9

Ãb khãijã mʉig eegarm khʉʉnau oowai serbiibanaa dau aphʉʉ khitʉm mamʉ chadchata Cristo denkha khitʉm khai, mʉg atag pawiajã Ẽwandamau ichig nem thum jʉ̃apiju khap, mag hermano onee abá.

Santiago 4:10

Deeu pʉaba muan pãragan, pãach serbiibag khap Ẽwandamagta chaigpa nʉmua pãach dau aug khaugpibat a chirʉm. Mag khaita pãar deeu ajaug paapʉiwi mʉg atag pawiajã thumaam khʉʉn dakhĩir irua pãar ajaug pheju.

Santiago 4:6

Mamʉ Ẽwandam maach dʉi o wajaug khitaawai, mag wenʉrramkhĩirjã ichdeuta maach juag oojem. Õor dʉi ich mag khitʉm igwi, ichdeupai ich iek phãpitarr gaai, “Ar mʉjã igba amach juapaaupaita wenʉrraajem aajem khʉʉn chan mʉchdeujã igba chitʉm” a sim. “Magarrau amach serbiibag khap mʉchdeu nem jaau chirʉm wawaagjã mʉch juapadam iigjem khʉʉnan chadau, mʉch garmuajã am juag oojem” a phãpijim Ẽwandamau. (Pr. 3:34)

1 Pedro 5:5

Ich agjo ẽwannaanagjã mua mag chirʉm: Ẽwandam iek ʉkha durrum khʉʉn ee pãach khãai jooinau pãachig iekhaawai, sĩi am ipeer ahau aju khãai, ʉdʉraa pãach wawipinaa warag am ipierraata abat. Thumaa agdaujo jũrr dich khapeen chogkha nʉmjota abat. Magbaju atheen Ẽwandamau ich iek gaai jaau simjo: “Ar mʉjã igba amach juapaaupaita wenʉrraajem aajem khʉʉn chan mʉchdeujã igba chitʉm” a sim. “Magarrau amach serbiibag khap mʉchdeu nem jaau chirʉm wawaagjã mʉch juapadam iigjem khʉʉnan chadau, mʉch garmuajã am dau ee aug khaaugjem” a phãpijim. (Pr. 3:34)

1 Pedro 5:6

Maguata pãach serbiiba nʉm khap, pãach dau aphʉʉ aawaijã, magʉm igba, Ẽwandam chi jua thierrigta warag, “Ẽwandam, pʉchdeuta khap chirʉm” abat. Pãrau magta amʉn, mʉg atagta ichdeu khap irua pãach dau aphʉʉ apiejerr khʉʉn khãaijã jũrr pãachta ʉ̃rpai apiju.