San Lucas 14:1 - Wounaan Meu

¹ Khãai ãb fariseonaan eem ãb ĩchab chi porkha simua Jesús eeurrjim aajem, ich di aar i dʉi ãba thach khoog. Mag ed sĩi jua ʉ̃ʉijem ed arr aawai amachdeun ãba irigta eerpapa aajeejim anaabá, eeu degolp mag pod bʉ̃ʉrjã nem wauju khabam edta bʉ̃ʉr khãijã jua peerthʉ nem waubaawai magʉm gaaimua i imeraa pʉr awaag.

Woun Meu

¹ K'ãai hãb fariseonaan heem hãb hĩchab chi pörk'a simua Jesús hëeurrjim haajem, hich di haar hi dʌ̈i hãba t'ach k'oog. Mag hed sĩi jua hʌ̃ʌijem hed harr haawai hamachdëun hãba hirigta heerpapa haajeejim hanaabá, heeu dëgölp mag pöd bʌ̃ʌrjã nem wauju k'abam hedta bʌ̃ʌr k'ãijã jua peert'ʌ nem waubaawai magʌm gaaimua hi himeraa pʌr hawaag.

San Lucas 14:1 Iomraidhean Croise

San Mateo 12:12

Mag sim aawai jua ʉ̃ʉijem ed awiajã ichiita muan õor dau aug khaugju aai nʉm a chirʉm ajim amag.

San Marcos 3:2

Maig naajim aajem ĩchab fariseonaan, Moiseeu Ẽwandam iek phã pʉatarr wajapcha ʉʉrkhaajem khʉʉn. Makhʉʉnau Jesuug bʉ̃ʉrjã dau thõba naajim anʉm, amach dakhĩir Jesuu jua ʉ̃ʉijem ed mag woun monaaubapäaiwai irig, “Jãgan pua chan jua ʉ̃ʉijem edjã ʉʉrkhabata chirab” a iekhaag, mag nʉm dʉi ĩchab magʉm gaaimua thethem khʉʉnagjã i khaibag waupi jawaag.

San Lucas 11:37

Mag ich Jesús iekha obaadem ee, ãb Moiseeg Ẽwandamau ich iek phãpitarr ajapcha ʉʉrkhaajem khʉʉn eemua i thach khoon eeurrjim aajem, ich di aar. Magbaawai Jesuu i dʉi mawia, barwia, ãba phʉʉr khophobaadejim aajem.

San Lucas 14:2

Mag am thach kho nʉm aig beewi sĩejim aajem ĩchab, woun ãb kha ohoodo khitʉm.

San Lucas 17:20

Khãai ãb chi ajapha Moiseeu Ẽwandam iek phã pʉatarr ʉʉrkhaajem khʉʉnau Jesuug, —¿Jãagwaichata mʉg jẽb gaai Ẽwandam maach Porkha sĩeichejuwa? ajierram aajem irig. Magbaa Jesuu amag magjim aajem: —Ẽwandam ichta chi Porkha sĩeicheju chan oob dau daauta beeju amiet.

San Lucas 20:20

Mag amach dʉita õor meeukhapiju khãai sĩi õor jʉr auwia chi Jesús sim aar pʉijierram aajem, makhʉʉnau chadcha khaugba aawaita irig jeeu nʉm awia jeeubaimaawai, jaauju khaugba ipeerdʉ khãijã jaaubapäaiwai, magʉm gaaimua gobernador aar i pʉr arraag.

San Lucas 6:7

Maagwai judionaan chi machnaan dʉimua chi ajapcha Moiseeu Ẽwandam iek phã pʉatarr ʉʉrkhaajem khʉʉnau Jesuug dau thõba thʉnaajim anʉm, eeu irua jua ʉ̃ʉijem edjã igba õor jua pʉrwia monaaubaawai magʉm gaaimua ichigcha õor dakhĩir “Pua chan jua ʉ̃ʉijem edjã bʉ̃ʉrjã ʉʉrkhabata sim” a iekhaag.

San Juan 3:1

Woun ãb sĩejim, Moiseeu Ẽwandam iek phã pʉatarr wajapcha ʉʉrkhaajem khʉʉn eem, Nicodemo a thʉ̃r sĩerr. Maan judionaan eem chi thethem ajim ĩchab.

Hechos 5:34

Mag chi thierrnaan apha biirdʉ thʉnʉm ee woun ãb Gamaliel a thʉ̃r sim sĩejim aajem, Ẽwandamau Moiseeg ich iek phãpitarr iek ajapcha ʉʉrkhaajem khʉʉn eem. Mag woun ĩchab Ẽwandam iek jawaag chi mach ajim aajem. Maagwai phoborpien thumaam khʉʉnaujã ĩchab i okho aajeejim aajem. Mag wounau chi Jesuu ich i jaaumkhĩir jʉr autarr khʉʉn khũchpai dawag phe arrpi jaaujim anʉm, magʉmich amach ap iyʉʉ aag.