San Lucas 13:32 - Wounaan Meu

³² Magbaawai ichdeu amag magjim anʉm: —Ereubaadewi irig, “Ich iphithur ideu mag sim; mʉg ed gayan mʉʉn ichiita ich mʉg õor mor ee ben khaigbampa jʉr werpnaa ich mʉg õor monaau chitaju” a jaaubaimat ajim anʉm, mʉ imeerba. Magnaa ĩchab, Ya mʉ phidag oimʉʉ pamam;

Woun Meu

³² Magbaawai hichdëu hamag magjim hanʌm: —Hërëubaadëwi hirig, “Hich hip'it'ur hidëu mag sim; mʌg hed gayan mʌʌn hichiita hich mʌg hõor mor hee bën k'aigbampa jʌr wërpnaa hich mʌg hõor monaau chitaju” ha jaaubaimat hajim hanʌm, mʌ himeerba. Magnaa hĩchab, Ya mʌ p'idag höimʌʌ pamam;

San Lucas 13:32 Iomraidhean Croise

San Marcos 6:14

Jesuu mag õor mor masim khʉʉn pom monaau nʉrrʉm gaaimua sĩi õor ee thʉ̃rphoo sĩejim aajem. Mag nʉm ee Rey Erodeeu ũr athajim anʉm, irua nem wau nʉrrʉm. Mag ichdeu ũr athaawai Jesuuta Juanpii awi, “Maan Juan õor por choomie khararrta deeu iiu phiidʉwia mag nʉrrʉm; maguata mag õor mor masim khʉʉnpa monaau nʉrrabahab” aajeejim anʉm.

San Juan 10:32

Pari mag nʉm ee Jesuu amag magjim: —Mʉ Ayau ich jua theeg mʉrʉg deetarrau mua chadcha pãar dakhĩir nem wajapham pom khĩir pogkhe wauwia chirʉm. Pari mag nem khĩir pogkhe wautarr ee, ¿chijãg gaaimuata pãrau mʉ mokou barm ig nʉ? ajim.

San Juan 19:30

Mag ich i aig ʉa athaawai sĩi ag gaai bereu oowi, —Ĩsin chad thumaa aaipa sĩsimgui a khitawia, mʉ dakhĩraa eeg ʉ̃thʉbaadewi warag chaaupabaadejim.

Hebreos 2:10

Nem thʉnʉmʉn thum Ẽwandamau ompaatarrau ich athee, ichdeu ig sĩerrjo amkhĩir. Mamʉ mag ʉ̃rcha ichdeu ig sĩerran, õor pom ich chaainkha auwi ich aar phe awaag ajim. Magaag athee irua ʉdʉraa ich Iewaa Jesuuta dau aphʉʉ apijim, mag aphʉʉ abarm gaaimua ʉu am peerdʉajemkha sĩsiewai ichdeuta Ẽwandam aar õor oberpiejem khamkhĩir.

Hebreos 5:9

Mamʉ agjo mag meebarmua ichta ĩchab thumaam khʉʉn Porkhanaa am kõit iekhaju aai sĩsiewaita ĩchab thum ich ipierraa nʉm khʉʉnjã ʉu ʉ̃gthar oberpiejemkha sĩsijim.

Hebreos 7:28

Warran Moiseeu ley phã pʉarr gaai jaau simjo phadnaan khapieg jʉr aauwaijã maachjo pekau pom khithee arr khʉʉnta jʉr aaujeejim. Mamʉ mag ley jooi deetarr khur nassi pawi Ẽwandamau ichdeupai ich gaai juraanaa ich Iewaa bʉ̃ʉrjã pekau chukhu khitʉmta thumaam khʉʉn Porkhapinaa maach kõit iekhaajem khapitarran, mʉg atag pawiajã ichta phad chi ajapcharamkha sĩerrʉmua dajẽgjã dajẽgba ich mag maach kõit iekhamkhĩir ajim.