San Lucas 13:25 - Wounaan Meu

²⁵ Pãrau dubaag ẽkhawiajã ya chi dikhʉ jooyau phãarbapʉim chan, par pãrau daaugajãrmua, “Señor, maar weeu athá” awiajã, jũrr ierrmua irua pãrag, “¿Pãar jamaam khʉʉnauma? Pãar chan mʉ aiguim khʉʉn khabamgui” aju, warag weeu aubaju aawai.

Woun Meu

²⁵ Pãrau dubaag hẽk'awiajã ya chi dik'ʌ jöoyau p'ãarbapʌ̈im chan, par pãrau daaugajãrmua, “Señor, maar weeu hat'á” hawiajã, jũrr hierrmua hirua pãrag, “¿Pãar jamaam k'ʌʌnauma? Pãar chan mʌ haiguim k'ʌʌn k'abamgui” haju, warag weeu haubaju haawai.

San Lucas 13:25 Iomraidhean Croise

San Mateo 25:41

Warm khʉʉnag mag iekhawi ichdeupai jũrr mag chi khaigbam khʉʉn ich juawe gar nʉm khʉʉnag, “Jopai mʉ aigmua chawag ereubaadet” aju anʉm. “Pãar mʉ Ayau chi maldisiem khʉʉn aawai pãadeu khĩmie durr mepeer ich chognaan dʉi sĩemkhĩir wautarr aarta ereubaadet” aju anʉm, “õtdau uu wejom thõojã khaugba ich mag sĩerrʉm ee naaimaag.”

San Lucas 13:27

Mamʉ magbaawai irua ĩchab pãrag magju: “Ya mua pãrag jaaubarm. Mua chan tag pãar khaugbam. Pãach sĩi nem khaigbam appai wau wenʉrraajerr khap, pãadeu warag pãachta mʉ aigmua chawag ereubaadet” a iekhajugui ajim anʉm, Ẽwandamau pãrag.

San Lucas 3:8

Sĩi pãach por choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã. Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

San Lucas 6:46

’Pãrau mua nem jaau chirʉm ipierraa khaba nʉmta, ¿khanthee mʉ igwia sĩi par iiupai “Pʉʉta maar Porou” aajẽ?

2 Corintios 6:2

Ẽwandamau ich iek phã sim gaai jaauwai, “Mʉchdeu ũrju arr dʉicha jeeubaawai mua pʉ iek ũrjim” a sim; maimua “mʉchdeu õor peerdʉ auju edcha jeeutarr aawai ʉu pʉ khaigper aujim” a sim. (Is. 49:8) Magua ĩsta pãrau irig pãach peerdʉ aupi jeeumʉn, ĩsta chadcha irua pãar peerdʉ auju edau.

Hebreos 12:17

Maimua pãrau khaphʉ nʉm, jãgajĩ agtarr khur ya ich aai meegpaawai deeu ũwaai khĩirju auwi. Ich aai juagam nem jʉ̃ag irig ich bendiciepiewaijã jooirau irig ich bendición deebajim anʉm, ag nawe mag lenteja thep ãbam paar isegtarr aawai. Parii dauhi pomjã ãrjieb mamʉ, pod ich aai juagam nem jʉ̃aju khaba ich mag sĩsijim anaabá. Magua pãraujã oob Esauu ich bendición okhoopitarrjo nem bʉ̃rʉʉm gaaimua Ẽwandamau pãachig nem deeju arr okhoopimiet.