San Lucas 13:22 - Wounaan Meu

²² Jesuu ich mag Ẽwandam iek jaau nʉrraajeejim aajem phoborpierr, didam khapan khaba dʉnʉnʉidʉm eem magwe ich nʉrrʉmpierr. Mag mamua warag Jerusalenag maa ajim aajem.

Woun Meu

²² Jesuu hich mag Hẽwandam hiek jaau nʌrraajeejim haajem p'öbörpierr, didam k'apan k'aba dʌnʌnʌidʌm heem magwe hich nʌrrʌmpierr. Mag mamua warag Jerusalenag maa hajim haajem.

San Lucas 13:22 Iomraidhean Croise

San Mateo 9:35

Jesús phoborpierr nʉrrʉmua didam khapan khaba khekhedʉm eem magwe phʉʉrdʉ nʉrraajeejim. Mag nʉrrʉmua Ẽwandam iek jaaujem deg dubwi maach peerdʉajem iek jaaumamua, “Ẽwandamta maach thumaam khʉʉn Porkhaimʉʉ sim; magua irigta ideu pãach thãar ajaug paapibat” a jaaujeejim. Mag nʉm dʉi ĩchab õor khamor machagjã khĩirpierr monaaumaajeejim, kha mamachdogpa.

San Marcos 6:6

Mag ichdeu Ẽwandam iek jaau khitʉm ʉkhaba nʉm oowi ich Jesúpata warag thumaa khĩirjuwi okhĩirjuu aadejim anaabá. Magbaawai ichta warag mawi jũrr aigmua phobordam dakha sĩsidʉm ee Ẽwandam iek jaau nʉrraajeejim aajem.

San Lucas 13:23

I mag nʉrrʉm ee ãbmua irig, —Señor, ¿ʉ̃gthar oberju khʉʉnta khapanaacha nʉ wa okhooju khʉʉnta khapanaacha nʉwa? ajim anʉm. Magbaawai Jesuu irig,

San Lucas 9:51

Ya Jesús deeu ʉ̃gthar ich Aai aar maimʉʉ aadeewai warag thãar phĩiuwia ogkhaba Jerusalenag petajim aajem.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.