San Lucas 13:21 - Wounaan Meu

²¹ Ich iiu aawai ich iek aaidʉpi nʉmʉn, ʉʉi ãbmua arin dʉrrcha sim ee levadura pʉitarrjota sĩerrʉmgui ajim anʉm. Levadura bʉ̃rʉʉ pʉitarrjã maadeu aaidʉmam chan ooba aajem; mamʉ mag simuan arin thum ʉrpi aaujem. Ich agjota simgui ajim anʉm ĩchab Ẽwandam iek mʉg mua jaau chitʉmjã. Mʉʉgwaiwe chan õor pom mʉg wejom ee agtha pomcha aaidʉba sim. Mamʉ mʉg atagta durr warpham magwe aaidʉbaadee thumaam khʉʉnau ũrab khaba ũrjugui ajim anʉm, ich Jesuucha.

Woun Meu

²¹ Hich hiiu haawai hich hiek haaidʌpi nʌmʌn, hʌʌi hãbmua harin dʌ̈rrcha sim hee levadura pʌ̈itarrjöta sĩerrʌmgui hajim hanʌm. Levadura bʌ̃rʌʌ pʌ̈itarrjã maadëu haaidʌmam chan hooba haajem; mamʌ mag simuan harin t'um hʌrpi haaujem. Hich hagjöta simgui hajim hanʌm hĩchab Hẽwandam hiek mʌg mua jaau chitʌmjã. Mʌʌgwaiwe chan hõor pöm mʌg wëjöm hee hagt'a pömcha haaidʌba sim. Mamʌ mʌg hatagta durr warp'am magwe haaidʌbaadee t'umaam k'ʌʌnau hũrab k'aba hũrjugui hajim hanʌm, hich Jesuucha.

San Lucas 13:21 Iomraidhean Croise

San Mateo 13:33

Mag jaaumamua ich Jesuupai, —Ẽwandamau ich iiu aawai mag ich iek aaidʉpi nʉmʉn, ʉʉi ãbmua arin dʉrrcha sim ee levadura pʉitarrjota simgui ajim. Pãrau khaphʉ nʉmgui ajim, levadura bʉ̃rʉʉ pʉitarrjã aaidʉmam ooba simta, arin thum ʉrpi aaujem. Ich agjota sĩebahab ajim ĩchab Ẽwandam iek mʉg mua jaau chitʉmjã. Mʉʉgwaiwe chan õor pom mʉg wejom ee agtha pomcha aaidʉba sim. Mamʉ mʉg atag paawaita durr warpham magwe aaidʉbaadee thumaam khʉʉnau ũrab khaba ũrjugui a jaaumajim.

San Lucas 13:20

Maimua deeu ichdeupai amag, —Pãrau khĩirjuawai ¿jãga sim abarí Ẽwandamau ich iek aaidʉpi nʉm, maimua jũrr khan dʉita mua pãrag jaaubarkhiin? ajim anʉm.

San Juan 15:2

Pãar sĩi mʉ khãu nenergau. Wajapcharan pãran mʉ Ayau khõsi simjo nem wawaagta mʉ denkha nʉmgui ajim. Pari mag mʉ khãu nenergkha nʉmta khãu ãb khãijã pod jopba simʉn, mʉ Ayau warag thʉapnaa barpʉiju. Pari ʉuta chewia jop simʉn, warag wajaphata irua jar khekher ajugui ajim, warag chemkhĩir.

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

1 Corintios 5:6

Pãar ee jãg khaigba nʉm chan, pãachta wajapha nʉm awia pãrau pod pãach tho iyʉʉ aju khaba nʉm. Jãgbaadephʉmjã sĩi oobamjo bʉ̃ʉrjã iekhaba ich jãg sĩsiu akhiin, ãbpai mag sim gaaimua warag tagam khʉʉnpata ãrju, levadura bʉchkhun arin ee pʉibarmua warre thum aaidʉ joopjemjo.

Filipenses 1:6

Mua khaphʉ chirʉm, ichdeu jãg pãar thãar chi iiurig paapʉitarrjo ichdeuta warag pãar khĩirjugjã bãaupiju, Jesucristo bee nʉm ora ich phidag waumkhĩir.

Santiago 1:21

Magua mua pãrag mag chirʉm: Jãg Ẽwandam na parhooba maach ãrpiejem nem pãach gaai sĩsidʉm thum warre isegbapʉit. Magnaan chadau khĩir machag chukhu Ẽwandam iek pãach thãar ee autarrta warag bãaupibat, ũr nʉmua. Jãg iekta nem jua theeg sim, pãar peerdʉ awaag.