San Lucas 13:13 - Wounaan Meu

¹³ “Mua pʉ monaaukhim” anaa, i ʉ̃r jua ausĩubarm bʉrre phõ thʉrrkha khajappha oo dʉnʉisijim anaabá, monakkha. Mag ich monaaubapäaiwai onegau Ẽwandamag, “Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum. Ʉu abarmgui” ajim anʉm.

Woun Meu

¹³ “Mua pʌ monaauk'im” hanaa, hi hʌ̃r jua hausĩubarm bʌ̈rre p'õ t'ʌrrk'a k'ajapp'a hoo dʌnʌisijim hanaabá, monakk'a. Mag hich monaaubapäaiwai honegau Hẽwandamag, “Hẽwandam, hĩsin chadau pua mʌ hʌ̈uta habarm. Pʌjö jua t'eegk'am chan mʌg jẽb gaai chuk'um. Hʌ̈u habarmgui” hajim hanʌm.

San Lucas 13:13 Iomraidhean Croise

San Mateo 9:8

Magbarm oowia aig narr khʉʉn dauderraa nʉisijim anʉm. Mag nʉm iekhau warag Ẽwandamagta, “Ʉuhcha jãgbarm, Ẽwandam. Jãan pʉch jua theegauta mʉg wounag jãgpibarm” ajierram aajem.

San Marcos 16:18

Nemkhõr benen paraam gaai juau pʉrbaawai khaakhiinjã bʉ̃ʉrjã chig abaju. Õor thõojem pakher khãijã õrau dopipʉiwiajã bʉ̃ʉrjã chig abaju; mag nʉm dʉi ĩchab õor mor masim khʉʉn kõit Ẽwandamag jeeunaa am gaai juadamau pʉrbarmuapai monaaupʉimaju a jaaujim aajem. Mua pãrag mag nem waupi chirʉmʉn, mag pãachdeu wau nʉm gaaimua õraujã mʉ iekta pãrau jaau nʉm khap amkhĩraugui ajim aajem.

San Marcos 5:23

chaigpamamua, —Mʉ khaan parba jã eemuapai kherʉmta oo pʉajim, mʉ di aar marraugui ajim anʉm. Mua khaphʉ chirʉm, puata mʉ kha jua pʉrmʉn ʉu i peerdʉ aujugui ajim anʉm ich Jairoou.

San Marcos 6:5

Mag warag maig chan Jesuu õor mor masi narr khʉʉn thum jua pʉrbajim aajem, amachdeu mag irua jaau sim ʉkhaba arr gaaimua. Daudam khapan khaba ichdeu jua pʉrtarr khʉʉnpai monaaupʉijim aajem.

San Marcos 8:25

Magbaawai deeu Jesuu i dau eudam aaithʉ aaithʉnaa irig, —Deeu dau ẽe oobá ajim anʉm. Magbaawai chadcha deeu dau ẽe oobarau warre warp dawaa ich mag oo sĩsijim anaabá.

San Lucas 13:12

Jesuu mag oo athaawai dau ee aug khaugwia, i thʉ̃r aunaa irig,

San Lucas 18:43

Jesuu magbarm bʉrre chadcha dau eerdʉ sĩsiwia ich bi eem daujo daujã ajaug sĩsijim anaabá. Magbaawai warag i dʉi mamua onee Ẽwandamag jeeumamua, —Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum a ijẽjẽbag majim aajem. Jesuu mag woun dau monaaubarm oobaawai ĩchab mag õor khapan thʉnarr khʉʉnaujã Ẽwandamag jeeumamua irig “Ʉu ajim” ajierram aajem.

San Lucas 4:40

Maimua edau kheubaadeewai aaunaan paraa arr khʉʉnau amach aaunaan khamor machagpierr Jesús aig aubeemajierram aajem. Magbaawai Jesuu chi mor masim khʉʉn gaai pʉr oomamuapai thum monaaupʉimajim aajem.

Hechos 9:17

Maach Por Jesuu ichig magbaawai Ananías chadcha petajim aajem. Mag mawia, Saulo sim deg dubimawia, i ʉ̃r jua ausĩunaa irig, —Khodam Saulo, maach Por Jesús ar pʉ dʉi khʉd ee thẽutarrau mʉ pʉ aig pʉijimgui ajim anʉm, deeu ũmaai dau eerdʉbaadem dʉi ĩchab Ẽwandam Akhaarpa pʉch gaai phẽs wai chirsimkhĩir.