San Lucas 13:11 - Wounaan Meu

¹¹ Maig ʉʉi ãb sĩejim aajem. Mag ʉʉi mor machpawia dieciocho años sĩi jã bʉreu khitaajeejim anaabá, ben khaigbam i mor ee dubwia. Magtarr aigmua pod bʉ̃ʉrjã phõ khajapha thʉrrkhaba ich mag khitaajeejim anʉm.

Woun Meu

¹¹ Maig hʌʌi hãb sĩejim haajem. Mag hʌʌi mor machpawia dieciocho años sĩi jã bʌrëu k'itaajeejim hanaabá, bën k'aigbam hi mor hee dubwia. Magtarr haigmua pöd bʌ̃ʌrjã p'õ k'ajap'a t'ʌrrk'aba hich mag k'itaajeejim hanʌm.

San Lucas 13:11 Iomraidhean Croise

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

San Marcos 9:21

Ich dakhĩir magbaadeewaita Jesuu chi ayag, —¿Pʉ chaai jãg beneu barbaaderr ya dʉrrʉʉ sĩwi? ajim anʉm. Magbaa chi ayau, —Jãan ich bʉ̃rʉʉ khitʉwe ich jãg baarjemgui ajim anʉm.

San Lucas 13:12

Jesuu mag oo athaawai dau ee aug khaugwia, i thʉ̃r aunaa irig,

San Lucas 13:16

Pãrau pãach nemchaainjã mag do dopi khʉrrkha nʉmta, ¿khan jãgwia mʉg ʉʉi ĩchab warrgar jooi Abrán khararrau ʉkhaajerr ag Ẽwandam gaai ʉkha simta pod i monaauju khaba sĩ, jua ʉ̃ʉijem ed awia? Jãg sim aig ijã ĩchab dieciocho años meperau i pʉrnaa o jʉ̃ wai simjo simta ẽerpʉi nʉm khabahab ajim anʉm, jãg beneu i ogdʉpʉimkhĩir.

San Lucas 21:28

Mamʉ pãachdeu mamagkham oophobaadeewai warag onee abat. Magbaadeewai ya pãrau khaphʉ nʉmgui ajim anʉm, chikham jua ee pãach dau aphʉʉ wenʉrrʉm ee Ẽwandamau ya pãach peerdʉ auwimʉʉ pam.

San Lucas 8:2

maimua ĩchab ʉʉin ichdeu am mor eem mepeen jʉr werpnaa sĩi khajapham khamor machagau sĩsid arr monaaukhapʉimatarr khʉʉnjã agjo. Chi ʉʉin mag i dʉi wenʉrrarr khʉʉn, dau ãb María ajim aajem ĩchab am den Magdalena aajerr. Ich mag ʉʉi mor eem ajim aajem Jesuu mepeen siete jʉr werptarr.

San Lucas 8:27

Mag Gerasa durr barimawia Jesús durrpabaadeewai i khĩirphee woun ãb phobor eemua oberchejim aajem. Mag woun ich warrgarwe dosãt beneu sĩpwia ich mag bar nʉrraajeejim anaabá. Mag gaaimua nawe degmua mawi, tag degjã khaba, ãba ujã ʉ̃rpai khãinaa, khajũa kharraa ich mag sĩerrajim aajem.

San Lucas 8:43

Mamʉ õor pom mag thʉnʉm ee, ĩchab ʉʉi ãb sĩejim aajem, doce años sĩi phõmieu bar sim. Mag ʉʉirau ich phatkhondam thum gastaapʉiwia sĩejim anaabá, doctornaanag ich ewaupi simua. Mamʉ ãbmuajã pod i monaau auba aajeejim aajem.

Hechos 3:2

Mag Aai i jeeujem deg dub nʉm puertdi aigcha ed eepierr woun ãb aphʉʉ khitʉm jup kheeujeejim aajem. Mag woun bi eewe bʉ ãkhãraa khitʉmta thaabatarr aawai podjã ich appai dʉrdʉr aba, sĩi õrauta jiir aubeewia mag puertdi “Chi Ooimʉg” anʉm aig juppi sĩiujeejim aajem, õor ag ee dub nʉm khʉʉnag phatkhondam jeeumkhĩir.

Hechos 4:22

Mag chi bʉ ãkhãraa khitarr Ẽwandam jua theegau monaauwai cuarenta años atcha sĩejim aajem.