San Lucas 13:1 - Wounaan Meu

¹ Ich mag ed gaai ĩchab ãaur khʉʉn ich Jesús sim aig beewi irig nem ĩgkha naaichejim aajem. Mag ĩgkhamamua irig, —Galileapien Aai i jeeujem deg nemchaain khechwia phaa nʉmua agua Ẽwandamag amach khaibag chugpaapi jeeu naajimgui ajim anʉm. Am mag Ẽwandamag jeeu durrumta, am aig Pilato soldaaun beewia sĩi am khechpʉichejim aajemgui a jaau naaichejim aajem.

Woun Meu

¹ Hich mag hed gaai hĩchab hãaur k'ʌʌn hich Jesús sim haig bëewi hirig nem hĩgk'a naaichëjim haajem. Mag hĩgk'amamua hirig, —Galileapien Haai hi jëeujem deg nemchaain k'ëchwia p'aa nʌmua hagua Hẽwandamag hamach k'aibag chugpaapi jëeu naajimgui hajim hanʌm. Ham mag Hẽwandamag jëeu durrumta, ham haig Pilato soldaaun bëewia sĩi ham k'ëchpʌ̈ichëjim haajemgui ha jaau naaichëjim haajem.

San Lucas 13:1 Iomraidhean Croise

San Mateo 27:1

Maimua ya ãspabaadeewai phadnaan chi pornaan judionaan tagam khʉʉn agjo chi thethem khʉʉn dʉi biirdʉnaa deeu iekhawi warre Jesús thõopʉiju khĩirju phobaadejim aajem.

San Mateo 27:2

Mag amach ap iekhawi, jʉ̃gadau jua bʉʉrkhanaa, Pilatoota Romaam reíu pʉiwia gobernadorkha sĩerr aawai, irigta thõopi jaaumkhĩir i aar arrjierram.

Hechos 1:11

Mag dʉnʉʉutkhachewia amag, —Keena, ¿khanta ʉ̃gthaag jãg eerpa dʉnʉnʉidʉ nʉma? aichejierram anʉm. Jesús ya ʉ̃gthar petabahab. Mamʉ ar jãg pãrau i mam oo naabá; ich jãg pãachdeu oo nʉmjo ũmaai deeu i beebajupa ajierram anʉm amag, mag chi khajũa bäpphä jũa sĩsid arr khʉʉnau.

Hechos 2:7

Mag ũrwia sĩi warag dauderraa nʉmua amach wir aigpai jejeeu aajeejim aajem, amach khapeenag. Mag jeeu nʉmua, —Keena, ar jãg durr chaauram meupa iekha nʉrrjeem khʉʉn, ¿jãkhʉʉn amach thum Galileapien khabá?

Hechos 5:37

Magtarr khur õor khapanag khap aag õor thʉ̃r phãkha nʉm jaarjã, Judas chi Galileapierr agjo aadewi phoborpien pom ichig paa aujimgui ajim anʉm. Mamʉ mag nʉrrawia agjo thõobpäaiwai thum i dʉi wenʉrraajerr khʉʉn sĩi aaidʉjierramgui ajim anʉm chi Gamalielau.