San Lucas 12:48 - Wounaan Meu

⁴⁸ Mamʉ ãbmuata khaugba aawai nem khaigba waumʉn, Ẽwandamau i gaai mas ab khaba mas ajup mamʉ, agpierrpai deejugui ajim anaabá. ¿Pãrau oowai ar nem dʉrrcha deetarrag agjo ich deetarrpierr dʉrrcha jeeuba aajẽ? ajim anʉm. Mua pãrag magkhimgui ajim anʉm: Thumaam khʉʉnau Ẽwandam athee nemdam bʉ̃rʉʉm awiajã wauju aai nʉm. Ar chi ʉ̃rʉʉcha wauju khaphʉ nʉm khʉʉnag irua ich agpierr dʉrrcha jeeujem. Maimua ar ich athee nem dʉrrcha wauju podba nʉm khʉʉnag irua agjo ich agpierr bʉchkhunpai jeeujemgui a jaaumajim aajem.

Woun Meu

⁴⁸ Mamʌ hãbmuata k'augba haawai nem k'aigba waumʌn, Hẽwandamau hi gaai mas hab k'aba mas hajup mamʌ, hagpierrpai deejugui hajim hanaabá. ¿Pãrau hoowai har nem dʌ̈rrcha deetarrag hagjö hich deetarrpierr dʌ̈rrcha jëeuba haajẽ? hajim hanʌm. Mua pãrag magk'imgui hajim hanʌm: T'umaam k'ʌʌnau Hẽwandam hat'ee nemdam bʌ̃rʌʌm hawiajã wauju haai nʌm. Har chi hʌ̃rʌʌcha wauju k'ap'ʌ nʌm k'ʌʌnag hirua hich hagpierr dʌ̈rrcha jëeujem. Maimua har hich hat'ee nem dʌ̈rrcha wauju pödba nʌm k'ʌʌnag hirua hagjö hich hagpierr bʌchk'unpai jëeujemgui ha jaaumajim haajem.

San Lucas 12:48 Iomraidhean Croise

San Mateo 13:12

Mag khãai ar chi thãar onee ũrm khõsi ũr nʉm khʉʉnagta Ẽwandamau warag khĩirjug deeju, ich iek khapcha amkhĩir. Mamʉ ar mag nem waumapha nʉm khʉʉnag chan deeba, warag am jua eem khecheu aumaju ajim.

San Mateo 23:14

’¡Eh, apdurr, pãar chi machnaan dʉi Moiseeu phã pʉarr iek ajapcha ʉʉrkhaajem aajem khʉʉn! Pãraun sĩita khoopaa ʉʉin juagam nemdamjã khechthʉg aumaajerramgui ajim; magnaata seukha warag am kõit Ẽwandamag jeeu nʉʉ aajerram, juau ogthom pãach magba nʉm amkhĩir. Mamʉ pãach jãg nʉm paar jũrr Ẽwandamau ĩchab pãar gaai jua khʉabajugui a jaaujim.]

San Lucas 12:41

Magbaawai Pedroou Jesuug, —Señor, pua mag jaau sim, ¿maragpaita pua jaau chirʉ́, wa thumaam khʉʉnagwa? ajim anʉm.

San Lucas 12:49

’Mʉʉn mʉg jẽb gaai õor durrum khʉʉn ee mʉch iekta phũak phuu wejom ee õtdau dʉrbapʉimjo apienta beejimgui ajim anʉm, ich Jesuu. Ya mag õtdau pa sim, mamʉ mʉchdeu khõsi chirʉmjo warag uu pa jẽerdʉmaa akhiin ajapcha akhamgui ajim anʉm.

San Lucas 16:2

thʉ̃rpʉiwia irig magjim anʉm: “¿Khan ajaugta mua ũurwai mag pua bʉ̃ʉrjã mʉ nem aair aba chirʉm anʉ́ma? Mʉ iekhau nauwe jopkhaa pʉchdeu nem waaujem thum phãkhanaa mʉrʉg oopibá” ajim anʉm, “mua khap aag. Mag oopiwia warre pʉdeu sĩiubaad, tag mua pʉ igbam” ajim anʉm ich khĩircha.

San Juan 15:22

’Mʉ beebanaa mua amag bʉ̃ʉrjã mʉʉta Ẽwandam Iewaau anaa am peerdʉ aujujã jaauchebamuan, amachdeu mʉ isegtarr gaaimua Ẽwandam dʉi am iekkhõr chukhu naakhamgui ajim. Pari mua amag mʉch meerba jaautarrta amau mʉ isegtarr aawai ãbmuajã khaugba aawaita mʉ iek ʉkhabajim aju khaba simgui ajim.

Hechos 17:30

Warrgarin õrau mag amachdeu nem wau nʉmjã khaugbam gaaimuata mag nem parhooba waunaa agʉmʉg jeeuwaijã Ẽwandamau sĩi ãwaatjeejieb mamʉ, ĩs chan ya tag mag khabamgui ajim anʉm.

1 Timoteo 1:11

Mua mag nem ajaphamta waupi sim a chirʉm chan mʉch iekpaijã khaba, jãan ich Ẽwandam õor dʉi ajaug khitʉmuata mʉrʉg jũrr jaaumkhĩir jaautarrau. Magua mua maach peerdʉajem iek jaau chitʉmpierr ich magta jaau chitʉm.

1 Timoteo 1:13

Muan warran Cristo eugar khaigba iekha chitajim; magnaa i iek ʉkha nʉm khʉʉn khaibag wawaag am ẽudeejã ẽkhanaa ich Cristo thʉ̃rcha thʉ̃rthʉ̃rnaajã ĩchab i wau iekhakha aajeejim. Mag chitarr ãba, Ẽwandamau mʉ dau aug khaugjim, agtha i iek ʉkhaba chirʉm gaaimuata mʉch mag chitʉmjã khaugba chitaajerr aawai.

1 Timoteo 6:20

Timoteo, ãbmiecha mua pʉrʉg jaaukhim: Ẽwandamau pʉrʉg ich iekta jaaupitarr aawai pʉ phidagan ãba i iek jaau nʉmʉu. Khĩir khaphʉ chitá. Oob sĩi jãg Ẽwandam i awia amach eepai bʉ̃ʉr abarm gaaimua iek phithurg aadep aajem khʉʉn dʉi sĩi par pʉch iphithur iyʉʉ chitam. Jãgʉm khʉʉnaun par khaugbamta khaphʉm khaphʉm awia jãg sĩerrjeem.

Tito 1:3

Magtarr aawai ya ĩs ewag pawiata õrau i iek jaau durrum gaaimua mag iek thumaam khʉʉnau ajapcha khakhapdo pamam. Magua mua ich mag iekta jaau chitʉm, mag jaaumkhĩirta Ẽwandam maach peerdʉajemua mʉ jʉr auwi pʉitarr aawai.

Santiago 3:1

Hermanonaan, oob thumaam khʉʉnau Ẽwandam iek jawaag maestronaan khaju appaita khĩirjumiet. Pãrau khaugba narr khai, khap abat: Maach chi maestronaankha nʉm khʉʉnta maachdeu deeum khʉʉnag jaau nʉmjo agpierraa khaba wenʉrrʉmʉn, maach gaaita Ẽwandamau jua khʉabacha deeju.