San Lucas 12:41 - Wounaan Meu

⁴¹ Magbaawai Pedroou Jesuug, —Señor, pua mag jaau sim, ¿maragpaita pua jaau chirʉ́, wa thumaam khʉʉnagwa? ajim anʉm.

Woun Meu

⁴¹ Magbaawai Pedroou Jesuug, —Señor, pua mag jaau sim, ¿maragpaita pua jaau chirʌ́, wa t'umaam k'ʌʌnagwa? hajim hanʌm.

San Lucas 12:41 Iomraidhean Croise

San Marcos 13:37

Cha mua pãrag mag jaau chirʉm chan sĩi pãragpaijã khabam; maan thumaam khʉʉn itheeta mag jaau chirʉmgui ajim anʉm. Maguata muan pʉaba, khĩir khaugbathʉ̃ a chirʉmgui ajim anʉm, mʉ beewaim ithee.

San Marcos 14:37

Mag jeeu sĩewi am aig beewi oocheewai am khãi nʉmta oochejim anaabá. Magbaawai jũrr Simonagta, —Pʉʉn sĩita khãi chirabma. Pʉ chan oradam ãbjã pod daukhana aju khabahab ajim anʉm.

San Lucas 12:47

Magua pãade mʉ iek ũrbat ajim anʉm: ãbmua khãijã ich patronau ichig nem jaau pʉatarr khaphʉ simta, degolp ich oochejujã khĩirjuba, ni bʉ̃ʉrjã irua nem khõsim nemjã waubamʉn, mag patronau ich beem ed i gaai mas deejugui ajim anʉm, bʉ̃ʉrjã dau aug khaugba. Ich agjota ajugui ajim anʉm ĩchab Ẽwandamau, ar ajapha wenʉrraju khaphʉ nʉmta nem khaigba waaujem khʉʉn gaai.

San Lucas 12:48

Mamʉ ãbmuata khaugba aawai nem khaigba waumʉn, Ẽwandamau i gaai mas ab khaba mas ajup mamʉ, agpierrpai deejugui ajim anaabá. ¿Pãrau oowai ar nem dʉrrcha deetarrag agjo ich deetarrpierr dʉrrcha jeeuba aajẽ? ajim anʉm. Mua pãrag magkhimgui ajim anʉm: Thumaam khʉʉnau Ẽwandam athee nemdam bʉ̃rʉʉm awiajã wauju aai nʉm. Ar chi ʉ̃rʉʉcha wauju khaphʉ nʉm khʉʉnag irua ich agpierr dʉrrcha jeeujem. Maimua ar ich athee nem dʉrrcha wauju podba nʉm khʉʉnag irua agjo ich agpierr bʉchkhunpai jeeujemgui a jaaumajim aajem.

1 Pedro 4:7

Ya Ẽwandamau mʉg durr i agkhaimʉʉ pam. Mag maach oju gayaa pamaawai sĩi donnaanjo nem parhoob wauba, ãba Ẽwandamagta jeeu nʉʉ abat.

1 Pedro 5:8

Khĩir khaphʉ abat: Meperan khumau nem pʉr aum ig sim aig sĩi jĩerrbʉgthʉ aadephʉmjota sim maach bigaau, maach pekau ee burrpiju ẽkhaawai.