San Lucas 12:18 - Wounaan Meu

¹⁸ Mag khĩirju oo sĩi awiata, “Ãa” ajim anʉm ich appai. “Jãgan mua mʉch khoju nem ãkhaajem di jãg thʉnʉm thu werppʉiwia deeumta jũrr nem dapag eukha aujugui” ajim anʉm, “khoojem nemjã thum dʉrr awia juagam nempa thum ãba dʉrr amkhĩir.

Woun Meu

¹⁸ Mag k'ĩirju hoo sĩi hawiata, “Hãa” hajim hanʌm hich happai. “Jãgan mua mʌch k'öju nem hãk'aajem di jãg t'ʌnʌm t'u wërppʌ̈iwia deeumta jũrr nem dapag hëuk'a haujugui” hajim hanʌm, “k'oojem nemjã t'um dʌ̈rr hawia juagam nempa t'um hãba dʌ̈rr hamk'ĩir.

San Lucas 12:18 Iomraidhean Croise

San Mateo 6:26

Pãade ar nemchaaindam edjã ee ũrr phophog aajem khʉʉn oobat. Am phidkhajã phidkhaba aajeewai amach phathaudam ãkhaagjã di chukhu nʉm. Mag phidkhaba sĩi naajeeb mamʉ, maach Aai ʉ̃gthar chiraajemuata amag phathaudam daumeraa dee wai simua am khee wai sĩejemgui ajim anʉm. Magʉm pãar chará nemchaain jãg thʉnʉm khãaijã ʉ̃rcha balee naawai, ¿jãga irua bʉ̃ʉrjã pãrag ooba abarju? a jaaumajim anaabá.

San Lucas 12:17

Magbaawai khĩirju oo sĩi awia ich wir aigpai, “¿Mua jãgata abarkhiina?” ajim anʉm, “ya mʉg mʉ nem ãkhaajem dijã phẽu thʉnʉm.”

San Lucas 12:19

Ya mag eu aaipagkhanaa ãba paa thʉnʉisiewain chadau sĩi año khapan phithurg chukhu ag eempai au kho chirsijugui” ajim anʉm. Maimua, “¡Joo! Magbaawain chad mʉg woun sĩi degpai jua ʉ̃inaa, mʉchdeu khom aig thachjã khonaa, dodojojã biwaa dobaadee sĩi onee ajugui” ajim anʉm, ichdeupai ichig.

San Lucas 12:21

Mag nem ĩgkhaa ĩgkha opʉiwia jũrr aig narr khʉʉnagta, —Ich jãgta aajemgui ajim anʉm ĩchab, ar sĩi mʉg jẽb gaaipai phatkhon pom paarpawia, nem khĩir thum paraanaa, sĩi Ẽwandamag oobamjoo aajem khʉʉn.

San Lucas 12:24

Pãade khĩirjubat ajim anʉm, kuerrb jãga naajẽ. Am phidkhaba aajeewai amach thach khoju ãkhaagjã di chukhu naab mamʉ, am augcheba aajemgui ajim anʉm, ich Ẽwandamauta amag phathau deejeewai. Magʉm pãar chará nemchaain khãyaujã ajapcha naawai, ¿jãga irua pãrag ooba abarju?

San Lucas 18:4

Mag khoopaa ũan dau aphʉʉ ich aig udkhʉrrkhakhakhamjã bʉ̃ʉrjã i iek asekasmapha sĩi awia khãai ãb magjim aajem: “Mua chadcha Ẽwandam igbanaa mʉch khapeenjã ogkhaba chitab mamʉ,

San Lucas 18:6

Mag ĩgkha dichwia, ich Jesuupai jũrr amag, —Pãrau ũrjierramgui ajim anʉm, khan a iekhajĩ mag woun chi thethem nem khaibag sĩerrau.

Santiago 3:15

Jãgʉm khĩirjug chan Ẽwandamau dee sim khabam, jãan sĩi ich mʉig eegarm khĩirjugpaiu. Jã sĩi dosãt khĩirjug khabahab; ichdeuta õrag mag khĩirjupi sim.

Santiago 4:13

Pãar ar sĩi pãachdeu nem waum aig nem waaujem khʉʉn, mʉ iek ũrbat: Pãar iekhaawai, “Ĩs wa nan khãijã maach chum deeum phobor ee wetwi jũrr jamta año ãb phidkhaju” a iekhaajem, “phatkhon pom ganaag.”

Santiago 4:15

Jãg pãach juapaaupaita nem thum waaujemjo iekhaju khãai, ¿jãgwi pãrau sĩi, “Maach Por Ẽwandamau khõsnaa maach monakha wai simʉn, maachdeu khĩirju nʉmjo wauju” aba aajẽ?