San Lucas 12:11 - Wounaan Meu

¹¹ Pãachdeu mʉ iek ʉkha nʉm gaaimua õrau pãach pʉr auwia, pãar khĩir seukha iekhaag judionaan Ẽwandam iek jaaujem deg arrwia, chi thethem khʉʉn aarjã arrwai, oob “¿Jãgata mua iekhaagau?” wa pʉchig iekhabaawai, “¿Khan ata mua amag iekhaju?” a khĩirjumiet.

Woun Meu

¹¹ Pãachdëu mʌ hiek hʌ̈k'a nʌm gaaimua hõrau pãach pʌr hauwia, pãar k'ĩir sëuk'a hiek'aag judionaan Hẽwandam hiek jaaujem deg harrwia, chi t'et'em k'ʌʌn haarjã harrwai, hoob “¿Jãgata mua hiek'aagau?” wa pʌchig hiek'abaawai, “¿K'an hata mua hamag hiek'aju?” ha k'ĩirjumiet.

San Lucas 12:11 Iomraidhean Croise

San Mateo 23:34

Khaphʉ abat: Mua pãar ee mʉch i jaaumien pʉiwia khĩirjug khaugkham khʉʉnjã maestronaan dʉi pʉiju. Pari mag mua am pʉibaawai ãaur khʉʉn pãrau khechpʉiwia ãaur khʉʉn sĩi pakuls gaaijã bʉʉrnaa khechmaju; ãaur khʉʉn pãrau pʉrnaa pãach Ẽwandam iek jaaujem deg wʉjã wʉmaju; maagwai ãaur khʉʉn amach pʉr aupiba deeum phobor ee khãijã dʉr wenʉrraawai agpierr pãrau am ẽudee khoojem nem ẽudeemjo ẽkhaju.

San Mateo 6:25

Mag nem khĩir pogkhe jajawagmamua magjim anʉm ich Jesuu: —Oob pãrau “¿khani khoju wa khanta dojuuta maach mʉg nʉma?” a khĩirjumiet. Wa magbam khai, ya khajũa chukhu nʉm “¿Khani jũajuuta mʉg nʉmua?” a khãijã khĩirjumiet ajim anʉm. Pãarta nem khoojem nem khãaijã wajapchanaa khajũa khãyaujã Ẽwandam dau na ʉ̃rʉʉcha balee sĩsid aawai, irua pãrag oobamjoo abajugui ajim anaabá.

San Mateo 6:27

Oob atcha pãachdeu nem ig nʉmta khĩirju nʉʉ amiet. Mag pãrau pãachdeu khõsimta ig nʉʉ akhiinjã, ¿khaíuta mʉg nʉm aig mag ichdeu khĩirju sim gaaimuapai ich meeju arr ʉ̃r oradam ãbpai khãijã ich iiupiju aai sĩ? ajim anʉm.

San Mateo 6:28

’Mag nʉmta khajũa chukhu aawaijã ¿khanthee atcha khĩirju nʉʉ aajẽ? Pãade ar pamaardam ooihmʉ thʉnaajem khĩirjubat. Amjã ĩchab bʉ̃ʉrjã phidkhajã phidkhaba, ni amach khajũa jũaju khĩirjuwia ẽkhakha nʉʉjã aba aajem.

San Mateo 6:31

Oob atcha “¿khanta khoogáwa?” wa “¿khanta doogáwa?” wa magbam khai, “¿khandamta jũabaraag khai?” amiet ajim anaabá.

San Mateo 6:34

Oob atcha “¿Khanta nan khobarju wa khanta jũabarju?” a khĩirjumiet. Ag nawe khĩirjuwiajã par khabahab ajim anʉm. Phithurgan ãspapakhampierr oojem. Magua maadeu ag nawe khĩirjuba awiajã, ichiita maadeu nem ig nʉm chan chuk khabajugui ajim anaabá, magʉm khĩirjuju aag.

San Lucas 12:22

Maimua mag ich dʉicha ogdʉba wenʉrraajerr khʉʉnagta, —Mua pãrag jaaukhimgui ajim anʉm: Oob pãrau “¿khani khojuuta maach mʉg nʉma?” awia okhĩirjuu amiet. Wa magbam khai, ya khajũajã chukhu nʉm, “¿khani jũajuuta mʉg nʉma?” a khãijã khĩirjumiet ajim anʉm.