San Lucas 12:10 - Wounaan Meu

¹⁰ ’Amach mʉg jẽb gaai nʉweran amau mʉch chi Emkhooi Iewaa igwia khaigba iekhawiajã amach khaibag Ẽwandamag chugpaapi jeeubaawai ʉu chugpaapʉiju. Mamʉ pekau ãb simgui ajim anʉm, maan mua Ẽwandam Akhaar jua theegau nem wau chitʉm oo nʉmta warag mepeer gaai thʉ nʉmʉu. Mag pekau chan Ẽwandamau bʉ̃ʉrjã khĩir okhoobamgui ajim anʉm, i Akhaar igwiata mag iekha naawai.

Woun Meu

¹⁰ ’Hamach mʌg jẽb gaai nʌweran hamau mʌch chi Hemk'ooi Hiewaa higwia k'aigba hiek'awiajã hamach k'aibag Hẽwandamag chugpaapi jëeubaawai hʌ̈u chugpaapʌ̈iju. Mamʌ pekau hãb simgui hajim hanʌm, maan mua Hẽwandam Hak'aar jua t'eegau nem wau chitʌm hoo nʌmta warag mepeer gaai t'ʌ nʌmʌu. Mag pekau chan Hẽwandamau bʌ̃ʌrjã k'ĩir hok'oobamgui hajim hanʌm, hi Hak'aar higwiata mag hiek'a naawai.

San Lucas 12:10 Iomraidhean Croise

San Lucas 23:34

[Maagwai pakuls gaaimua Jesuu, —Tata, õrau mʉ dʉi mʉg nʉm ideu sĩi ich jãg khĩir okhoobapʉi. Amau amachdeu nem wau nʉmjã khaugba naawaita mʉg mʉ dau aphʉʉ wau nʉm aajeejim aajem.] Maagwai chi soldaaunau amach appai, “Magan ¿khaíuta chi khajũa jʉ̃aju khai?” awia, mokdaudam bar nʉmua gan aumajierram aajem.

1 Timoteo 1:13

Muan warran Cristo eugar khaigba iekha chitajim; magnaa i iek ʉkha nʉm khʉʉn khaibag wawaag am ẽudeejã ẽkhanaa ich Cristo thʉ̃rcha thʉ̃rthʉ̃rnaajã ĩchab i wau iekhakha aajeejim. Mag chitarr ãba, Ẽwandamau mʉ dau aug khaugjim, agtha i iek ʉkhaba chirʉm gaaimuata mʉch mag chitʉmjã khaugba chitaajerr aawai.

1 Juan 5:16

Ãbmua khãijã dich khaperau pekau wau sim oomʉn, i kõit Ẽwandamag jeeuju aai sim; majã juau ogthom khĩmie durr ich barpʉimkhĩirjo Cristo ichaaur nem jaau nʉrraba sim khai mamʉ. Mag i kõit jeeumʉn, Ẽwandamau iiupi auwia ich denkha auju, ich mag ich dʉi wai nʉrraag. Ẽwandamau podba aawai khabam, pari pogkha õrau pekau wau nʉm irua chugpaaba aajem, mag amach barpʉimkhĩirjo Cristo iek khaphʉ nʉmta juau ogthom i ichaaur nem jaau wenʉrraawai. Magʉm pekauta wau nʉm kõit chan mua pãrau jeeuju aai nʉm aba chirʉm. Magʉm paran pãrau parta jeeuju, ichiita Ẽwandamau isegju aawai.