San Lucas 11:9 - Wounaan Meu

⁹ Ich jãgta aajemgui ajim anʉm agjo Ẽwandamag jeeuwaijã. Magua mua pãragjã pʉaba jeeubat a chirʉm. Magta pʉaba jeeu nʉmʉn, pãachdeu nem igbarm irua deeju. Pãrau i jʉrmʉn, i baauju. I sim aar dubaag pãach weeu aupi jeeumʉn, irua pãar weeu auju.

Woun Meu

⁹ Hich jãgta haajemgui hajim hanʌm hagjö Hẽwandamag jëeuwaijã. Magua mua pãragjã pʌaba jëeubat ha chirʌm. Magta pʌaba jëeu nʌmʌn, pãachdëu nem higbarm hirua deeju. Pãrau hi jʌrmʌn, hi baauju. Hi sim haar dubaag pãach weeu haupi jëeumʌn, hirua pãar weeu hauju.

San Lucas 11:9 Iomraidhean Croise

San Mateo 21:22

Mag pãachdeu jeeubarmjo aju khaphʉnaata pãach nem jeeuwaijã jeeumʉn, pãachdeu jeeubarm nem pãrau paarpaju a jaaujim marag.

San Mateo 21:31

Mag nem ĩgkhaadam jaauwia, aig ũr narr khʉʉnag jũrr, —¿Chijãgua pãrau oowai ich ayau khõsi sĩerrjo i ipierraa ajĩ? a jeeujim ich Jesuu. Magbaa, —Chi iewaa chi jooirau ajierram, chi cuento ũr narr khʉʉnau. Magbaa deeu ich Jesuupai iekhakhagmamua, —Roma durram gobierno athee debpaar jeeujem khʉʉn chi khaigbam khʉʉnta ʉʉin amach durpa theegau parhooba sĩerrjeem khʉʉn dʉi pãar khãai ʉ̃gtharcha oberjugui ajim.

San Mateo 6:29

Mag naab mamʉ õor ãbmuajã am dʉi barba aajem, ooimʉg athee. Warrgar rey Salomón khararraujã phatkhon pom paraanaa nem wajapham pom paraa aajerraujã pamaardam ooimʉgjo chan pod khajũa jũaba aajeejimgui ajim anʉm.

San Marcos 11:24

Maimua ĩchab, —Pãachdeu Ẽwandamag nem ig nʉm jeeuwai chadcha irua pãachig deeju khaphʉnaa ya pãach jua ee wai nʉmjota jeeumʉn, magan chadcha irua pãrag pãachdeu nem ig nʉm deeb khaba deejugui ajim anʉm.

San Marcos 13:37

Cha mua pãrag mag jaau chirʉm chan sĩi pãragpaijã khabam; maan thumaam khʉʉn itheeta mag jaau chirʉmgui ajim anʉm. Maguata muan pʉaba, khĩir khaugbathʉ̃ a chirʉmgui ajim anʉm, mʉ beewaim ithee.

San Lucas 11:10

Pãrau khaphʉ nʉmgui ajim anʉm, ar õor nem jeeu paraam khʉʉnagan nem deeb khaba deejem. Ar amachdeu nem inag ig nʉm pʉaba jʉr nʉm khʉʉnau baaujem. Maagwai ĩchab chi puertdi sirbaichem khʉjã weeu auwia dubpiejem.

San Juan 14:13

Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

Romanos 2:7

Ar ʉ̃gthar oberwia bʉ̃ʉrjã meeba ich mag wajapha wenʉrraju khĩirju nʉm dʉi Ẽwandamagta amach tho iyʉʉ apim khõchgau warag nem wajapham appai wauju ẽkhaajem khʉʉnan, irua ich denkha auju, ich mag ich dʉi wenʉrramkhĩir.

2 Corintios 6:2

Ẽwandamau ich iek phã sim gaai jaauwai, “Mʉchdeu ũrju arr dʉicha jeeubaawai mua pʉ iek ũrjim” a sim; maimua “mʉchdeu õor peerdʉ auju edcha jeeutarr aawai ʉu pʉ khaigper aujim” a sim. (Is. 49:8) Magua ĩsta pãrau irig pãach peerdʉ aupi jeeumʉn, ĩsta chadcha irua pãar peerdʉ auju edau.

Hebreos 11:6

Mamʉ maachta wajapha Ẽwandam iek ʉkhaba nʉm chan pod i dau na ajapha khaba nʉm. Ẽwandamta dich dʉi sĩepim khõsi chirʉmʉn, khaphʉ aju aai sim, í chadcha iiu sĩejeewai chadcha mag ich jʉr nʉm khʉʉnagjã irua ich khaugpinaa am dʉi ajapha aajem.

Hebreos 4:16

Maach kõit iekhaajemua mag maach dau aug khaaugjem khaphʉ naawai bʉ̃ʉrjã ogkhaba warag Ẽwandam thumaam khʉʉn Porkhanaa thumaam khʉʉn dʉi ajapha khitʉmta jʉrju aai nʉm irig jeeu nʉmua, pekau ee burrjojoo aadephʉm aig i iigwaijã ʉu irua maach dau aug khaugwi maach khaigpermkhĩir.

Santiago 1:5

Mamʉ magʉm prueba ãwataag pãar ee iwiir ãb khãijã mag ich Ẽwandamau khõsimjo aju khaugba sim khai, ichigta jeeubat. Magbaawai irua khĩirjug deemamua khaugpiju. Ẽwandamau nem deewai chan maach denjo mag, “Mua khachpaita deejujã” aba, ni chikham khĩir phʉʉrnaajã nem deeba aajem.

Santiago 5:15

Mag pãachdeu jewaagpamjã chadcha monaauju khĩirjunaata jeeumʉn chi aaunaan chadcha Ẽwandamau monaaupʉiju. Mag monaaubapäaiwai ich pekau gaaimuata mag mor mas sĩerr khai, chi pekaujã chugpaapʉiju ich Ẽwandamau.

1 Juan 3:22

Magta irig jeeu nʉmʉn, maadeu ichig jeeubarm thum irua maachig deeju, ichdeu oowai maadeu i ipierraanaa irua nem khõsimpaita wau naawai.

Apocalipsis 2:24

Mamʉ i iek pãar ar dosãt iekta õrau amachdeupain chadcharam iek awi agʉg ee thʉnarr khʉʉn igar bʉ̃ʉrjã wetba arr khʉʉnag chan irua tag atcha nem waupi jaaubam aajem.