San Lucas 11:54 - Wounaan Meu

⁵⁴ mag amachdeu jeeu nʉm jũrr ich Jesuu ipeerdʉ khãijã jaaubapäaiwai magʉm gaaimua chi thethem khʉʉnag i pʉr deeg.

Woun Meu

⁵⁴ mag hamachdëu jëeu nʌm jũrr hich Jesuu hipeerdʌ k'ãijã jaaubapäaiwai magʌm gaaimua chi t'et'em k'ʌʌnag hi pʌr deeg.

San Lucas 11:54 Iomraidhean Croise

San Mateo 22:15

Pari mag irua nem ĩgkha sim amach jʉ̃gaagaa khaba aawai fariseonaan amach ap iekhawi ibepjierram aajem, jãga Jesús ich iekha sim gaaimuapai imeraa pʉr awaag awi irig jeeucheeg.

San Mateo 22:18

Pari Jesuu ya mag am ibepwi khĩirju nʉmjã khaphʉ sĩerr aawai jũrr ich garmua amag, —Pãraun pãach khaugbampii naabma, ¿khanthee pãrau jãg mʉ imeraa pʉr auju ẽkha nʉma? ajim.

San Mateo 22:35

ãb am eem Moiseeu ley phã pʉatarr jawaag chi mach ich Jesús aig beewi irig,

San Marcos 12:13

Magbaawai chi pornaanau Jesús aar fariseonaan pʉijierram aajem rey Erodes igar narr khʉʉn dʉi, makhʉʉnau i dʉi iyʉʉmamua nem jeeumam khãijã khaugba ipeerdʉ iekhabapäaiwai magʉm gaaimua i pʉr awaag ithee.

San Marcos 3:2

Maig naajim aajem ĩchab fariseonaan, Moiseeu Ẽwandam iek phã pʉatarr wajapcha ʉʉrkhaajem khʉʉn. Makhʉʉnau Jesuug bʉ̃ʉrjã dau thõba naajim anʉm, amach dakhĩir Jesuu jua ʉ̃ʉijem ed mag woun monaaubapäaiwai irig, “Jãgan pua chan jua ʉ̃ʉijem edjã ʉʉrkhabata chirab” a iekhaag, mag nʉm dʉi ĩchab magʉm gaaimua thethem khʉʉnagjã i khaibag waupi jawaag.

San Lucas 11:53

Jesuu amachig magbaawai, amach chi machnaan fariseonaanpa i dʉi meeukha phobaadejim aajem. Maimua warag i dʉi wetumua i thʉ awaag a i aig phẽeudʉ beenaa, jũrram khʉʉnau amachdeu khaphʉm irig jeeuphobaadejim anaabá,

San Lucas 20:20

Mag amach dʉita õor meeukhapiju khãai sĩi õor jʉr auwia chi Jesús sim aar pʉijierram aajem, makhʉʉnau chadcha khaugba aawaita irig jeeu nʉm awia jeeubaimaawai, jaauju khaugba ipeerdʉ khãijã jaaubapäaiwai, magʉm gaaimua gobernador aar i pʉr arraag.

San Lucas 20:26

Mag amachdeu jeeubaawai i ipeerdʉ iekhabarm gaaimuapai phithurg chukhu i pʉr awaan a beetarrta, warag ich garmua amachig mag jaaubarm ũrwia sĩi jʉ̃gderraa nʉm iekhau warag amachta khĩu nʉisijim aajem. Mag, pod i pʉr aubajierram aajem.

Hechos 23:21

Mamʉ oob am iek ʉkhamgui ajim anʉm. Chi mag iekha nʉm khʉʉn khapanag cuarenta atcha nʉmgui ajim aajem. Ich makhʉʉnta Pablo thõopʉibam aigjã thach khoba ni dojã dobaju a iekha nʉmgui ajim anʉm. Maimua sĩi amach iekhatarr podba meerkhabapäaiwai warag amachdeuta Ẽwandamag amach khaibag waupi jaauju aajem. Maagwai amachdeu ãba pʉ iekpaita ũr nʉmgui ajim anʉm. Pua amag mag arrpimʉn, magan khʉd jãrr sirphʉg ee nʉnaa mʉ naamjooi thõopʉiju aajem a jaaujim aajem chi chaairau.