San Lucas 11:51 - Wounaan Meu

⁵¹ Warrcha Abel thõotarr ed bag ãrtarr aigmua ewagjã khĩeb jooi Zacarías khararr Aai i jeeujem deg thõo naawai ãrtarr bagpa thum pãach gaaita pajugui ajim anaabá. Jã chan par okhoobam, ichiita Ẽwandamau pãrag jeeub khaba jeeujugui ajim anʉm.

Woun Meu

⁵¹ Warrcha Abel t'õotarr hed bag hãrtarr haigmua hewagjã k'ĩeb jöoi Zacarías k'ararr Haai hi jëeujem deg t'õo naawai hãrtarr bagpa t'um pãach gaaita pajugui hajim hanaabá. Jã chan par hok'oobam, hichiita Hẽwandamau pãrag jëeub k'aba jëeujugui hajim hanʌm.

San Lucas 11:51 Iomraidhean Croise

San Mateo 23:35

Pãach mag thʉnʉm gaaimua, warrgar Abel thõotarr aigmua ewag pawiajã õor Ẽwandam na wajapha durrarrta khechmatarr bag ãrtarr thum jooi Zacarías Berequías iewaa Aai i jeeujem deg thõo naawai bag ãrtarrpa Ẽwandamau thum pãach gaaita thʉpʉiju.

Hebreos 11:4

Pãade khĩir eyaa abat, jãga warrgar maach jooinaujã chadcha Ẽwandam iek ʉkhaajeejĩ: Magua Abelau Ẽwandam iek ʉkha sĩerr aawai Jooirau ichig jaautarrjo i athee nemchaai thõonaa irig jeeujim. Magtarr Ẽwandamau oowai, Caín den khãai ajapcha oberjim aajem. Magbaa Ẽwandamau, “Pua mʉ athee nemchaai thõonaa mʉrʉg jeeubarmʉn nem ajaug kherʉm; pʉʉn chadcha woun ajaphamʉu. Muan jãgta khõsi chirʉmgui” ajim anaabá Abelag. Chadcha Abel nachgarwe meejieb mamʉ, ĩs ewag pawi oowai Ẽwandam iek ʉkhanaa magtarr gaaimua maachigjã ich denjo ʉkhamkhĩirta magjim.

Hebreos 12:24

Mam ʉ̃gthar ich Jesujã dʉi sim aarta maach thʉ̃r sim, ar mag iek iiur deewai ich Jooirau jaautarrjo chadcha apieg ich bag ãrpitarr woun aar. Maadeu khaphʉ nʉm, mag i bag ãrtarr chan warr jooingar Abel thõowai bag ãrtarrjo khaba arr aawai, maach pekau chugpaawi Ẽwandam dʉi maach khõinaa apieg ajim. Mamʉ chi Abel bagau chan magba, warag ich naamta iekkhõr ee pʉajim Ẽwandam dʉi.

1 Juan 3:12

Magua maach chan pod Caínjo khaibag aju khaba nʉm. Cainau mepeer igarta sĩerr aawai ich eeum thõopʉijim. ¿Khan jãgwi irua mag ich eeum thõojĩ? Ichdeu nem khaigba wau sim daar ich eeumua ich khãai nem wajapha wau sim Ẽwandamaujã wajapha oo sĩerr gaaimuama.