San Lucas 11:49 - Wounaan Meu

⁴⁹ Jãgju khaphʉta Ẽwandamau ich khĩirjug ee ĩchab magjim: “Mua pãar athee õor pʉiju, mʉch i jaau wenʉrramkhĩir. Mag mua jʉr auwia pʉibarm khʉʉn ãaur khʉʉn khechpʉiwia ãaur khʉʉn ẽudee sĩi khoojem nem ẽudeemjo ẽkhaju” a jaaujim warrgarwe. Magtarr aawai ĩs ewag pawiajã chadcha pãar ich magta thʉnaabahab. Magua pãade mʉ iek ũrbat ajim anʉm:

Woun Meu

⁴⁹ Jãgju k'ap'ʌta Hẽwandamau hich k'ĩirjug hee hĩchab magjim: “Mua pãar hat'ee hõor pʌ̈iju, mʌch hi jaau wënʌrramk'ĩir. Mag mua jʌr hauwia pʌ̈ibarm k'ʌʌn hãaur k'ʌʌn k'ëchpʌ̈iwia hãaur k'ʌʌn hẽudee sĩi k'oojem nem hẽudeemjö hẽk'aju” ha jaaujim warrgarwe. Magtarr haawai hĩs hewag pawiajã chadcha pãar hich magta t'ʌnaabahab. Magua pãadë mʌ hiek hũrbat hajim hanʌm:

San Lucas 11:49 Iomraidhean Croise

San Mateo 22:6

Maimua ãaur khʉʉnau warag mag chi rey iek jaau wenʉrrarr khʉʉn pʉr aunaa parhooba am gaai mas waunaa warag khechpʉijierram anaabá.

San Lucas 11:48

Mamʉ mua pãrag jaaukhimgui ajim anʉm: Jãg nʉm aig pãrau, “Oobat Ẽwandam i jaaumien maar jooinau khechtarr. Mʉʉgwaijã agtha ich jãg wenʉrrʉm akhiin, maraujã agjo khechju nʉm” a jaau nʉm khabahab ajim anʉm. Magaagta pãar den warag am jã ʉ̃rjã nem ooimʉ waunaa sirppapiba aba aajeeb ajim anʉm, pãachdeu khechbajim awia.

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

Hechos 11:27

Ich mag jaar Jerusalenmua Antioquiaag Ẽwandam i jaaumien beejierram aajem.

Hechos 22:20

Esteban khararr pʉ iek jaau khitʉm gaaimua thõo naawaijã dʉi aig chirarr aawai mʉch ipaarmua thõopi jaaunaa mag chi thõo narr khʉʉn khajũajã mʉchdeuta thʉa chirajim. Mʉ mag chitarrauta ĩs jũrr mʉch garmua amag pʉ iek jaauwai, ¿amau ʉkhabaju khai?” a chirajim irig mʉch garmua.

Hechos 7:57

Mamʉ Estebanau magbarm ũrbaawai chará, i iekhamam ũrmaaugau, warag juau kach phãarphobaadejim anaabá. Magnaa thum ãba sereu phobaadewi warag irigta audimajierram anʉm.

Hechos 8:3

Am iek, magʉmich Sauloon sĩi nem khoojem ẽudeemjota ẽkha nʉrraajeejim anaabá, maach Por Jesús iek ʉkha durrum khʉʉn ẽudee ẽkhaawai. Mag nʉrrʉmua dipierr dubnaa, emkhooin dʉi ʉʉinpa ichdeu oomam khʉʉnan pʉrnaa, ajués eudʉdʉg arrwi, cárcel deg dubpʉimaajeejim aajem.

1 Corintios 1:24

Mamʉ par amau mag naawiajã, judionaanau wa judionaan khabam khʉʉnau awiajã ar ich Ẽwandamaucha thʉ̃r autarr khʉʉnagan mag Cristo cha marau jaau wenʉrrʉmta ich Ẽwandam jua theegau, aguata õor peerdʉ aaujeewai. Mag Cristo meebarmua maach peerdʉjuuta Ẽwandamau ag nawe khĩirju wai sĩerr aawai cha marau jaau nʉmjã chadcha ich Ẽwandam khĩirjugta jaau naabahab.

1 Corintios 1:30

Maimua pãachin chadau ich Ẽwandamauchata pãar Jesucristo bʉ ogdʉba phe wai sĩebma. Ich mag Cristo gaaimuata ĩchab maadeu Ẽwandam khĩirjug wai nʉm; i gaaimuata ya peerdʉwia sĩi pekau chukhu arrjo nʉm; i gaaimua ĩchab Ẽwandam iek ʉkha nʉmua warag bãau wetum; ich Jesucristo gaaimuata Ẽwandamau maach per autarrjo naawai i denkha nʉm; mag i denkha naawai ãba ichigpaita jeeupiejem.

Efesios 4:11

Mag ich Cristoouta ich jua theeg chi ʉkha nʉm khʉʉnag jigmaju atarr aawai chadcha ichdeuta ãaur khʉʉn ich iek durrpierr aaidʉ jaaujem khʉʉn khapijim, apostolnaan; ãaur khʉʉn sĩi ichdeu iek jaaumamta jũrr warm khʉʉnag chi jaaujem khʉʉn khapijim, profetanaan; ãaur khʉʉn sĩi maach peerdʉajem iek jaaumamua iita õrag amach thãar ee aupi jaaujem khʉʉn khapijim, evangelistanaan; maagwai ãaur khʉʉn ya ich iek ʉkha durrum khʉʉn pekau ee burrm ugua am thʉajem khʉʉn pastornaan khapinaa, ich iek jaau khaug amkhĩir maestronaan khapijim.

Colosenses 2:3

Ãba mag Cristo khaphʉ nʉm gaaimuata chadcha ichdeu nem waupim khõsimjã waau khaphʉ waaujem.

Apocalipsis 16:6

Amau pʉ chaain bag ãrwi pʉ i jaaumien bagjã ãrjierram. Magtarr aawai ĩs pua jũrr amag bagchata dopibaademgui” ajim. “Jũrr amau pʉrʉg ich agjo jãgta apim khõsi naabajieb amach dʉi” a iekhamajim.

Apocalipsis 18:20

Mamʉ warm khʉʉn mag bĩephoo thʉnʉm daar, ʉ̃gtharm magwe onee abat. Onee abat ĩchab Ẽwandam chaain, Ẽwandam i jaaumien, maimua ich i jaaumkhĩir ichdeucha jʉr autarr khʉʉnjã agjo onee abat. Ẽwandamau Babiloniapien dʉi jãgbarmua, jũrr pãarta irua dau ee aug khaugwi am gaaita mas dee sim khabahab, amachdeu pãach dʉi aajerrjo.