San Lucas 11:48 - Wounaan Meu

⁴⁸ Mamʉ mua pãrag jaaukhimgui ajim anʉm: Jãg nʉm aig pãrau, “Oobat Ẽwandam i jaaumien maar jooinau khechtarr. Mʉʉgwaijã agtha ich jãg wenʉrrʉm akhiin, maraujã agjo khechju nʉm” a jaau nʉm khabahab ajim anʉm. Magaagta pãar den warag am jã ʉ̃rjã nem ooimʉ waunaa sirppapiba aba aajeeb ajim anʉm, pãachdeu khechbajim awia.

Woun Meu

⁴⁸ Mamʌ mua pãrag jaauk'imgui hajim hanʌm: Jãg nʌm haig pãrau, “Hoobat Hẽwandam hi jaaumien maar jöoinau k'ëchtarr. Mʌʌgwaijã hagt'a hich jãg wënʌrrʌm hak'iin, maraujã hagjö k'ëchju nʌm” ha jaau nʌm k'abahab hajim hanʌm. Magaagta pãar dën warag ham jã hʌ̃rjã nem hooimʌ waunaa sirppapiba haba haajeeb hajim hanʌm, pãachdëu k'ëchbajim hawia.

San Lucas 11:48 Iomraidhean Croise

San Mateo 23:27

’¡Eh, pãar Moiseeu ley phã pʉarr ajapcha ʉʉrkhaajem aajem khʉʉn ag ley jawaag chi machnaan dʉi! Pãran sĩi õor aukhertarr jẽbdijota sĩsidʉm. Sĩi daaugajãrpai oowain wajapha jarnaa ooimʉ wau sĩsidʉm; pari mag sim ag ee ierr wa ookhiin, sĩi maach inaa pa appaita thuphãau nʉnʉidʉm.

San Mateo 23:31

Pari sĩi pãachdeu mag nʉmuapai pãrau pãachdeujã khaphʉ naabá, pãach mag warrgar Ẽwandam i jaaujerr khʉʉn khechmien chaainkha nʉm.

San Lucas 11:47

¡Eh, magʉm pãar chará! Pãar jooinauta warrgarwe Ẽwandam i jaaujerr khʉʉnjã khechbajieb ajim anʉm. Pãachdeucha khabajim, mamʉ pãar ya ĩs ewagam khʉʉn awia bʉ̃ʉrjã khĩethuupaijã khaba nʉmgui ajim anʉm. Amau beptarr jã ʉ̃rjã pãar den ajapha phʉnaa ooimʉ wau kher nʉmua pãach iiupain pãrau, “Mʉkhʉʉn joointa chadcha Ẽwandam i jaaujerr khʉʉnau” aajem.

San Lucas 11:49

Jãgju khaphʉta Ẽwandamau ich khĩirjug ee ĩchab magjim: “Mua pãar athee õor pʉiju, mʉch i jaau wenʉrramkhĩir. Mag mua jʉr auwia pʉibarm khʉʉn ãaur khʉʉn khechpʉiwia ãaur khʉʉn ẽudee sĩi khoojem nem ẽudeemjo ẽkhaju” a jaaujim warrgarwe. Magtarr aawai ĩs ewag pawiajã chadcha pãar ich magta thʉnaabahab. Magua pãade mʉ iek ũrbat ajim anʉm:

Romanos 1:32

Mag thʉnʉmʉn, amach mag nʉm paar jerrba Ẽwandamau khĩmie durr amach barkhʉʉiju khaphʉ nʉmta mag thʉnʉm. Pari magʉmta warag amach jua pʉaba, parhooba nem waunaa bigaaum khʉʉnau amach denjo waauwaijã magta khõsi thʉnʉm.

Santiago 5:10

Keena, pãade oobat: Warrgar Ẽwandam i jaaujerr khʉʉnjã maachjo chikhamnau dau aphʉʉ waunaa phithurg aupiejeejim, mamʉ magʉmjã ʉu amau ãwatpäaijeejim. Magtarr aawai maadeujã agjo am denjo jʉmju aai nʉm.