San Lucas 11:43 - Wounaan Meu

⁴³ Magnaa amag, Pãran pãach Ẽwandam iek jaaujem deg weetwaijã pãachta porgarcha thumaam khʉʉnag khĩir jʉrkha juupjerram, pãachta ajapcha nʉm awia. Maimua kaaijã ee weetwaijã thumaam khʉʉnau pãachig saludaa nʉmua pãach tho iekhapim khõsi sĩerrjeemgui ajim anʉm, õor dakhĩir.

Woun Meu

⁴³ Magnaa hamag, Pãran pãach Hẽwandam hiek jaaujem deg weetwaijã pãachta pörgarcha t'umaam k'ʌʌnag k'ĩir jʌrk'a juupjerram, pãachta hajapcha nʌm hawia. Maimua kaaijã hee weetwaijã t'umaam k'ʌʌnau pãachig saludaa nʌmua pãach t'ö hiek'apim k'õsi sĩerrjëemgui hajim hanʌm, hõor dak'ĩir.

San Lucas 11:43 Iomraidhean Croise

San Mateo 11:16

Mag iekhakhagmamua, maach Por Jesuu aig narr khʉʉnag, —Mua pãrag jaaukhimgui ajim anʉm, pãar jãga nʉm abarí. Magnaa, Pãar ar Juan isegwi mʉjã iseg nʉm khʉʉnan, chaain jemkha nʉmua amach khapeen dʉi khĩir auphobaademjota nʉmgui ajim anʉm. Warm khʉʉn garmua, “Maar dʉi karris sir nʉm gaai onee jemkhabahut” aawaijã jemkhamapha nʉm.

San Lucas 20:46

—Moiseeu Ẽwandam iek phã pʉatarr jawaag chi machnaan dʉi khai khĩir khaphʉ aajeet. Jãkhʉʉnan sĩi khajũa bʉ duurg jũanaa kaaijã ee õrau amachig saludaawaijã amach tho iekhapim khõsita sĩerrjeemgui ajim anʉm. Jãkhʉʉnan amach Ẽwandam i jaaujem deg weetwaijã amachta porgarcha thumaam khʉʉnag khĩir jʉrkha juupjemgui ajim anʉm, amachta warm khʉʉn khãaijã ajapcha nʉm awia. Maimua di chaaur thach khomkhĩir thʉ̃ʉrwaijã parhooba jupba, khãidu ajapcharamta jʉ̃a au sĩerrjeemgui ajim anʉm.

Romanos 12:10

Khod ãbam khʉʉnjo agdaujota pãach khapeen kha khõsinaa, dich garmuata ʉ̃rcha am khĩrag eenaa agdaujo chikham respetaabat, amta dich khãai ʉ̃rpai nʉm khʉʉnjo.

Filipenses 2:3

Pãachdeupaijã pãach thonaa bigaaum khʉʉnagjã sĩi pãach eugar ajapha ig iyʉʉ amkhĩirpai chan oob warag nem waumiet. Mag khãyau warag chikhamnaan igwiata, “Jãkhʉʉnan chad maar khãaijã ʉ̃rpai naabma” abat.

3 Juan 1:9

Mua jam chi ʉkha durrum khʉʉnag ũrmkhĩirta nawe mʉchdeu ẽsap phã deepʉitarr gaai jaaupʉijim, ʉu mag Cristo iek jaau wenʉrrʉm khʉʉn pãach ee recibiimkhĩir. Mamʉ magtarrta Diotrefeeu, ichta thumaam khʉʉn khãaijã ʉ̃rpai am khõsi sĩewai, irua mʉ iek asekasmapha sim.