San Lucas 11:36 - Wounaan Meu

³⁶ Mamʉ pekau gaaimua khĩchag ee khaba nʉmjo nʉm khai, magan chadcha pãar ararag chaar eeta nʉm, Ẽwandam dʉi. Mag amʉn magan õtdaúa pãar khĩirphee wʉʉ wai nʉm bʉʉg nʉmjota nʉmgui ajim anʉm, i dʉi.

Woun Meu

³⁶ Mamʌ pekau gaaimua k'ĩchag hee k'aba nʌmjö nʌm k'ai, magan chadcha pãar hararag chaar heeta nʌm, Hẽwandam dʌ̈i. Mag hamʌn magan hõtdaúa pãar k'ĩirp'ee wʌʌ wai nʌm bʌ̈ʌg nʌmjöta nʌmgui hajim hanʌm, hi dʌ̈i.

San Lucas 11:36 Iomraidhean Croise

San Mateo 13:52

Magbaa ichdeu marag magjim: —Mʉg iek iiur mua jaau chirʉmjã pãrau chadcha khaphʉ naawai deeum khʉʉnag jawaagjã ya chi machnaankha nʉmgui ajim. Jãg nʉm aig õor Ẽwandam igwia i jʉr nʉm khʉʉnag pãrau jaauju aai nʉmgui ajim, chadcha pãachdeuta nawe Ẽwandamau ich i jaaumienag phãpitarrjã khaphʉnaa mʉg iek iiur mua jaau chitʉmjã khaphʉ naawai.

San Mateo 5:15

Pãrau khaphʉ nʉm, lamparaan paanaa sĩi nem bʉ ee ausĩuba, dau garta ausĩiujem, dijã thum araraa amkhĩir.

San Lucas 11:35

Magua khĩirjug paraa aajeet. Khĩchag ee nʉmjo nʉmta pãach thãar ajapha nʉm awi oob Ẽwandamag pãach isegpimiet ajim anʉm.

San Lucas 11:37

Mag ich Jesús iekha obaadem ee, ãb Moiseeg Ẽwandamau ich iek phãpitarr ajapcha ʉʉrkhaajem khʉʉn eemua i thach khoon eeurrjim aajem, ich di aar. Magbaawai Jesuu i dʉi mawia, barwia, ãba phʉʉr khophobaadejim aajem.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

Efesios 4:14

Mag khai magan ya tag chaain amachig sĩi bʉ̃ʉr mag abaawai parhoobam khʉʉn iek ʉkhakharrso amach khũgurpiejem khʉʉnjo khaba, chikham khũgur aum khõchgau khĩirjug khaug sĩerrjeem khʉʉn beewi Ẽwandam iek chaar khabam maachig jaauchewiajã ʉdʉʉr maadeu dich khũgurpibaju.

Colosenses 3:16

Agjo ĩchab Cristoou maach peerdʉ aaujem iek pãachdeu khaugtarrta khĩir okhooba ich mag pãach thãar ee wai nʉisit. Mag iek warag khaugmaag, khĩirjug khaphʉta jũrr agdaujo pãach khapeenag jaaupetat. Mag nʉm dʉi ĩchab wawimamua jũrr agdaujo chikham khĩir onee apibat. Chadcha thãraucha Ẽwandamag ʉu ajim anaa irig meukharau Salmos aunaa deeum meukhaarjã i jʉ̃gaagaamta aubat.

Hebreos 5:14

Mamʉ magarrau jãg chi jooin nem parhooba khoojem khʉʉnjo, khani ʉu sĩ wa khani ʉu khaba sĩ a khaphʉ simuan chad Ẽwandam iek phithurm ichig jaauwaijã ʉu ajapha khaphʉ aju, ag nawejã ichig jaautarr ee nʉrrʉmuata magʉmjã khaug aumaajeewai.

Santiago 1:25

Mamʉ ĩchab ar Ẽwandam iek amachdeu ũrbarmta khĩir okhooju khãai, warag wajapha khĩirjunaa ag gaai jaau simjo wau nʉm khʉʉnan mag amach nem wau nʉm gaaimua onee aju. Mag amachdeu ũr nʉmjã thum Ẽwandamau ichdeu waupim khõsim iekta jaau sĩewai i ipierraa nem wau nʉmua tag warramjo pekaúgta amach ʉ̃rpapiba nʉm.

2 Pedro 3:18

Magju khãai maach Por anaa maach peerdʉajem Jesucristota ajapcha khaphʉ aju ẽkha nʉmuata warag pãachdeu ʉkhatarr iek gaai khĩirjug bãauju ẽkhabat. Ichta ich mag chi jua thierrkha sĩewai mʉg atag pawiajã ich mag irigpaita thumaam khʉʉnau ee apim khõsi chirʉm. Mʉgdampai ajim pãrag jaaupʉim ig chirarr. Pedro