San Lucas 11:22 - Wounaan Meu

²² Mamʉ ãb i khãyau thethecharamua beewi, i dʉi werbʉwia i podbapäaiwain chadau, irua ich jierrnem tho chirarr thum khechthʉg auwia i juagam nemjã jũrr ich denkha auju, ag dʉi ichdeu ampierr aag. Magua mʉʉta dosãt khãai jua theeg chiraawai muata õor eem mepeenjã jʉr werpju aai chirʉm.

Woun Meu

²² Mamʌ hãb hi k'ãyau t'et'echaramua bëewi, hi dʌ̈i wërbʌwia hi pödbapäaiwain chadau, hirua hich jierrnem t'ö chirarr t'um k'echt'ʌg hauwia hi juagam nemjã jũrr hich dënk'a hauju, hag dʌ̈i hichdëu hampierr haag. Magua mʌʌta dösãt k'ãai jua t'eeg chiraawai muata hõor heem mepeenjã jʌr wërpju haai chirʌm.

San Lucas 11:22 Iomraidhean Croise

San Lucas 11:21

’Dosãtan woun ãb chi jua thierrta jierrnem dʉi ajap khĩir khaugwia ich di thʉa simjota sĩerrʉmgui ajim anʉm, nem jua theeg. Mag sĩewaita, i khãyau jua eegpaimua chan i sim aig i nem bʉ̃ʉrjã chig abam, ich jua ee thʉnaawai.

San Lucas 11:23

Magua mua mag chirʉmgui ajim anʉm: Ar chi mʉ igar khaba sim woun ichta dosãt igar sim; maimua Ẽwandam iek ʉkhapi awaag mʉ ipierr õor ãbamʉg jʉr pheba simuan waragta jʉr werp simjo simgui ajim anʉm.

Efesios 6:11

Cristo iek ʉkha nʉm gaaimua Ẽwandamau pãach dʉi nem ajapha waumatarrta khĩir eyaanaa aata por ee wai nʉisit, ich jãg soldaaun juurhi ee werbʉan maawai ich thʉag ich jierrnemta jũapäaijemjo, mag por ee wai nʉmuata ubʉ naawai meperagta ʉdʉʉr dich khũgurpiba aag.

Efesios 6:13

Maguata muan pʉaba pãragan, Ẽwandamau ich jua theeg jierrnemjo deetarrta khajũajo jũabapʉit a chirʉm, meperau khaibag ee dich mapiju ẽkhacheewaijã ʉu peerdʉímʉ peerdʉpʉpʉijii awi ʉu pãach garmuata podpʉiwi ich mag ubʉ nʉisieg.

Colosenses 2:15

Meperau ich jua theegau õor thum ich athee phe wai sĩerrjã Cristo thumaam khʉʉn dakhĩir pakuls gaai jiir joisim thumaam khʉʉnag oopibarmua Ẽwandamau warre mag chi mepeer podpʉijim, i jua ee narr khʉʉnjã chadcha peerdʉju ayaa amkhĩir obeerkha athamua.

1 Juan 3:8

pari magba ar pekauta wau nʉm khʉʉnan mepeer den aawaita mag nʉm, ich chi mepeerjã ich warrgarwe ich mag pekau wau sĩerraawai. Wajapcharan ich Ẽwandam Iewaa mʉg jẽb gaai beetarran, mag meperau õor khũgur wai simua pekau ee preso phe wai sĩerrjo narr khʉʉn i jua chaaur weeukhapʉyaanta beejim, tag meperagta maach ʉ̃rpai apimaaugau.

1 Juan 4:4

Keena, pãar chadcha Ẽwandam chaain aawai i Akhaar chaar sĩi dosãt mʉg jẽb gaai sĩejem khãaijã jua theeg ʉ̃rpai sĩerrʉmta wai nʉm; magua jãg seukha nem jaau nʉrrjeem khʉʉnagjã ʉu ʉdʉraa pãach khũgurpibajierram.