San Lucas 11:21 - Wounaan Meu

²¹ ’Dosãtan woun ãb chi jua thierrta jierrnem dʉi ajap khĩir khaugwia ich di thʉa simjota sĩerrʉmgui ajim anʉm, nem jua theeg. Mag sĩewaita, i khãyau jua eegpaimua chan i sim aig i nem bʉ̃ʉrjã chig abam, ich jua ee thʉnaawai.

Woun Meu

²¹ ’Dösãtan woun hãb chi jua t'ierrta jierrnem dʌ̈i hajap k'ĩir k'augwia hich di t'ʌa simjöta sĩerrʌmgui hajim hanʌm, nem jua t'eeg. Mag sĩewaita, hi k'ãyau jua heegpaimua chan hi sim haig hi nem bʌ̃ʌrjã chig habam, hich jua hee t'ʌnaawai.

San Lucas 11:21 Iomraidhean Croise

San Mateo 12:29

’Pãade khĩirjubat. Ni ãbmuajã mʉg nʉm aig sĩi ãb jierrnem wajapham dʉi ich di thʉa sim aig dubwi i nem jĩgkhabaju. Sĩi khapanaam khʉʉnau wa i khãai ʉ̃rʉʉcharamua i ibʉʉr auwi khabam chan, pod i nem jĩgkhabamgui ajim. Ich agjota simgui ajim mepeerjã. Mʉ i khãai jua theeg ʉ̃r khaba chirakhiin, muajã pod õor mor eem mepeen jãg dau daau jʉr werpbaju. Mamʉ mua chadcha Ẽwandam juapaauta mʉg nem wau chitaawai meperaujã mʉ jua jʉmba aajem.

San Marcos 3:27

Magnaa amag, —Pãade mʉ seu awi wajapha khĩirjubat ajim anʉm. ¿Khaíu mʉg nʉm aig sĩi ãb jierrnem wajapham dʉi ich di thʉa sim aig dubwi i nem jĩgkhaju khai? Sĩi khapanaam khʉʉnau wa i khãai ʉ̃rʉʉcharamua i ibʉʉr auwi khabam chan pod i nem jĩgkhabam. Ich agjota sĩebahab ajim anʉm, mepeerjã. Mʉ i khãai jua theeg khaba chirakhiin, muajã pod õor mor eem mepeen jãg dau daau jʉr werpbajugui ajim anʉm.

San Lucas 11:20

Muan chadcha Ẽwandam jua theegauta mepeenjã jãg jʉr werp chitʉm. Mag mepeenjã mua jʉr werp chirʉm gaaimua pãrau khaphʉ aju aai nʉm, ya ich Ẽwandam chi jua thierrta pãar ee sĩeichem. Mamʉ magʉmjã pãrau khaugba nʉmgui ajim anaabá.

San Lucas 11:22

Mamʉ ãb i khãyau thethecharamua beewi, i dʉi werbʉwia i podbapäaiwain chadau, irua ich jierrnem tho chirarr thum khechthʉg auwia i juagam nemjã jũrr ich denkha auju, ag dʉi ichdeu ampierr aag. Magua mʉʉta dosãt khãai jua theeg chiraawai muata õor eem mepeenjã jʉr werpju aai chirʉm.