San Lucas 11:20 - Wounaan Meu

²⁰ Muan chadcha Ẽwandam jua theegauta mepeenjã jãg jʉr werp chitʉm. Mag mepeenjã mua jʉr werp chirʉm gaaimua pãrau khaphʉ aju aai nʉm, ya ich Ẽwandam chi jua thierrta pãar ee sĩeichem. Mamʉ magʉmjã pãrau khaugba nʉmgui ajim anaabá.

Woun Meu

²⁰ Muan chadcha Hẽwandam jua t'eegauta mepeenjã jãg jʌr wërp chitʌm. Mag mepeenjã mua jʌr wërp chirʌm gaaimua pãrau k'ap'ʌ haju haai nʌm, ya hich Hẽwandam chi jua t'ierrta pãar hee sĩeichëm. Mamʌ magʌmjã pãrau k'augba nʌmgui hajim hanaabá.

San Lucas 11:20 Iomraidhean Croise

San Mateo 12:28

Muan chadcha Ẽwandam jua theegauta mepeenjã jãg jʉr werp chitʉmgui ajim. Mag mepeen mua jʉr werp chirʉm gaaimua pãrau khaphʉ aju aai nʉm, ya ich Ẽwandam chi jua thierrta mʉig pãar ee sĩeichem. Mamʉ magʉmjã pãrau khaugba nʉmgui ajim.

San Mateo 3:2

“Pãach khaibag ãsie ewag khĩirjuwia Ẽwandamagta chugpaapi jeeubathʉ̃” aajeejim anʉm. Magnaa ĩchab, “Ya mʉigmua jopcha ich Ẽwandamau maach thumaam khʉʉn Porkhapiju maach ee pʉiju” aajeejim anaabá.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Lucas 10:11

“Pãrau Ẽwandam iek iseg nʉm khai, ni pãar phobor eem jẽbdampaijã marau maach bʉ gaai arrbam. Mamʉ ya pãrau khaphʉ nʉisim, Ẽwandamau pãach eejã ich jua theeg oopiju atarr oopiba abarm, pãachdeu i iseg nʉm gaaimua.” Magwia ereubaadet ajim anʉm.

San Lucas 10:9

Maimua ĩchab magʉm phoborpierr pãachdeu aaunaan oomam monaaupetat. Mag monaaupʉiwia amag, “Pãrau ĩs mʉg oobarmʉn Ẽwandamauta pãrag ich jua theeg oopi sim” a jaaubat ajim anʉm ĩchab.

San Lucas 11:21

’Dosãtan woun ãb chi jua thierrta jierrnem dʉi ajap khĩir khaugwia ich di thʉa simjota sĩerrʉmgui ajim anʉm, nem jua theeg. Mag sĩewaita, i khãyau jua eegpaimua chan i sim aig i nem bʉ̃ʉrjã chig abam, ich jua ee thʉnaawai.

Hechos 20:25

Mag jajawagmamua, —Pãach thumaam khʉʉnag khap amkhĩir ĩs mua warre pãrag jaaukhimgui ajim: Mua chadcha pãar ee ich mʉg Ẽwandam iek jaau phʉʉrdʉ chitʉmua pãrag jaaujeejim, Ẽwandamta pãach thãar ee athaawai ichta pãach Porkha sĩsimkhĩir. Mua mag pãrag jaau chitaajerr, ĩspai pãrau mʉ khĩir oowia ya tag pãrau mʉ oobamgui ajim.

2 Tesalonicenses 1:5

Pãar jãg phithurg ãwat durrum paar, Ẽwandam thumaam khʉʉn dʉi nem agchata waaujeewai, pãar irua ich aar oberju ayaa apiju. Mag i gaaimua maagjerr paar pãar dʉi mag ʉu awiajã, ãbmuajã pod Ẽwandamau pãar dʉi jãgbaju aai sim aju khaba sim.