San Lucas 11:18 - Wounaan Meu

¹⁸ Ich magta aju agjo dosãtjã. Ich khapeen dʉipai wir aig werbʉ nʉmua amach opʉpʉi amʉn, pod ich mag jua theeg khaba sĩerraju, amachdeupai amach khechmaawai. Pãar iek mag mua dosãtnaan por Beelzebú juapaauta mepeenjã õor mor eem jʉrkhʉʉi chirʉm anʉm,

Woun Meu

¹⁸ Hich magta haju hagjö dösãtjã. Hich k'apeen dʌ̈ipai wir haig wërbʌ nʌmua hamach höpʌ̈pʌ̈i hamʌn, pöd hich mag jua t'eeg k'aba sĩerraju, hamachdëupai hamach k'ëchmaawai. Pãar hiek mag mua dösãtnaan pör Beelzebú juapaauta mepeenjã hõor mor heem jʌrk'ʌʌi chirʌm hanʌm,

San Lucas 11:18 Iomraidhean Croise

San Mateo 10:25

Magua, ãb khãijã chadcha ich maestroou jaau simjota nʉrrʉm khai, magan chi maestro dʉi aajemjo aju i dʉijã. Jãga chi patrón jooi dau ãaukha nʉm ee chi chognaanta daupii abarju. Maguama, mʉch pãar Porkha chirʉmʉg õrau mʉʉn mepeen por Beelzebú dʉita chirʉm a iekhaajeewai pãrag chará amau athuucha khaigba iekhajugui a jaaumajim maachigcha.

San Mateo 12:26

Pãar iek mag mʉjã dosãt dʉita chirʉm anaawai, dosãtauta wir aig dosãtpai jʉr werpkhiin, pod ich mag jua theeg sĩerrabajugui ajim.

San Mateo 4:10

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Lucas 11:15

Mamʉ ãaur khʉʉn dʉi aig oo narr khʉʉnau, —Jãg Jesuun dosãtnaan por Beelzebú dʉi ben dotarr aawai ag juapaauta jãg õor mor eem mepeenjã dau daau jʉrkhʉʉi nʉrraajemgui anaajim aajem.