San Lucas 10:6 - Wounaan Meu

⁶ Pãrau mag jaau wenʉrrʉm ãbmua khãijã ʉkham khõsi ʉkhamʉn, ʉu peerdʉwia Ẽwandamau i auju. Mamʉ irua magbamʉn, magan Ẽwandamau mag woun eeg ooba, i dʉi ʉu aju atarr warag pãach dʉipaita ʉu aju.

Woun Meu

⁶ Pãrau mag jaau wënʌrrʌm hãbmua k'ãijã hʌ̈k'am k'õsi hʌ̈k'amʌn, hʌ̈u peerdʌwia Hẽwandamau hi hauju. Mamʌ hirua magbamʌn, magan Hẽwandamau mag woun heeg hooba, hi dʌ̈i hʌ̈u haju hatarr warag pãach dʌ̈ipaita hʌ̈u haju.

San Lucas 10:6 Iomraidhean Croise

San Lucas 10:5

Parhooba pãach wetumpierr õor deg duubwai saludaawia, “Maran maach peerdʉajem iek jawaanta beejim; pãach mʉg di ãbam degam khʉʉnau thumaa ʉkhakhiin ʉu akham” abat ajim anʉm.

San Lucas 10:7

Mag pãach ʉu jẽerpibarm degpai thachjã khobat, dipierr thach kho wenʉrraba. Mua pãrag mag chirʉmʉn, mag pãach phidkha wenʉrrʉm gaaimua õrau sĩi pãar jãhogju aawaita mag chirʉmgui ajim anʉm.

Efesios 5:6

Jãgʉm khʉʉn eem ãbmua khãijã pãach aig beewi pãachig mʉ ichaaur jũrr magʉm gaaimuapai chan Ẽwandamau pãar chig abam a jaaumʉn, magan ichta seukha nʉrrʉm. Magʉm khʉʉnag ʉdʉʉr pãach khũgurpimiet. Amau khaugba nʉm, ante magʉm waum khõchgau ich ipierraa khaba nʉm khʉʉn gaaita Ẽwandam khĩir machag meeuju khabahab.

2 Tesalonicenses 3:16

Maach Por Jesús maach khõinaa apiejemʉgta pãar kõit jeeu chirʉm, pãar wenʉrrʉmpierr ichdeuta pãar khõinaa wai nʉrramkhĩir. Ichchata ich mag pãar dʉi sĩepim khõsi chirʉm.

Santiago 3:18

Ar mag khõinaa wenʉrram khõsi aajem khʉʉnan nem waauwaijã nem thum agchata waaujem, amach mag nem wau nʉm oowi bigaaum khʉʉnaujã amach denjo nem agchata waunaa khõinaa wenʉrramkhĩir.

1 Pedro 1:14

Ya pãar Ẽwandam ipierraa aagta i chaainkha naawai oob ʉdʉʉr warrgar pãachdeu i khaugju nawe nem khaigbam waaujerragta deeu pãach gaai ʉ̃rpapimiet.