San Lucas 10:41 - Wounaan Meu

⁴¹ Magbaawai Jesuu irig, —Marta, chadcha pʉ jua dʉrr khaba thʉnʉm mua khaphʉ chirʉmgui ajim anʉm. Ajapha õor jãhog aum khõchgau pʉ khĩirjugan nem thumaa wauju appaita khĩirju buburrkham.

Woun Meu

⁴¹ Magbaawai Jesuu hirig, —Marta, chadcha pʌ jua dʌ̈rr k'aba t'ʌnʌm mua k'ap'ʌ chirʌmgui hajim hanʌm. Hajap'a hõor jãhog haum k'õchgau pʌ k'ĩirjugan nem t'umaa wauju happaita k'ĩirju buburrk'am.

San Lucas 10:41 Iomraidhean Croise

San Marcos 4:19

pari ãsie deeu ewag khĩirjuajerram. Am khĩirjugan ãba riknaan khajuuta khĩirju sĩsidʉm, nem thum paraa aag. Mag khĩirju sĩsidʉm gaaimuata ĩchab, mag nemjĩir sirphʉg ee aadeewai sĩi dau aphʉʉ cheba nʉisierrjo, Ẽwandam iekjã thãraucha ʉkhawi i ithee nem wajapha wawaagjã serbiiba thʉnaabahab ajim anʉm.

San Lucas 10:38

Maigmua igbaadeeu ich khapeen dʉi ãba mamua deeum phobordam pom khaba khitʉm ee barwia ʉʉi ãb Marta anʉm di aig jẽerimajim aajem.

San Lucas 10:40

Magʉmich Marta khʉrr igaau jua dʉrrjã khaba thʉnaajim anʉm, õor thum jãhogaag ich appaimua phiejãb waauwai. Mag ich jua dʉrr khaba aawai Jesús aig beewia magchejim anʉm: —Señor, ¿pua oowai ʉu sĩ, mʉg mʉ jua dʉrr khaba thʉnʉm ee sĩi Mariaau jãg pʉ iekha simpai ũr oo sĩeju? Jãg pua irig jaaubá ajim anʉm, mʉ juag oon mamkhĩir.

San Lucas 12:22

Maimua mag ich dʉicha ogdʉba wenʉrraajerr khʉʉnagta, —Mua pãrag jaaukhimgui ajim anʉm: Oob pãrau “¿khani khojuuta maach mʉg nʉma?” awia okhĩirjuu amiet. Wa magbam khai, ya khajũajã chukhu nʉm, “¿khani jũajuuta mʉg nʉma?” a khãijã khĩirjumiet ajim anʉm.

San Lucas 21:34

Khĩir khaphʉ nʉisit ajim anʉm, mʉ beewai sĩi doo gaaipai nʉm dʉi warag pãach nem ig nʉmta khĩirju nʉm gaaimua mʉ iek ʉkhaba, warag thãar theeg sĩi mʉ beejujã khaugba, okhoppha nʉm pãach oochepim ugua.

San Lucas 8:14

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

San Juan 11:1

Biek ãb phobordam Betania anʉm ee woundam Lázaro anʉm mor machpajim aajem. Ich Lázaro ʉ̃phʉʉin numí wai sĩejim, María Marta dʉi. Makhʉʉn dʉita sĩejeejim ich.

San Juan 11:5

Jesuu chadcha Marta dʉi Mariajã oomap khaba ni ich Lazarojã oomap khaba aajeejim.

San Juan 12:2

Mag i barbaimaawai maiguim khʉʉnau wajap phiejãb wauwia Jesús khopiju aphobaadewia chadcha waujierram. Maimua ya thum wau aaipa sĩsiewai chi Lázaro ʉ̃phʉi Martaau chi nemek thoi jijig khajim. Maagwai maar thach kho nʉm aig ĩchab ich Lazarojã dʉi thach kho sĩejim.

Filipenses 4:6

Pãach phithurg waauwai oob okhĩirjuu amiet. Mag khãyau warag mag pãach phithurg au wenʉrrʉm thum Ẽwandamagta jaaubapʉit, irig jeeumamua. Mamʉ mag jeeumamua ĩchab pãach iek ũurjem paarjã irig ʉu ajim abat.