San Lucas 10:40 - Wounaan Meu

⁴⁰ Magʉmich Marta khʉrr igaau jua dʉrrjã khaba thʉnaajim anʉm, õor thum jãhogaag ich appaimua phiejãb waauwai. Mag ich jua dʉrr khaba aawai Jesús aig beewia magchejim anʉm: —Señor, ¿pua oowai ʉu sĩ, mʉg mʉ jua dʉrr khaba thʉnʉm ee sĩi Mariaau jãg pʉ iekha simpai ũr oo sĩeju? Jãg pua irig jaaubá ajim anʉm, mʉ juag oon mamkhĩir.

Woun Meu

⁴⁰ Magʌmich Marta k'ʌrr higaau jua dʌ̈rrjã k'aba t'ʌnaajim hanʌm, hõor t'um jãhogaag hich happaimua p'iejãb waauwai. Mag hich jua dʌ̈rr k'aba haawai Jesús haig bëewia magchëjim hanʌm: —Señor, ¿pua hoowai hʌ̈u sĩ, mʌg mʌ jua dʌ̈rr k'aba t'ʌnʌm hee sĩi Mariaau jãg pʌ hiek'a simpai hũr hoo sĩeju? Jãg pua hirig jaaubá hajim hanʌm, mʌ juag hoon mamk'ĩir.

San Lucas 10:40 Iomraidhean Croise

San Mateo 14:15

Mag nʉm ee, ya kheeuraa aadeewai maach garmuata irig, —Mʉg õorjã chukag eeta ya kheeuraa aadem; amag wetpi jaaubá, phobor ee wetwi amach athee khojudam per aumkhĩir anaajim.

San Mateo 16:22

Mag jaaumam ũrwia, Pedroou ich appai chaaur thʉ̃rnaa, —Señor, ¿khanii Ẽwandamau pʉ dʉi magpibarju? Pʉ dʉi chan õrau magju khaba nʉmgui ajim irig.

San Marcos 3:21

Jesús aar mag õor pom jũrr phẽphẽeukham gaaimua pod thachjã khoba sim a ũr athaawai chi khodnaanau i awaan wetjierram aajem, lokiebaadeewaita mag thachjã khoba simpii awia.

San Lucas 10:38

Maigmua igbaadeeu ich khapeen dʉi ãba mamua deeum phobordam pom khaba khitʉm ee barwia ʉʉi ãb Marta anʉm di aig jẽerimajim aajem.

San Lucas 10:41

Magbaawai Jesuu irig, —Marta, chadcha pʉ jua dʉrr khaba thʉnʉm mua khaphʉ chirʉmgui ajim anʉm. Ajapha õor jãhog aum khõchgau pʉ khĩirjugan nem thumaa wauju appaita khĩirju buburrkham.

San Lucas 12:29

Pãach thach kho nʉm dʉi dodojo doju chan oob pãrau atcha khĩirjumiet ajim anʉm. Wa jãga pãachdeu nem ig nʉm paarpajujã oob khĩirjumiet.

San Lucas 9:55

Magbaawai Jesuu amag phʉʉrba oonaa magjim anʉm: —¿Khaíu pãrag jaauwai magta aju aai nʉm ajĩ, õrau dich kha isee aawai? [Chi mag iekhaajem khʉʉnan bʉ̃ʉrjã Ẽwandam iek ũrba aajem khʉʉnta mag iekhaajemgui ajim anʉm.

San Juan 11:1

Biek ãb phobordam Betania anʉm ee woundam Lázaro anʉm mor machpajim aajem. Ich Lázaro ʉ̃phʉʉin numí wai sĩejim, María Marta dʉi. Makhʉʉn dʉita sĩejeejim ich.

San Juan 11:5

Jesuu chadcha Marta dʉi Mariajã oomap khaba ni ich Lazarojã oomap khaba aajeejim.

San Juan 12:2

Mag i barbaimaawai maiguim khʉʉnau wajap phiejãb wauwia Jesús khopiju aphobaadewia chadcha waujierram. Maimua ya thum wau aaipa sĩsiewai chi Lázaro ʉ̃phʉi Martaau chi nemek thoi jijig khajim. Maagwai maar thach kho nʉm aig ĩchab ich Lazarojã dʉi thach kho sĩejim.

San Juan 6:27

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.