San Lucas 10:37 - Wounaan Meu

³⁷ Magbaawai ichdeu, —Chi mag jẽer kherʉm oobaimaawai i dau aug khaugtarrma ajim anʉm. Magbaawai Jesuu irig, —Magan mawia i denjo pʉch oomapham khʉʉn awia khãijã daupii abá ajim anaabá.

Woun Meu

³⁷ Magbaawai hichdëu, —Chi mag jẽer k'ërʌm hoobaimaawai hi dau haug k'augtarrma hajim hanʌm. Magbaawai Jesuu hirig, —Magan mawia hi dënjö pʌch hoomap'am k'ʌʌn hawia k'ãijã daupii habá hajim hanaabá.

San Lucas 10:37 Iomraidhean Croise

San Mateo 20:28

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran sĩi chikhamnag mʉch chogamkhĩirta beejimgui ajim, mag chitʉmua chikham jua machgau thõowi mag thõobarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

San Mateo 23:23

’¡Eh, pãar Moiseeu ley phã pʉarr jawaag chi machnaan ag iek wajapcha ʉʉrkhaajem aajem khʉʉn dʉi! Pãraun pãachdeuta Ẽwandam na wajapcha nem wau nʉm awia, i paat agjo deeg pãach nemjĩir bʉ daiicharam gayampa Ẽwandamag ofrendakha deejem: pãrau anís eemjã deenaa comino eemjã deejemgui ajim. Pari mag nʉmta jũrr mag ley Moiseeu phã pʉarr gaai ag khãai nem wajapcharam jaau simjo aju chan khĩir eejã paba aajemgui ajim. Pãrau chan wir aig pãach khapeen dʉi agpierraanaa am dau aug khaug paraa nʉm dʉi ĩchab Ẽwandam iekta ogdʉba ich jãg ʉkha wenʉrraju aai nʉmjã khĩirjuba aajemgui ajim, majã magʉmta ʉ̃rcha wauju aai nʉmta. Magnaan chad tagam nem pãachdeu wau nʉm pʉaba ich jãg dee wenʉrraju aai nʉm.

San Lucas 10:36

Mag ĩgkha aaipawia, ich Jesuupai mag Ẽwandam i jawaag chi charrkha chirʉmʉg jeeujim aajem: —Pua khĩirjuawai ¿chijãata mag woundam ich appai ma khitʉm ee khapanaam khʉʉnau pʉrnaa mas deetarr ag khapeer aju ayaa sĩ: chi phad, chi Levinaan eem, wa chi Samariapierrdam?

San Lucas 10:38

Maigmua igbaadeeu ich khapeen dʉi ãba mamua deeum phobordam pom khaba khitʉm ee barwia ʉʉi ãb Marta anʉm di aig jẽerimajim aajem.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

1 Pedro 2:21

Ich Cristooucha jaauwaijã, ichdeucha ich athee jʉr aumam khʉʉnan ichiita chikhamnau dau aug waub khaba dau aug wauju aajem, ich jãg ichjã maach kõit dau aphʉʉ arrjo. Wajapcharan mag chikhamnau dau aug waauwai jãga aju aai nʉ a khap amkhĩirta maachjo wounag pawi ichta nacha aphʉʉ ajim.