San Lucas 10:27 - Wounaan Meu

²⁷ Magbaawai mag chi charrkha chirʉmua magjim anʉm: —Moiseeu Ẽwandam iek phãtarr gaai, “Maach Por Ẽwandam sĩi par iiupai khaba, pʉch thãrauchata khõsi abá” a sim; maimua ĩchab, “Pʉch khapeenjã agjo agdaujoo kha khõsinaa daupii abá, pʉchjo wir aig” a phã simgui ajim anʉm.

Woun Meu

²⁷ Magbaawai mag chi charrk'a chirʌmua magjim hanʌm: —Moiseeu Hẽwandam hiek p'ãtarr gaai, “Maach Pör Hẽwandam sĩi par hiiupai k'aba, pʌch t'ãrauchata k'õsi habá” ha sim; maimua hĩchab, “Pʌch k'apeenjã hagjö hagdaujöo k'a k'õsinaa daupii habá, pʌchjö wir haig” ha p'ã simgui hajim hanʌm.

San Lucas 10:27 Iomraidhean Croise

San Mateo 19:19

pʉch aaijã daupiinaa pʉch ãdjã daupii abá, maimua pʉch khapeenjã wir aig pʉchdeu pʉch khõsi simjo daupii abá ajim ich Jesús garmua.

San Lucas 10:26

Magbaawai jũrr Jesuu irig, —¿Khan a phã sĩ Ẽwandamau ich iek jooingarwe Moiseeg phãpitarr gaai? ¿Pua ag gaai thʉ̃rba aajẽ? ajim anʉm.

Romanos 13:9

Chi Moiseeu phã pʉarr gaai jaauwai, dich õor khabam dʉijã khapes apiba, õorjã thõopiba, nemjã jĩgkhapiba, sĩi chikham nemjã dich den apim khõsi aju aai khaba nʉm a jaau sim. Mamʉ mag tag agjo khapan jaau sĩeb mamʉ, mag thʉnʉmʉn sĩi cha mʉchdeu jaau chirʉmjo, mag “Pʉch khapeenjã daupii abá, ich jãg wir aig pʉchdeupai pʉch chig apimapha aajemjo” a sim gaaimuata thum ober sim.

Gálatas 5:13

Hermanonaan, Ẽwandamau pãrag ich iek ʉkhapi aauwaijã tag magʉm pãach jooin i ʉʉrkhapieg khaba, ich ipierraa amkhĩirta pãar ichig thʉ̃rkha aujim. Magtarr aawai irua khõsim nemen chad pãachdeu waum aig wauju aai nʉm. Mamʉ mag pãachdeu waum aig nem wauju aai nʉm awi oob sĩi parhoobam khõchag pãach khĩirjug ee beewai agpierr amiet. Magju khãai pãach khapeenjã agdaujo kha khõsinaa am dʉi ajapha ajuuta ẽkhabat.

Hebreos 8:10

“Deeu mua israelnaan dʉi iek deebarmʉn mʉgta ajugui” ajim anʉm: “Mʉchdeu am dʉi iek deebarmʉn mua warre am thãar ee phã sĩubarmjota ajugui” ajim anʉm “mʉch ipierraa am khõsi ipierraa amkhĩir. Mʉchta am Ẽwandamkha chirsiewai amach jũrr mʉ õorkha nʉisiju.

Santiago 2:8

Pãrau Ẽwandamau ich iek phã sĩsidʉm gaai jaau simjo pãach khapeenta thumaa wir aig pãachjo daupii nʉmʉn chadau, chadcha ʉu kherʉm, Ẽwandamau ʉ̃rcha waupi jaau simta wau naawai.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.