San Lucas 10:21 - Wounaan Meu

²¹ Mag ich Jesuu pʉitarr khʉʉn deeu beewia ichig onee nem ĩgkhabaichem ũrbaawai ĩchab ich Jesujã Ẽwandam Akharau onee apijim aajem. Mag ich onee aadeewai Ẽwandamag jeeumamua magjim anʉm: —Tata, mua pʉrʉg ʉu ajim a chirʉm, pʉchta chadcha ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia nem thum khaphʉm khaphʉm aajem khʉʉnaujã amach peerdʉju iek khaugba arrta jũrr pua khĩirjugdam meraa chaainjo khitheem khʉʉnagta ʉu khaugpibaawai. Chadcha puata nem ajapha waaujem Tata ajim anʉm, pʉchdeu juau am dʉi magju atarr aawai.

Woun Meu

²¹ Mag hich Jesuu pʌ̈itarr k'ʌʌn deeu bëewia hichig honee nem hĩgk'abaichëm hũrbaawai hĩchab hich Jesujã Hẽwandam Hak'arau honee hapijim haajem. Mag hich honee haadeewai Hẽwandamag jëeumamua magjim hanʌm: —Tata, mua pʌrʌg hʌ̈u hajim ha chirʌm, pʌchta chadcha hʌ̃gt'arm magwe nem t'um mʌg wëjöm Pör haawai. Mʌ honee chirʌmgui hajim hanʌm, hõor hamach k'ĩirjug k'aug t'öwia nem t'um k'ap'ʌm k'ap'ʌm haajem k'ʌʌnaujã hamach peerdʌju hiek k'augba harrta jũrr pua k'ĩirjugdam meraa chaainjö k'it'ëem k'ʌʌnagta hʌ̈u k'augpibaawai. Chadcha puata nem hajap'a waaujem Tata hajim hanʌm, pʌchdëu juau ham dʌ̈i magju hatarr haawai.

San Lucas 10:21 Iomraidhean Croise

San Mateo 16:17

Magbaawai Jesuu irig, —Simón Pedro, Jonás iewaa, õrau bʉ̃ʉrjã pʉrʉg jaautarr khabamta chadcha pua ag eyaa jaaubapʉimke ajim. Jãg pua khaphʉ jaaubapʉimʉn, jãan ich mʉ Aai ʉ̃gthar chiraajemuata pʉrʉg mag khĩirjupiwi ajim. Maguata pua ag eyaa jaaubapʉibahab ajim.

San Mateo 21:16

meeukha nʉm iekhau khĩir mor chigpai chi Jesuugta, —¿Mag serereukham khʉʉnau iekha nʉm pua ũr chirʉ́? ajierram irig. Magbaa ichdeu, —Muakha ũr chirʉmgui ajim. Pari pãrau Ẽwandam iek phã sim gaai thʉ̃ʉrwai ooba aajeeb, amau mag serereu aju igwi David khararrau, “Chaain daumeraam khʉʉn dʉi agtha jũd do khitheem khʉʉndamaupa irig jeeujem” a phã pʉatarr. (Sal. 8:3) Ma chan pãrau bʉ̃ʉrjã khĩir ee paba naabma ajim amag.

San Mateo 3:7

Pari Juanau oowai ich aig Moiseeu Ẽwandam iek phã pʉatarr wajapcha ʉʉrkhaajerr khʉʉn khapan bee thʉnʉm dʉi ĩchab tagam khʉʉn chi machnaan saduceo anʉm khʉʉnpa bee thʉnʉm oobaawai, amag magjim anʉm: —Chi khaibagnaan, ¿khaíu pãrag jaauwai Ẽwandamau maach i agkham ed sĩi por chootarr gaaimuapaita pãar i jua machag ãwatbaju a jaaujĩ?

San Marcos 10:15

Mamʉ chi ʉ̃gthar oberju khĩirju nʉm khʉʉnaujã mʉkhʉʉn chaain denjo ʉkhabam chan pod oberbamgui ajim anʉm.

San Lucas 15:5

Maimua mag baau athaawai, ¿khaíuta sĩi onegau dich nemchaaidam ud aibeebaju khai? ajim anʉm.

San Lucas 15:9

Maimua mag baau athaawai, ¿chijãg ʉʉirauta ich khapeen ich di dakha naajem khʉʉn thʉ̃rkha auwia, “Keena, ĩsin mʉʉn onee ʉm, mʉch phatkhondam okhoo wai ʉarr baau athaawai” abaju khai? ajim anʉm.

San Juan 11:41

Mag chi mok chawag pʉreupi jaautarr aawai chadcha chawag pʉreupʉijierram. Magbaawai Jesuu ʉ̃gthaag eerpanaa Ẽwandamag, —Tata, mua pʉrʉg ʉu ajim a chirʉmgui ajim, mʉg mʉchdeu jeeu chirʉm pua ʉu mʉ iek ʉkhabaawai.

2 Corintios 4:3

Mua mʉg Ẽwandam iek jaau chitʉmjã õrau pod khaug auba nʉm khai, magan makhʉʉnan agtha putiu dau eu ʉ̃r borr nʉmjo naawaita amach okhoo nʉm gaaimua mag khaugba nʉm.

Efesios 1:11

Magta agtha maach thaababa nʉwe Ẽwandamau ya maach ich denkha wai sĩejim, Cristo dʉi khapeerkha nʉisiewai mag nawe ichdeu deeju jaau sĩerrjã ichdeu mag khĩirju wai sĩerrjo chadcha jʉ̃amkhĩir; Ẽwandamaun chadcha ichdeu oowai ajapha aju ayaam nemta wau sĩerrʉm.

Efesios 1:5

Jesucristo gaaimua ya maach ich chaainkha aujujã khaphʉ sĩejim, ichdeu maach dʉi am khõsi khĩirju wai sĩerrjo.