San Lucas 10:2 - Wounaan Meu

² Mag am pʉyaagpamua magjim anʉm: —Chadcha Ẽwandam i jaau nʉmʉn arrozdo pom phur wejomjota phidag pooma sim; mag simta chi jaau wenʉrraju khʉʉn chan khapan khaba durrumgui ajim anʉm. Magua mua pãragan, Ẽwandamag jeeubat a chirʉmgui ajim anʉm, warag ich i jaauju khʉʉn khapan jopheecha ich i jawaan pʉimkhĩir.

Woun Meu

² Mag ham pʌ̈yaagpamua magjim hanʌm: —Chadcha Hẽwandam hi jaau nʌmʌn arrozdö pöm p'ur wëjömjöta p'idag pöoma sim; mag simta chi jaau wënʌrraju k'ʌʌn chan k'apan k'aba durrumgui hajim hanʌm. Magua mua pãragan, Hẽwandamag jëeubat ha chirʌmgui hajim hanʌm, warag hich hi jaauju k'ʌʌn k'apan jöp'ëecha hich hi jawaan pʌ̈imk'ĩir.

San Lucas 10:2 Iomraidhean Croise

San Mateo 20:1

’Mʉg atag mʉch iek ʉkha durrum khʉʉnag amach phithur atarr jũrr mua nem deeju edan, woun ãb uvado papau ich piyonnaanag nemjõ phierrtarr jũrr phagtarrjota ajugui ajim. Mag wounau nacha piyón jẽraag edpherre õor jʉraan majim aajem.

San Marcos 13:34

Mag mʉ beejuun, woun ãb deeum durr maagpaawai ich chognaanag chi morkhʉ denjo ich di thʉamkhĩir jaaunaa, amachpierr phidagjã jaaukhawi, chi puertdi thʉajemʉgjã ajapha oopaar jaau pʉawi petarrjota simgui ajim anʉm. Maagwai pãar chi di gar nem thʉa nʉisierrjota nʉmgui ajim anʉm ich khapeenag.

San Marcos 16:15

Maimua ich Jesuu magjim anʉm amag: —Jãimua ereu phobaadewi Ẽwandamau õor peerdʉ aaujem iekta durrpierram magwe thumaam khʉʉnag jaaupetat ajim anʉm.

San Marcos 16:20

Magbaawai i khapeenau wetwi chadcha amachig jaautarrjo durrpierram magwe maach peerdʉajem iek õrag jaau wenʉrrajim aajem. Mag amau jaau wenʉrrʉmpierr ĩchab ich Jesuu am juag oojeejim anaabá, ag na õrau ooba aajem nempa amag waupi sim gaaimua. Magʉm gaaimuata õrau chadcha khaphʉ aajeejim aajem, amau i iekta jaau nʉm.]

San Lucas 9:1

Maimua Jesuu ich khapeen doce ich dʉi ogdʉba wenʉrraajerr khʉʉn ãbam aig thʉ̃rkhanaa agdaujo juapá deemajim aajem, ich denjo õor mor eem mepeen jʉrkhʉʉinaa mor masim khʉʉnjã monaau wenʉrraju ayaa amkhĩir.

Hechos 11:19

Mag Esteban thõowia chi Ẽwandam iek ʉkha durrum khʉʉn ẽudee ẽkha nʉm jaar, ãaur khʉʉn Feniciaag dʉr wetjim aajem; maagwai ãaur khʉʉn, Chipreeg; maimua tagam khʉʉn, Antioquiaag. Mag wetwi amach wenʉrrʉmpierr jaau wenʉrrajim aajem, jãga Ẽwandamau maach peerdʉ aaujẽ. Mamʉ mag jaau wenʉrrʉm chan parhoobam khʉʉnagjã jaauba, ãba judionaanagpaita jaaujeejim anaabá.

Hechos 13:2

Ich makhʉʉn biek ãb thachjã khoba maach Por Jesuug jeeu nʉm ee, Ẽwandam Akharau amag, “Bernabé Saulo dʉi ideu sĩi sĩubat, mua am athee ya phidag jʉr wai chirʉmgui” ajim anʉm chi Ẽwandam Akharau.

Hechos 13:4

Mag, ich Ẽwandam Akharau amachig wetpi jaaubaawai Bernabé Saulo dʉi Seleuciaag wetwi maigmua jũrr dojãrr phʉram Chipre anʉmʉg dʉrbajierram aajem.

Hechos 20:28

Magua mua pãrag mag chirʉmgui ajim: Pãar ar chi ʉkha durrum khʉʉn porkha nʉm khʉʉn, pãach mor ʉʉrkhanaa ĩchab pãach khapeen chi ʉkha durrum khʉʉnjã wajapha thʉa wai nʉisit. Magaag magamkhĩirta Ẽwandam Akharau pãar jʉr aujimgui ajim, maach Por Jesuu ich bagau phag autarr khʉʉn ajapha thʉa wai wenʉrramkhĩir.

Hechos 22:21

Magbaawai maach Por Jesuu deeu pʉaba mʉrʉg, “Petá; ichiita deeum durr durr warp mua pʉ pʉi chirʉmgui” ajim, “judionaan khabam khʉʉn ee.” Magta Pabloou ichdeu Jesús khaugtarrjã jaaujim judionaanag.

Hechos 8:4

Mamʉ ĩchab amach eugar mamagkham ee, Jerusalén phobormua deeum durrag dʉr wettarr khʉʉnau warag amach wenʉrrʉmpierr õrag maach peerdʉajem iek jaau wenʉrrajim aajem.

1 Corintios 12:28

Ich Ẽwandamaujã ich iek ʉkha nʉm khʉʉn ee ʉ̃rcha paraa apijim: Ich iek aaidʉ jaaumkhĩir ichdeucha jʉr aumam khʉʉn, ich iek jaaumamta jũrr warm khʉʉnag jaaujem khʉʉn, maimua ich iek jawaag maestronaan. Mag tag agjo paraa apijim: ichdeu juapá deebaawai õor dauderraa nem waaujem khʉʉn, ĩchab ich jua theegau õor monaaujem khʉʉn, sĩi chikham khĩir jãsenkhaag nem par daúa ooba aajem khʉʉn, iglesia ee dirijiijem khʉʉn, maimua ich Ẽwandam Akharau iekhapibaawai deeum meúa iekhaajem khʉʉn. Magʉm khʉʉnta ich iek ʉkha nʉm khʉʉn ee paraa apijim.

1 Corintios 15:10

Mag chitajieb mamʉ ʉu Ẽwandamau mʉ eeg oowi ĩs ich iek jaaujemkha wai sim. Mʉchta mʉch khapeen ich iek jaaumkhĩir ichdeucha jʉr autarr khʉʉn khãaijã ʉ̃rcha phidkhawia chirʉm. Mʉch juapadamau khabajim pari ichdeu mʉ juag oowiata ʉu chadcha mʉ dʉrrcha i athee phidkhabarm. Jãgan Jooirau parchata mʉ eeg oobajim.

2 Corintios 6:1

Mʉchjã Ẽwandam dʉita phidkha chiraawai irua pãach dʉi wajapha am khõsi sim mua jaau chirʉm chan oob pãrau par jʉ̃gʉupai ũrmiet a chirʉm.

Filipenses 2:21

Tagam khʉʉnan sĩi amach wir aigpaita khĩirjuajerram. Mamʉ mag sĩsidʉm Jesucristo athee nem wauju khĩirjug chan bʉ̃ʉrjã khĩirjubamjota aajerram.

Filipenses 2:25

Mamʉ ichiita mʉʉgwaiwe mua deeu pãar aar maach khod Epafrodito pʉiju. Pãrau mʉ juag oomkhĩirta i pʉitarr aawai chadcha irua ʉu mʉ ipierr maach Por Cristo iekjã jaau wai khitanaa woun atheemjo ag kõitjã warag khaigper iekha khitaajem.

Filipenses 2:30

Chadcha ichdeupaita peer ich khĩrau ich thõopijim, Cristoou nem waupi jaau sim ipierraa am khõchgau. Maimua ĩchab pãrau pãachdeucha mʉ juag oom khõsi durrumta warp nʉm gaaimua pod ooba aawai, jũrr ichdeuta garpapa am khõchgau peer meebarm mʉ gaaimua. Maguata muan pãrag onee pãach ee i baarpi athat a chirʉm.

Colosenses 1:29

Magaag atheeta mʉʉn maach peerdʉajem iek jaau chirʉm, magaagjã ich Cristo jua theeg mʉ gaai simuata mag jaaupi sĩewai.

Colosenses 4:12

Mag tag ĩchab pãach aram woun Epafras Jesucristo chogkha phidkha khitʉmuajã pãrag salud deepʉi sim. Ich mag ichdeun pãar kõit Ẽwandamag jeeu khitaajem, pãachdeu ʉkhatarr iek gaai ubʉnaa thumaa ich Ẽwandamau khõsimjota waumkhĩir.

1 Tesalonicenses 2:9

Khodamnaan, pãrau khĩir eyaa nʉm, maar pãar ee udthuurwai jãga maar khajeeu durrum ãba phidkhaajeejĩ maach bidam athee. Ẽwandamau maach peerdʉ aaujem iek pãrag jaau wenʉrrʉmua edaram magwe maar phidkhaajeejim, eeu naspawia ãbmua khãijã maar jãhogam khõchgau ichta khojudamjã chukkhu chirajim am ugua.

1 Tesalonicenses 5:12

Khodamnaan, marau pãrag jaaum ig nʉmʉn ĩchab, ar pãach ee chi pornaan Ẽwandam iek jaaunaa pãach wawiejem khʉʉn chan oob pãrau sĩi amag oobamjo amiet anʉmʉu, amag phagmaaugau.

2 Tesalonicenses 3:1

Khodamnaan, ãbmiecha paawai marau pãrag maar kõit jeeubat anʉm, mag gaaimua pãach ee arrjo maach Por Jesuu õor peerdʉ aaujem iekta jopcha durrpierr aaidʉbaadee õraujã ʉkham khõsi amach thãraucha ʉkhamkhĩir.

1 Timoteo 4:10

Mag mʉg jẽb gaai nʉwejã Ẽwandamau maach dʉi ajapha aju khaphʉ naawaita, ich jãg thet jaau nʉmua, i iek õrag ʉkhapiju ẽkha durrumua, ĩchab chikhamnau maach ĩgkhabaadephʉmjã magʉm igba, warag pedurraajem. Chadcha Ẽwandamta ãba thumaam khʉʉn peerdʉajemʉu, pari ajapcharan ar ich iek ʉkha durrum khʉʉn denpai mamʉ.

2 Timoteo 4:5

Mamʉ pʉ chan oob magʉm khʉʉnjo chitam; magju khãai thumaam khʉʉn dakhĩir agpierraata chitá. Phithurg au chitawi khãijã ãwatbá. Tagam nem wauju khãai, Jesucristo iek maach peerdʉajem jaau nʉm gaaipaita chitʉmua pʉchig phidag jaautarrta wajapha wau chitá.

Filemón 1:1

Filemón, ¿jãgpai chirʉ́? Mʉʉn Pabloou. Maach Por Jesucristo iek jaau chirʉm gaaimua preso chirʉm. Mag preso chirʉmuata pʉrʉg mʉg ẽsap phã deepʉi chirʉm. Pʉjã maar dʉi maach Por Jesucristo iek jaau nʉm gaai ogdʉba khitaawai, maach hermano Timoteo dʉimua muata pʉrʉg saludaa chirʉm.

Hebreos 3:6

Mamʉ Cristo Jesús chan magba, Jesuun ich Iewaa chaar ichdeu pʉitarrau. Magtarr aawai ichdeuta maach ich Aai õorkhaju khʉʉn thum peerdʉ auwi ichdeuta khap sim, ichig jaautarrjo. Maata i phidag aawai i gaaimuata maach mʉg Ẽwandam denkha nʉm. Majã chadcha mag i õorkha naawai parta i iek ʉkhaba nʉm khaphʉnaa onee irua maach ich aar phe auju khĩirjugta ogdʉba wenʉrrʉmʉn mamʉ.

Apocalipsis 2:1

Efeso phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi iglesia siete nʉmpierr nʉrranaa ich juachaar garmua pãar chi pastornaan siete nʉmjã burrpiba wai sĩejemuata pʉrʉg ich imeerba mʉg ẽsap phã deepʉipijim. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau: