San Lucas 10:18 - Wounaan Meu

¹⁸ Magbaawai Jesuu amag magjim aajem: —Pãrau mag obeerpi jaauwai dosãt jua theeg chukhu sĩi jẽkhʉt phʉphʉrg petaphʉm mua khaphʉ chirajim. Jãguata irua mʉ okho sĩerrʉmgui ajim anʉm, ichdeu mʉ jua jʉmbaju khap.

Woun Meu

¹⁸ Magbaawai Jesuu hamag magjim haajem: —Pãrau mag höbeerpi jaauwai dösãt jua t'eeg chuk'u sĩi jẽk'ʌt p'ʌp'ʌrg petap'ʌm mua k'ap'ʌ chirajim. Jãguata hirua mʌ hök'ö sĩerrʌmgui hajim hanʌm, hichdëu mʌ jua jʌmbaju k'ap.

San Lucas 10:18 Iomraidhean Croise

San Mateo 4:10

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

San Juan 12:31

Ya ĩsta chikhamnau mʉ thõoju gayaa pamam. Mag mʉ isegwi mʉ thõobarm gaaimuata khaigbam khʉʉn thumaam khʉʉn dʉi Ẽwandamau ichdeu khap ajugui ajim. Mag õor kõit mʉ thõobarm gaaimuata ĩchab mepeer mʉg durr gaai ichta chi porkha sĩerrʉmjã Ẽwandamau podpʉim iek podpʉijugui ajim.

San Juan 16:11

Maigta ich ag Ẽwandam Akharaupai ĩchab mag dosãt mʉg durr gaai chi porkha sĩerrʉmjã ich igar nʉm khʉʉn dʉi Ẽwandamau ich garmua ya podbapʉimjã khaphʉ apijugui ajim.

Hebreos 2:14

Mag mʉig eegar chi chaainkha thʉnʉm khʉʉnjã wounaanta mag i chaainkha thʉnaawai ich Jesujã mʉig eegarm khʉʉnjo wounkhata sĩeichejim, wounjo meeg; mag ich meebarmua mʉig eegar ichta chi durr khʉ awi õor dajẽk wai sĩerrta iek theeg chukhu apäaig; ajapcharan mepeerta ich garmua podpäaigma.

1 Juan 3:8

pari magba ar pekauta wau nʉm khʉʉnan mepeer den aawaita mag nʉm, ich chi mepeerjã ich warrgarwe ich mag pekau wau sĩerraawai. Wajapcharan ich Ẽwandam Iewaa mʉg jẽb gaai beetarran, mag meperau õor khũgur wai simua pekau ee preso phe wai sĩerrjo narr khʉʉn i jua chaaur weeukhapʉyaanta beejim, tag meperagta maach ʉ̃rpai apimaaugau.

Apocalipsis 20:2

Mag beewia, mag nem pom õoirjo sim pʉr athaichejim. Mag õoirjo simta warrgarwe “nemkhõr” a thʉ̃ʉrjem; ich arpai ĩchab mepeer a thʉ̃rnaa Satanás a thʉ̃ʉrjem. Mag pʉr auwi mil años sĩi ibʉʉr sĩujim.

Apocalipsis 9:1

Maimua chadcha chi Ẽwandam chognaan sirju waaur narr eem ãbmua ich trompeta tẽee aadejim. Mag siram cincoom gaai, Ẽwandam chogta edjã eemua phĩdagjo phug beem mua oopʉijim. Magʉg, sĩi jẽbdijo ierr maach dau warp ithurm jaaba wejom ee thʉrrdo sim den chi yabme deepijim ich Ẽwandamau.